Isaías 1:2 - Q'eqchi Bible

² Ab'ihomaq, ex choxach'och', a' li Qaawa' yo chi aatinak: “Xink'iiresiheb' li walal ink'ajol, toj reetal xe'winqo'k; ab'an eb' a'an xe'xq'etq'eti rib' chiwu.

Li Santil hu

² Cherabihak la̱ex li cuanquex saꞌ choxa joꞌ ajcuiꞌ la̱ex li cuanquex saꞌ ruchichꞌochꞌ xban nak li Ka̱cuaꞌ oc re chixyebal chi joꞌcaꞌin: —Quebinqꞌuiresi li cualal incꞌajol toj retal queꞌni̱nkan. Abanan eb aꞌan xeꞌxkꞌetkꞌeti ribeb chicuu.

Isaías 1:2 ပူးပေါင်းရင်းမြစ်များ

Deuteronomio 32:1

“Ab'ihomaq, ex choxa, ok we chi aatinak; li ruuchich'och' chirab'iiq li aatin taa'elq chi xtz'uumal we.

Deuteronomio 30:19

Sa' li kutan a'in ninye aawe chiru li choxa ut li ruuchich'och': xinyeechi'i aawe yu'am ut kamk, osob'tesiik ut majewaak. Sik' ru li yu'am re naq yo'yooqat laa'at jo'wi' eb' laawalal aak'ajol.

Miqueas 1:2

Chejunilex li tenamit, ab'ihomaq li aatin a'in; chex'ab'inq chejunilex li wankex sa' li ruuchich'och'. Li Qaawa' taa'aatinaq chirix leemaak toj sa' chaq li xsantil ochoch.

Deuteronomio 4:26

ch'olch'o ru naq tex'oso'q sa' junpaat sa' li na'ajej toxeereechani naq teeq'ax li nima' Jordán: li choxa ut li ruuchich'och' te'xch'olob' leemaak. Moko najt ta texwanq aran xb'aan naq texsache'q chi junajwa.

Salmos 50:4

Chalen chaq toj taqe'q xb'oqeb' chi ch'utlaak li choxach'och' re xraqb'al aatin sa' xb'een li xtenamit:

Malaquías 1:6

Li Qaawa', li Nimajwal Yos, kixye reheb' laj tij: “Li alalb'ej naroxloq'i li xyuwa' ut laj k'anjel naxk'e xloq'al laj eechal re. Wi laa'in leeyuwa', k'a'ut naq ink'a' nikineeroxloq'i? Wi aj eechalin eere, k'a'ut naq ink'a' nekek'e inloq'al? Laa'ex nikineetz'eqtaana ut nekeye: «K'aru xatqatz'eqtaana wi'?», chankex.

Miqueas 3:8

A'ut laa'in li xmusiq' li Qaawa' nak'ehok inkawilal; nujenaqin chi tiikil ut kawil ch'oolej re xch'olob'ankil chiru laj Jakob li xq'etq'etil ut chiru laj Israel li maak xb'aanu.

Amós 3:1

Ab'ihomaq li naxye li Qaawa' cherix laa'ex aj Israel, jo'k'ihalex li kexwisi chaq sa' li tenamit Ejiipt:

Ezequiel 36:4

Jo'kan naq, ex xtzuulul Israel, ab'ihomaq li naxye li Qaawa' reheb' li tzuultaq'a, eb' li b'ool ut eb' li roq nima', jo' ajwi' reheb' li po'lem ut eb' li tenamit xe'sache'k, li nakirirnak xe'kanaak ut xe'elq'aak li k'aru reheb', ut reheb' li xe'se'eek xb'aaneb' li tenamit wankeb' chi xjunsutam.

Jeremías 22:29

Chejunilex li wankex sa' ruuchich'och', ab'ihomaq li raatin li Qaawa'.

Jeremías 6:19

Ab'ihomaq li wankex sa' ruuchich'och'! Tink'am chaq li rahilal sa' xb'een li tenamit a'in xb'aan li maa'usilal neke'xk'uub'. Ink'a' neke'raj xpaab'ankil li waatin ut neke'xtz'eqtaana linchaq'rab'.

Isaías 65:2

Maak'a' rajb'al naq junelik xink'e inch'ool chi xk'ulb'al jun q'etq'et aj tenamit li junes maa'usilal naxik wi' xch'ool;

Isaías 30:9

Xb'aan naq li tenamit a'in jwal kaweb' li xjolom ut aj ka'pak'al uheb', ink'a' neke'raj rab'inkil li xchaq'rab' li Qaawa'.

Isaías 30:1

Ra chaalel sa' xb'eeneb' li q'etq'et aj aleb', chan li Qaawa', li neke'xk'uub' li k'aru neke'raj, chi ink'a' neke'xpatz' we, ut neke'xk'ojob' sumwank li ink'a' inyehom reheb'. Jo'kan naq yo chi tamk li xmaakeb'.

Jeremías 31:9

Yooqeb' chaq chi tijok ut chi yaab'ak naq te'chalq. Teb'ink'am chireheb' li nima', sa' li b'e tiik ru, re naq ink'a' te'xtich li roqeb'. Xb'aan naq laa'in li xyuwa' laj Israel, ut laj Efraín a'an li xb'een li walal.

Jeremías 13:15

Ab'ihomaq ut k'ehomaq reetal, meeq'etq'eti chik eerib', xb'aan naq li Qaawa' yo chi aatinak.

Deuteronomio 1:31

jo'wi' sa' li chaqich'och'. Laa'ex eerilom chaq naq li Qaawa' leeYos kexb'eres chaq chiru chixjunil leeb'eenik toj kexk'ulunk sa' li na'ajej a'in, kama' naxb'aanu junaq yuwa'b'ej naq naxq'alu li ralal», chankin eere.

Hechos 4:20

Laa'o ink'a' naru tqakanab' aatinak chirix li qilom ut qab'ihom.

Salmos 49:1

Re li xjolomileb' laj b'ichanel. Xsaalm eb' li ralal xk'ajol laj Koré.

Isaías 31:6

Ex ralal xk'ajol laj Israel, sutq'inqex chaq rik'in li q'axal xexnajto'k wi' naq xeq'et li raatin.

Isaías 34:1

Jilonqex chaq, ex tenamit, ut ab'ihomaq; k'ehomaq reetal chi us, ex poyanam. Ab'in, at ruuchich'och' ut chixjunil li wank chisa'; k'e reetal, at choxach'och' jo'wi' chixjunil li nayo'laak chiru.

Isaías 63:16

Laa'at li qana' qayuwa'! Us ta laj Abrahán ink'a' nokooxk'e sa' xch'ool chi moko nokoojultiko'k re laj Israel, a'ut laa'at li qana' qayuwa', at Qaawa'; chalen chaq sa' xtiklajik laa'at laj kolol qe.

Jeremías 3:22

Chalqex wi' chik wik'in, ex walal ink'ajol aj q'etolex aatin, ut laa'in twisi leeq'etq'etil”. “Waaye'o arin, xoosutq'iik chaq aawik'in, xb'aan naq laa'at li Qaawa' li qaYos.

Ezequiel 24:3

Ut ye junaq jaljookil ru aatin chirix a q'etq'et aj tenamit a'in; ye reheb' sa' ink'ab'a': «K'e jun uk'alaq chi ha' sa' xam.

2 Reyes 21:22

Kixtz'eq chirix xch'ool li Qaawa', xYos eb' li xna' xyuwa', ut ink'a' kixb'aanu li rajom li Qaawa'.

Miqueas 1:1

A'an a'in li raatin li Qaawa' li kixk'ul laj Mikeas, aj Moséret, ut li kiril sa' moy u chirix Samaria ut Jerusalén, naq laj Jotán, laj Ajás ut laj Esekías wankeb' chaq chi awab'ejink sa' xb'een Judá.