Isaías 1:10 - Q'eqchi Bible

¹⁰ Ex jolomil re Sodoom, ab'ihomaq li raatin li Qaawa', ex aj Gomoor, k'ehomaq eech'ool chi rab'inkil li naxye li qaYos:

Li Santil hu

¹⁰ La̱ex li nequexcꞌamoc be saꞌ li tenamit Jerusalén chanchanex laj Sodoma. Ut chanchanex laj Gomorra. Abihomak li yo̱ chixyebal e̱re li Ka̱cuaꞌ li kaDios. Qꞌuehomak retal lix ya̱lal li yo̱ chixchꞌolobanquil che̱ru.

Isaías 1:10 ပူးပေါင်းရင်းမြစ်များ

Apocalipsis 11:8

Ut li xch'och'el sululeb' a'an te'kanaaq sa'eb' li xaalib'e re li xNimal Tenamit li naxk'ab'a'in Sodoom malaj Ejiipt chi jalb'il ru xyaalalil; aran ajwi' kik'ehe'k chiru krus li xQaawa'eb' a'an.

Ezequiel 16:49

A'an a'in li xmaak Sodoom, laawiitz'in: li q'etq'etil, li num wa'ak ut sahil wank; ab'anan a'an rochb'eeneb' li xk'aleb'aal maajun wa kixtenq'aheb' li neb'a' ut li maak'a' wankeb' re.

Amós 9:7

Jo'ka'in kixye li Qaawa': “Ex aj Israel, chiwu laa'in juntaq'eetex rik'ineb' laj Etiopía ut rik'ineb' chixjunileb' li tenamit. Jo' naq kexwisi chaq Ejiipt, jo'kan ajwi' naq kiwisiheb' laj Filistea aran Kreta ut eb' laj Aram kiwisiheb' chaq Kir.

Ezequiel 16:46

Samaria rochb'eeneb' li xk'aleb'aal, a'an laachaq'na' li wank sa' xjayal releb'l iq'; ut Sodoom rochb'eeneb' li xk'aleb'aal, a'an laawiitz'in li wank sa' xjayal rokeb'l iq'.

Jeremías 23:14

Xwil ajwi' li k'aru neke'xb'aanu eb' li propeet aj Jerusalén: q'axal yib' wi' chik ru li xb'aanuhomeb'. Neke'muxuk sumlaak ut neke'b'alaq'ik; neke'xk'e xkawil xch'ooleb' li ink'a' useb' xna'leb' re naq maajun tixkanab' xb'aanunkil li maa'usilal. Eb' a'an jo'wi' eb' li wankeb' Jerusalén chanchaneb' laj Sodoom ut eb' laj Gomoor!

Isaías 3:9

Chi xnaq' ruheb' nak'utunk li xmaa'usilaleb'; moko muqmu ta li xmaakeb', chanchaneb' wi' laj Sodoom. Toq'ob'eb' xaq ru, xb'aan naq yookeb' chi xsik'b'al li xrahilaleb'!

Deuteronomio 32:32

Li x'uub' eb' a'an, a'an uub' re Sodoom ut re Gomoor, xkomon li uub' nakamsink ut k'ajo' xk'ahil.

Romanos 9:29

Jo' ajwi' yeeb'il chaq chi junxilaj xb'aan laj Isaías: “Wi li Qaawa' nim xwankil ink'a' ta kixkanab' junaq iyaj cho'q qe, kookanaak raj kama' Sodoom, chanchano raj Gomoor naq koo'oso'k”.

Amós 3:8

Ani ink'a' naxiwak naq naxjap chaq re li kaqkoj? Ani ink'a' taa'aatinaq jo' propeet wi li Qaawa' nayehok re?

Amós 3:1

Ab'ihomaq li naxye li Qaawa' cherix laa'ex aj Israel, jo'k'ihalex li kexwisi chaq sa' li tenamit Ejiipt:

Jeremías 9:26

eb' laj Ejiipt, eb' laj Judá, eb' laj Edom, eb' laj Amón, eb' laj Mohab ut chixjunileb' laj Arabia li neke'xjo li xjolomeb' ut wankeb' sa' li chaqich'och'. Xb'aan naq chixjunileb' li tenamit a'in jo'wi' eb' laj Israel toj maak'a' li reetalil li Sumwank sa' li xch'ooleb'”.

Isaías 28:14

Ab'ihomaq li raatin li Qaawa', laa'ex li jwal sa nekexse'ek anaqwan ut li nekexjolomink re li tenamit Jerusalén.

Isaías 8:20

Us raj te'aatinaq chi jo'ka'in, ab'anan li k'aru neke'xye, maak'a' na'ok wi'.

Génesis 13:13

Eb' laj Sodoom jwal ink'a' useb' xch'ool ut aj maakeb' chiru li Qaawa'.

Isaías 30:9

Xb'aan naq li tenamit a'in jwal kaweb' li xjolom ut aj ka'pak'al uheb', ink'a' neke'raj rab'inkil li xchaq'rab' li Qaawa'.

Isaías 33:22

Xhite'k li xk'aamaleb' li jukub', ink'a' chik xaqxo chi kaw li roqechal sa' xna'aj ut ink'a' chik naru xhelb'al li xnimal xt'ikrul li jukub'. Naab'al xb'ihomaleb' li xik' neke'ilok qe taaqeechani: te'tz'aqonq ajwi' eb' li mutz', ut eb' li yeq roqeb' te'xkut rib' sa' xb'een chi relq'ankil. Xb'aan naq li Qaawa' a'an laj raqol aatin sa' qab'een, a'an laj k'amol qab'e; li Qaawa' a'an li qaRey. A'an ajwi' taakoloq qe.

Ezequiel 13:2

“At kaamel winq, aatinan rik'ineb' li propeet aj Israel, eb' li neke'aatinak chi yal xk'a'uxeb' rib', ut ye reheb' sa' ink'ab'a': «Ab'ihomaq li naxye li Qaawa':

Miqueas 3:1

Ut laa'in xinye: “Ab'ihomaq anaqwan, laa'ex xjolomileb' laj Jakob; ab'ihomaq laa'ex li nekextaqlank sa' xb'eeneb' li ralal xk'ajol laj Israel. Ma ink'a' tab'i' sa' eeb'een wank xnawb'al k'aru li tiikilal?

Ezequiel 16:35

«Jo'kan utan, at aj yumb'eet, ab'i li waatin: