Isaías 1:12 - Q'eqchi Bible

¹² Naq nokoleemayeja arin ut nekeyeq'i linneb'aal, ani xpatz'ok eere? Kanab'omaq xmuxb'al ru linneb'aal!

Li Santil hu

¹² ¿Ani xtaklan chak e̱re nak nequexchal chi mayejac saꞌ li cuochoch? ¿Cꞌaꞌut nak nequexchal chixmuxbal ru li cuochoch?

Isaías 1:12 ပူးပေါင်းရင်းမြစ်များ

Éxodo 34:23

“Ox sut chiru li chihab' te'xk'ut chaq rib' chixjunileb' li winq chiru li Qaawa', xYos laj Israel.

Éxodo 23:17

“Ox sut chiru li chihab' te'xk'ut rib' laawech winqilal chiru li Qaawa' Yos.

San Mateo 23:5

Chixjunil nalaje'xb'aanu yal re naq ilb'ilaqeb' xb'aaneb' li tenamit: neke'xyu' li xloq'laj eetalil li Chaq'rab' chi xpeekemeb' jo'wi' chiruheb' li xtel, ut neke'xtiq xsahob' ru li re li raq'eb';

Miqueas 6:8

At winq, at ixq, ak yeeb'il aawe li k'aru us xb'aanunkil, a' li nawulak chiru li Qaawa' naq taab'aanu: ka'ajwi' xb'aanunkil li tiikilal, xk'eeb'al aach'ool chi rahok ut taakub'si laawankil chiru laaYos.

Eclesiastés 5:1

Naq tatxik sa' rochoch li Yos, chak'e reetal li k'aru taab'aanu. Wankeb' maak'a'eb' xna'leb' li neke'xik aran chi mayejak, ab'anan ink'a' neke'xk'e reetal naq ink'a' us yookeb'. A'ut laa'at jilon chiru li Qaawa' chi kub'enaq aawankil ut sa' q'unil ch'oolej.

Salmos 40:6

At Qaawa', at inYos, naab'al li sachb'ach'oolej xab'aanu, k'ajo' xk'ihal li xninqal ru aak'a'uxl chiqix: maajun truuq xjuntaq'eetankil rib' aawik'in! Nawaj raj xyeeb'al resil ut xpuktesinkil, ab'an ink'a' ninruhank chi rajlankileb'.

Deuteronomio 16:16

“Oxib' sut sa' li jun chihab' chixjunileb' li winq te'xk'ut chaq rib' chiru li Qaawa' laaYos, sa' li na'ajej sik'b'il ru xb'aan: sa' xninq'e li Wa ink'a' yuub'il, sa' xninq'eheb' li Xamaan ut sa' xninq'eheb' li Muheb'aal. Maajun toxk'ut rib' chiru li Qaawa' chi maak'a' wanq sa' ruq';

Zacarías 7:5

“Ye reheb' chixjunil li tenamit jo'wi' reheb' laj tij chi jo'ka'in: «Laa'ex nekex'ayuunik ut nekexyaab'ak chiru li ro' ut xwuq po chalen chaq lajeeb' xkaak'aal chihab' toj anaqwan; ab'an moko nekeb'aanu ta a'an re inloq'oninkil laa'in.

Jeremías 7:11

Malaj nekek'oxla naq li ochoch nanimaak wi' link'ab'a', a'an rochocheb' laj elq'? Laa'in nink'e reetal jo'ch'inal jo'nimal li nekeb'aanu. Raatin li Qaawa'.