Hechos 9:4 - Q'eqchi Bible

⁴ T'anaamil sa' ch'och', kirab'i jun xyaab' kuxej yo chi xyeeb'al: “At Saúl, at Saúl, k'a'ut naq xik' yookat chi wilb'al?”.

Li Santil hu

⁴ Quitꞌaneꞌ saꞌ chꞌochꞌ laj Saulo ut quirabi jun xya̱b cux yo̱ chixyebal re: —At Saulo, at Saulo, ¿Cꞌaꞌut nak yo̱cat chixba̱nunquil raylal cue?—

Hechos 9:4 ပူးပေါင်းရင်းမြစ်များ

Zacarías 2:8

Xb'aan naq jo'ka'in naxye li Nimajwal Yos li xtaqlank chaq we chi xyeeb'al reheb' li xe'rahob'tesink eere: “Ani taarahob'tesinq eere, tinxrahob'tesi ajwi' laa'in”.

1 Corintios 12:12

Jo' naq li tz'ejwalej junaj chirib'il ut wank naab'al li xcha'al, ut chixjunileb' li xcha'alil a'an us ta naab'aleb', ab'an jun ajwi' chi tz'ejwalej naq wankeb', jo'kan ajwi' li Kriist.

Romanos 11:22

K'e reetal naq chaab'il li Yos, ab'anan kaw ajwi' na'aatinak. Kaw na'aatinak rik'ineb' li ke't'ane'k, ab'an k'ajo' xchaab'ilal aawik'in wi junelik wanqat sa' li xchaab'ilal. Wi ink'a' jo'kan, tat-isiiq ajwi' laa'at.

Isaías 63:9

chiru chixjunil li rahilal. Maawa' junaq xtaql chi moko junaq ánjel li kikolok reheb', a' aj b'an wi' li Qaawa' kikolok. Xb'aan li xrahom ut li ruxtaan kixkoleb', kixwaklesiheb' ut kixk'ameb' chaq chi q'unq'u chalen chaq junxil.

Génesis 22:11

A'ut li x'ánjel li Qaawa' kiraatina chaq toj sa' choxa: “Abrahán, Abrahán!”, chan re. Ut a'an kixye: “We'kin arin”.

Génesis 16:8

“Agar, aj k'anjelat chiru lix Saray, b'ar xatchalk chaq ut b'ar xik aawe?”, chu'uxk re xb'aan li ánjel. Kichaq'ok a'an ut kixye: “Yookin chi elelik chiru lix Saray laj eechal we”.

Efesios 5:30

Xb'aan naq xcha'alo li xtz'ejwal.

1 Corintios 4:7

xb'aan naq ani xsik'ok aawu chiruheb' chixjunil? K'aru wank aawe chi ink'a' ta aak'ulum? Ut wi yal aak'ulum, k'a' put naq nakanimob'resi aawib' chanchan naq moko aak'ulum ta?

San Juan 21:15

Naq ak xe'wa'ak, kixye li Jesus re laj Simón Pedro: —At Simón, ralalat laj Jwan, ma q'axal nikinaara chiruheb' a'in? Kixye a'an: —Hehe', Qaawa'. Laa'at nakanaw naq nakatinra. Kixye li Jesus re: —Chach'oolaniheb' linkok' karneer.

San Mateo 25:40

Ut li Rey tixye reheb': «Relik chi yaal ninye eere: jo'ch'inal jo'nimal xeb'aanu chaq reheb' linkok' iitz'in a'in q'axal kok'eb', we laa'in xeb'aanu chaq».

Génesis 3:9

Ab'an li Qaawa' Yos kixb'oq li winq ut kixye re: “B'ar wankat?”.

San Juan 20:16

Kixye li Jesus re: —María! A'an kixsutq'isi rib' ut kixye re sa' aatinob'aal hebreo: —Rabbuní! (naraj naxye: “At Tzolonel!”).

San Juan 18:6

Naq li Jesus kixye reheb': “Laa'inin”, ke'q'ajk chirixeb' ut ke't'ane'k sa' ch'och'.

San Lucas 10:41

Kichaq'ok li Qaawa' ut kixye re: —Marta, Marta, nakapoxle aawib' ut yo laak'a'uxl chirix naab'al laak'anjel;

Números 16:45

“Elenqex sa' xyanqeb' li komonil a'in, xb'aan naq ok we chi xsachb'aleb' ru chi junpaat”, chan. Laj Moisés ut laj Aharón ke'xhupub' rib' chiru ch'och', ut

Éxodo 3:4

Naq li Qaawa' kiril laj Moisés naq yo chi nach'ok chi rilb'al, kixb'oq toj sa' xyi li k'ix ut kixye: “Moisés! Moisés!”. Kichaq'ok a'an: “We'kin”, chan.

Hechos 5:10

Tikto kit'ane'k lix Safira chi roq laj Pedro ut ki'elk xch'ool. Naq ke'ok eb' li saaj al, kamenaq chik naq koxe'xtaw; ke'risi ut koxe'xmuq chaq chi xk'atq li xb'eelom.

Isaías 6:8

Ut kiwab'i li Qaawa' yo chaq chi xyeeb'al: “Ani tintaqla? Ani taaxik sa' qak'ab'a' laa'o?”. Laa'in kinye: “Waaye'in arin, at Qaawa'. Taqlahin laa'in”.

Hechos 9:5

Kichaq'ok a'an: “Anihat, at Qaawa'?”, chan. Ut a'an kixye: “Laa'in li Jesus li xik' yookat chi wilb'al.