Hechos 8:9 - Q'eqchi Bible

⁹ Sa' li tenamit a'an wank jun li winq, aj Simón xk'ab'a', natuulak ut naxye rib' naq nim xwankil: sachsookeb' xch'ool laj Samaria xb'aan a'an,

Li Santil hu

⁹ Quicuan jun li cui̱nk aj Simón xcꞌabaꞌ. Aꞌan aj kꞌe. Ac najter na-oc chixbalakꞌinquileb li cuanqueb saꞌ li tenamit Samaria. Aꞌan naxye nak nim xcuanquil.

Hechos 8:9 ပူးပေါင်းရင်းမြစ်များ

Hechos 13:6

Naq ak xe'xb'eeni chixjunil li ch'och' a'an sutsu xb'aan li ha', ke'wulak toj Pafos; aran ke'xtaw jun aj tuul aj Judiiy, aj Bar-Jesus xk'ab'a'. A'an jun propeet aj b'alaq'

Hechos 5:36

Xb'aan naq rub'elaj eb' li kutan a'in kixaqliik laj Tewdas li nim xwankil naq naxye rib', ut ke'okenk chirix jun o'q'ob' tana chi winq. Ab'an kikamsiik, ut chixjunileb' li ke'taaqenk re ke'xcha'cha'i rib'eb' ut ke'oso'k yal chi jo'kan.

San Juan 7:18

Ani na'aatinak yal xjunes rib', a'an naxsik' naq taak'eemanq xloq'al; ab'an li naxsik' xloq'al li kitaqlank chaq re, a'an paab'ajel ut maak'a' b'alaq'ik rik'in.

Levítico 20:6

Ani taapatz'oq rik'ineb' li musiq'ej ut rik'ineb' laj q'e, ut tixmux rib' sa' xk'ab'a'eb' a'an, laa'in tintz'eqtaana ut twisi sa' xyanqeb' li rech tenamitul.

Hechos 8:11

Neke'xk'e xch'ool chi rab'inkil xb'aan naq chalen chaq kutan sachsookeb' xch'ool rik'in li tuulak naxb'aanu.

Éxodo 7:22

Ab'anan jo'kan ajwi' ke'xb'aanu eb' laj q'e aj Ejiipt rik'in li xna'leb'eb', ut kikawuuk xch'ool laj Parahón ut ink'a' kiraj rab'inkil laj Moisés ut laj Aharón, jo' tz'aqal yeeb'il chaq xb'aan li Qaawa'.

Éxodo 7:11

Ab'an laj Parahón kixb'oqeb' li wankeb' xna'leb' ut eb' laj tuul; ut eb' a'an ajwi' ke'xb'aanu a'an rik'in li xna'leb'eb':

Apocalipsis 22:15

Elqeb' li tz'i', eb' laj tuul, eb' laj muxuleb' rib', laj kamsineleb' ras riitz'in, eb' laj loq'oninel li yal k'oxlanb'il yos ut chixjunileb' li neke'xra ut neke'xb'aanu li tik'ti'!

2 Pedro 2:18

Neke'aatinak rik'in xninqal ru aatin sa' xmajelal xna'leb'eb'; ut rik'in li naxrahi li tz'ejwalej jo'wi' rik'in li wank chi jo'maajo', neke'xq'unb'esi eb' li toja' xe'elk chaq sa' xyanqeb' li wankeb' sa' li ink'a' usil na'leb'.

2 Timoteo 3:5

aj paab'aneleb' naq te'xb'aanu rib', a'ut te'xtz'eqtaana li us. Maajunaji aawib' rik'ineb' a'an.

2 Timoteo 3:2

Eb' li winq junes reheb' te'raj, te'xrahi ru li tumin, te'xnimob'resihatq xwankileb', te'xq'etq'eti rib'eb', aj majewanelaqeb', aj q'etolaqeb' raatin xna' xyuwa', maak'a' chik te'xnaw xyoxinkil ut te'xtz'eqtaana li paab'ank.

2 Ts 2:4

a' laj Xik'il Uuchinel. A'an naxnimob'resi rib' sa' xb'een chixjunil li wank xk'ab'a' li Yos malaj naloq'onimank sa' ruuchich'och', toj reetal toxk'ojlaaq sa' rochoch li Yos ut tixxaqab' rib' xjunes jo' Yos.

Éxodo 9:11

Chi moko eb' laj q'e ke'xkuy wank chiru laj Moisés xb'aaneb' li sankil xox, xb'aan naq eb' laj q'e ajwi' kilaje'wank sankil xox chirixeb', kama' chixjunileb' laj Ejiipt.

Hechos 13:8

Ab'anan laj Elimas laj tuul (a'an naraj naxye li xk'ab'a') yo chi xch'a'ajkinkileb', yalyo xq'e chi k'anjelak re naq laj Sergio Pawlo ink'a' taa'ok chi paab'ank.