Hechos 8:7 - Q'eqchi Bible

⁷ Naab'aleb' eechaninb'ileb' xb'aaneb' li tz'ajn aj musiq'ej neke'xjap re chi kaw naq eb' laj tza neke'elk rik'ineb'; naab'aleb' ajwi' li sik ut yeq roqeb' ke'k'irtasiik.

Li Santil hu

⁷ Nabaleb li cuan ma̱us aj musikꞌej riqꞌuineb queꞌqꞌuirtesi̱c. Japjo̱queb re li ma̱us aj musikꞌej nak nequeꞌel riqꞌuineb. Ut nabaleb li ye̱k rokeb ut li sic rok rukꞌeb quilajeꞌqꞌuirtesi̱c.

Hechos 8:7 ပူးပေါင်းရင်းမြစ်များ

San Mateo 10:1

Li Jesus kixb'oqeb' li xkab'laju chi tzolom ut kixk'eheb' xwankil sa' xb'eeneb' li tz'ajn aj musiq'ej re naq te'risiheb', jo' ajwi' re naq te'xk'irtasi chixjunil li yajel ut chixjunil li rahilal.

Hechos 5:16

Neke'wulak ajwi' naab'aleb' wankeb' sa'atqeb' li tenamit nach' rik'in Jerusalén: neke'xk'amatq chaq eb' li xyaj ut li tawasinb'ileb' xb'aaneb' li tz'ajn aj musiq'ej, ut chixjunileb' nalaje'k'iraak.

Hebreos 2:4

Ut li Yos kixk'ut naq tz'aqal yaal a'an rik'ineb' eetalil ut sachb'ach'oolej, rik'in k'iila paay chi xninqal ru xb'aanuhom, jo'wi' rik'in xjek'inkil li xsimaatan li Santil Musiq'ej, a' yaal chanru rajom xch'ool.

San Juan 14:12

Relik chi yaal ninye eere: ani napaab'ank we, a'an ajwi' tixb'aanu li xninqal b'aanuhom li ninb'aanu laa'in, ut q'axal ninqeb' chik chiruheb' a'in tixb'aanu, xb'aan naq xik we rik'in li Yuwa'b'ej.

San Lucas 10:17

Ke'sutq'iik chaq eb' li kab'laju xkaak'aal chi saheb' sa' xch'ool ut ke'xye: —Qaawa', eb' laj tza neke'paab'ank chiqu sa' laak'ab'a'!

San Marcos 9:26

Ut li musiq'ej kixjap re ut kixchiq'le chi kaw li al; toja' naq ki'elk, ut li al chanchan kamenaq kikanaak: jo'kan naq naab'aleb' ke'ok chi xyeeb'al naq xkamk.

San Mateo 11:5

Eb' li mutz' neke'ilok ut eb' li yeq neke'b'eek, eb' li saqlep rix neke'k'irtasiik ut eb' li tz'ap xik neke'ab'ink, eb' li kamenaq neke'ajk ru ut eb' li neb'a' neke'rab'i li Chaab'il Esilal.

San Mateo 4:24

Kiwulak resil li Jesus sa' chixjunil Siria: ut ke'xk'am chaq rik'in chixjunileb' li yaj, k'iila paay ruheb' li xyajel ut li xrahilal; ke'xk'ameb' ajwi' chaq li eechaninb'ileb' xb'aan laj tza, eb' li neke'pohonk xyajel, eb' li sik, ut kixk'irtasiheb'.

Isaías 35:6

Li yeq roq taapisk'oq jo' li yuk, ut eb' li mem te'xjap chik re xb'aan xsahil xch'ooleb'. Sa' li chaqich'och' taayo'laaq li yu'amha' ut k'ajo' li ha' taawulk'uq sa' li joxk' na'ajej.

Hechos 8:6

Q'es xxikeb' li poyanam chi rab'inkil chi junajeb' xch'ool jo'ch'inal jo'nimal nalajxye laj Felipe, xb'aan naq neke'rab'i chi aatinak ut neke'ril li sachb'ach'oolej naxb'aanu.