Isaías 1:13 - Q'eqchi Bible

¹³ Mexk'amok chaq chik mayej li maak'a' na'ok wi'; ink'a' naxk'ul wu li xsib'el li k'ajpom. Ink'a' nawulak chiwu leenininq'e sa' xyo'lajik li po, sa' li hilob'aal kutan ut leech'utam, xb'aan naq muxb'il ru xb'aan leemaak.

Li Santil hu

¹³ Me̱cꞌam chak chic le̱ mayej li ma̱cꞌaꞌ na-oc cuiꞌ. Incꞌaꞌ chic nacuaj rutzꞌbal li pom. Xintitzꞌ xban. La̱ex nequeninkꞌei li xyoꞌlajic li po ut li hiloba̱l cutan. Abanan incꞌaꞌ chic nacuaj rilbal le̱ ninkꞌe xban nak junes ma̱usilal nequeba̱nu.

Isaías 1:13 ပူးပေါင်းရင်းမြစ်များ

Isaías 66:3

Ab'anan wankeb' li neke'mayejak teelom wakax, ut neke'xkamsi ajwi' junaq winq; neke'xxeq' junaq karneer, ut neke'xch'ot ajwi' xkux junaq tz'i'; neke'mayejak triiw, ut neke'xyeechi'i ajwi' xkik'el li aaq; neke'k'atok k'ajpom chiwu, ut neke'xloq'oni ajwi' li jalanil yos. Eb' li xe'sik'ok re li jo'maajo'il na'leb' a'in q'axal sa sa' xch'ooleb' chi xb'aanunkil chixjunil a'an.

Malaquías 1:10

Us rajan naq jun taxaq sa' eeyanq tixtz'ap li rokeb'aal li wochoch re naq ink'a' texk'atoq mayej sa' lin'artal chi maak'a' rajb'al! Xb'aan naq moko sa ta linch'ool cherix chi moko tink'ul chik leemayej.

San Mateo 15:9

Maak'a' aj e naq nikine'roxloq'i, xb'aan naq li k'aru neke'xk'ut chiruheb' li tenamit yal xtaqlahomeb' li winq».

Ezequiel 20:39

«Ex aj Israel, li Qaawa' xye chi jo'ka'in: Ayuqex chi xloq'oninkileb' ru leejalanil yos chejunjunqalil; chirix chik a'an ninye li waatin naq tineepaab' ut ink'a' chik teemux linsantil k'ab'a' rik'in leemayej ut leejalanil yos.

San Lucas 11:42

“Ab'anan ra chaalel sa' eeb'een laa'ex aj pariseey: neketoj li xlajeetqil li isk'i'ij, li aruub' ut chixjunil li ichaj, ut maak'a' xeraj wi' li tiikilal ut li xraab'al li Yos. Chixjunil a'in tento raj xeb'aanu, ab'an ink'a' raj xekanab' xb'aanunkil li junch'ol chik.

Joel 2:15

Yaab'asihomaq li pur aran Sión, ch'utub'omaq li tenamit ut yehomaq resil li ayuunik.

Lamentaciones 2:6

Jo' junaq aj elq' xweqi li xloq'laj ochoch ut kok'putz' xkanab' li na'ajej na'uxk wi' ch'utlaak. Ink'a' chik na'uxk ninq'ehik aran Sión chi moko neke'roxloq'i li sábado. Sa' xxamlel li xjosq'il li Qaawa' xk'e chi sache'k li awab'ej ut eb' laj tij.

Efesios 4:30

Meerahob'tesi xch'ool li xSantil Musiq' li Yos li kaaxtinb'ilex wi' rik'in loq'laj eetalil cho'q re xkutankil li kolb'a ib'.

1 Corintios 11:17

Nawaj ajwi' xyeeb'al eere naq ink'a' nasaho'k linch'ool chirix leech'utam, xb'aan naq aran k'ajo' chik li ink'a' us yookex chi roksinkil chiru li us.

Joel 1:14

Ch'utub'omaq li tenamit ut yehomaq resil li ayuunik. Ch'utub'omaqeb' li cheekel winq ut chixjunileb' li poyanam sa' rochoch li Qaawa' leeYos, ut chextijoq chex'elajinq chiru li Qaawa'.

Proverbios 21:27

Li Qaawa' naxtz'eqtaana li xmayejeb' li ink'a' useb' xch'ool. Ma toja' ta chik naq yal kab' rix xch'ooleb' naq neke'xk'e?

Salmos 78:40

K'ajo' naq ke'xq'etq'eti rib' sa' li chaqich'och', q'axal ke'xpo' xch'ool sa' li junesal na'ajej a'an.

1 Crónicas 23:31

jo' ajwi' re xyeechi'inkil chixjunileb' li k'atb'il mayej chiru li Qaawa' sa' li sábado, sa' xyo'lajik li po ut sa'eb' li ninq'e, jo'k'ihaleb' li tz'iib'anb'il chaq xk'ab'a'eb' chi junajwa re k'anjelak chiru li Yos.

Éxodo 12:16

Sa' li xb'een li kutan chiwanq eeloq'laj ch'utam: jo'kanaq ajwi' sa' xwuq li kutan. Maajun k'anjel chi'uxmanq sa'eb' li kutan a'an; ka'ajwi' taaruuq xk'uub'ankil li tzekemq re li junjunq.

Filipenses 1:15

Yaal ajwi' naq wankeb' li neke'puktesink resil li Kriist yal xb'aan naq nikine'xkaqali ut nikine'xwech'i, ab'an wankeb' ajwi' neke'b'aanunk a'an chi anchaleb' xch'ool.

Números 10:2

“Yiib' wiib'aq tronpeet rik'in plaat li tenb'ilaq chi chaab'il. Taak'anjelaq aawe re xb'oqb'aleb' li komonil ut re xyeeb'al reheb' naq te'xik.

Isaías 66:23

Rajlal po, sa' xyo'lajik li po, ut rajlal sábado, chixjunileb' li poyanam tole'xwiq'ib' rib' chiwu, -chan li Qaawa'-.

Oseas 2:11

Tinsach chixjunil li nasaho'k wi' xch'ool, a' li utz'uk, li xninq'ehinkil li xtiklajik li po, li hilob'aal kutan jo'wi' chixjunileb' li ninq'e.

Levítico 26:31

po'lem tinkanab' leeninqal tenamit ut tinsacheb' li rochochil leejalanil yos; ink'a' chik taaxik inch'ool chirix leesununkil b'an.

2 Reyes 4:23

“K'a'ut naq xik aawe rik'in anaqwan, naq maji' nayo'laak li po chi moko sábado ta?”, chan li b'eelomej. Ab'an li ixq kixye: “Matk'oxlak”.

Proverbios 7:14

“Laa'in kinyeechi'i inmayej re wank sa' usilal rik'in li Yos, ut anaqwan ak xinmajeya li kinyeechi'i.