Isaías 1:17 - Q'eqchi Bible

¹⁷ Tzolomaq xb'aanunkil li us, yalomaq eeq'e chi xsik'b'al li tiikilal, tenq'ahomaqeb' li rahob'tesinb'ileb', k'ehomaq li xk'ulub'eb' li neb'a'yox ut chekolaqeb' li xmalka'an!”.

Li Santil hu

¹⁷ Chetzol xba̱nunquil li us. Chesicꞌ li ti̱quilal. Chekꞌuseb li nequeꞌxrahobtesi ras ri̱tzꞌin. Cheba̱nuhak usilal reheb li nebaꞌ. Ut chetokꞌoba ruheb li xma̱lcaꞌan.

Isaías 1:17 ပူးပေါင်းရင်းမြစ်များ

Miqueas 6:8

At winq, at ixq, ak yeeb'il aawe li k'aru us xb'aanunkil, a' li nawulak chiru li Qaawa' naq taab'aanu: ka'ajwi' xb'aanunkil li tiikilal, xk'eeb'al aach'ool chi rahok ut taakub'si laawankil chiru laaYos.

Jeremías 22:3

B'aanuhomaq li tiikilal ut li k'ulub'ej, kolomaqeb' li yookeb' chi rahob'tesiik, meemajewa chi moko cherahob'tesi laj ab'l tenamit, li neb'a'yox ut li xmalka'an. Meekamsi li maak'a'eb' xmaak, sa' li na'ajej a'in.

Isaías 1:23

Q'axal q'etq'eteb' laj k'amol eeb'e ut wankeb' sa' amiiwil rik'ineb' laj elq'. Sa neke'ril li tuminaak li junjunq ut jwal neke'wulak chiru li k'uluk maatan. Ink'a' neke'xb'aanu usilal reheb' li neb'a'yox ut maak'a' neke'raj wi' li xch'a'ajkilal li xmalka'an.

Proverbios 31:9

Aatinan chirixeb' ut raqon aatin sa' xb'eeneb' rik'in tiikilal; chakoleb' li neb'a' ut li kub'enaqeb' xwankil.

Zacarías 8:16

A'an a'in li teeb'aanu: xyeeb'al li yaal cherib'il eerib', texraqoq aatin sa' tiikilal sa' leeraqleb'aal aatin re twanq li tuqtuukilal;

Sofonías 2:3

Sik'omaq li Qaawa' chejunilex li kub'enaq eewankil sa' li ruuchich'och' a'in, jo'k'ihalex li nekexpaab'ank re li xchaq'rab'. K'anjelahomaq li tiikilal ut li q'unil ch'oolej: mare anchal texkole'q sa' xkutankil li xjosq'il li Qaawa'.

Daniel 4:27

Jo'kan utan, at awab'ej, paab' li na'leb' tink'e aawe: toj rix laamaak rik'in xb'aanunkil li tiikilal ut xtenq'ankileb' li neb'a', ut matmaakob'k chik re naq sahaq taxaq aach'ool chi junelik”.

Santiago 1:27

Li tz'aqal paab'ank li maak'a' reek' ut loq' chiru li Yos Yuwa'b'ej, a'an a'in: xtenq'ankileb' li maak'a'eb' chik xna' xyuwa' ut eb' li xmalka'an li wankeb' sa' rahilal, jo' ajwi' xkolb'al qib' chiru li xmaa'usilal li ruuchich'och' chi maak'a'aq qamuxul.

Deuteronomio 14:29

Chi jo'kan taachalq laj Leví li maak'a' wank re chi moko xtz'aqk na'ajej aawik'in, te'chalq laj ab'l tenamit, li maak'a' xna' xyuwa', eb' li xmalka'an li wankatqeb' sa' laatenamit, te'wa'aq toj reetal te'k'ojlaaq xch'ool, re naq li Qaawa' laaYos tatrosob'tesi sa' chixjunil li k'anjel taatikib' xb'aanunkil.

Salmos 34:14

Chara li ru'uj aawaq' chiru li ink'a' us, miwank li tik'ti' sa' xtz'uumal aawe;

Isaías 56:1

Li Qaawa' kixye chi jo'ka'in: “Junelik wanqex sa' tiikilal ut b'aanuhomaq li us, xb'aan naq nach' chik wank linkolb'a ib' ut ok re chi k'utunk li xtiikilal linch'ool.

Isaías 58:6

Moko a'an ta li ayuun nawaj. “Li ayuun nawaj laa'in a'an a'in: rach'ab'ankileb' li wankeb' sa' tz'alam chi maak'a'eb' xmaak, xk'ixb'al li xk'aamal li rahob'tesiik, rach'ab'ankileb' li tawasinb'ileb' ut risinkil chixjunil li kawil taqlank.

Jeremías 21:12

Ex ralal xk'ajol laj David, a'an a'in li naxye li Qaawa': Rajlal kutan b'aanuhomaq li tiikilal; kolomaqeb' li yookeb' chi rahob'tesiik sa' ruq'eb' laj rahob'tesinel. Mare anchal, xb'aan leemaa'usilal, taachalq injosq'il sa' eeb'een jo' li xam, ut maajun chik taaruuq chi chupuk re.

Jeremías 35:15

Xink'e inch'ool chi xtaqlankil chaq eerik'in eb' linpropeet, laj k'anjeleb' chiwu, re xyeeb'al eere: Kanab'omaq li jo'maajo'il wank, chaab'ilob'resiiq leeyu'am ut meeloq'oni chik ru eb' li jalanil yos chi moko texk'anjelaq chiruheb'. Chi jo'kan wanqex sa' li na'ajej a'in ink'ehom eere laa'ex ut reheb' ajwi' leexe'toonil yuwa'. Ab'anan ink'a' xineepaab' chi moko xeraj wab'inkil.

Ezequiel 18:31

Kanab'omaq chixjunil li maa'usilal xineemajewa wi' ut ak'aq chik leech'ool, ak'aq chik leemusiq'. K'a'ut naq nekeraj kamk, ex aj Israel?

Éxodo 22:21

“Maahob' li jalan xtenamit chi moko taarahob'tesi, xb'aan naq ab'lex ajwi' laa'ex naq kexwank chaq sa' li tenamit Ejiipt.

Proverbios 15:25

Li Qaawa' naxjuk' li xjunkab'al li q'etq'et, ab'an naxk'aak'ale li xch'och' li xmalka'an.

Proverbios 21:3

Xb'aanunkil li usilal ut li tiikilal, q'axal loq' cho'q re li Qaawa' chiru chixjunil li k'atb'il mayej.

Isaías 10:2

Ink'a' neke'xtenq'aheb' li neb'a' sa' li raqleb'aal aatin, neke'xram b'an li xk'ulub' eb' li ra wankeb' sa' lintenamit, neke'xchoy xsa' li xjunkab'aleb' li xmalka'an ut neke'xmaq' li k'aru wank reheb' li neb'a'yox.

Ezequiel 22:7

Eb' li poyanam li wankeb' aawik'in ink'a' neke'roxloq'i eb' li xna' xyuwa'eb', neke'xrahob'tesi eb' laj ab'l tenamit ut neke'xtawasi li neb'a'yox jo'wi' li xmalka'an.

Ezequiel 45:9

“Laa'in, li Qaawa', ninye chi jo'ka'in: Tz'aqalaq li xeb'aanu, ex aj jolominel re Israel! Kanab'omaq li rahob'tesink ut li raaxiik'. B'aanuhomaq li tiikilal ut li us. Meemaq' chik xch'och'eb' lintenamit -chan li Qaawa'-.