Hechos 7:10 - Q'eqchi Bible

¹⁰ ut kirisi sa' chixjunil li xrahilal. Kixk'e xna'leb' re naq usilal tixtaw chiru laj Parahón, awab'ej re Ejiipt; ut a'in kixxaqab' laj José cho'q aj jolominel re Ejiipt jo'wi' re chixjunil li xjunkab'al.

Li Santil hu

¹⁰ Ut aꞌan quitenkꞌan re chixcuybal li raylal li quixcꞌul. Quirosobtesi ut quixqꞌue xnaꞌleb. Ut laj faraón li acuabej aran Egipto quixqꞌue retal nak laj José cuan xnaꞌleb ut quixxakab chi takla̱nc saꞌ xbe̱n li tenamit ut saꞌ xbe̱neb ajcuiꞌ li cuanqueb saꞌ li rochoch.

Hechos 7:10 ပူးပေါင်းရင်းမြစ်များ

Proverbios 3:4

Chi jo'kan osob'tesinb'ilaqat xb'aan li Yos ut taak'ehe'q aaloq'al xb'aaneb' li tenamit.

2 Timoteo 4:18

Li Qaawa' taakoloq we chiru chixjunil li ink'a' us ut tinxxok cho'q re li xnimajwal wankilal sa' choxa. A'an taxaq chiloq'oniiq ru junq'e junq'e kutan. Jo'kan taxaq.

Proverbios 2:6

Xb'aan naq a' li Qaawa' nak'ehok re li chaab'il k'a'uxl; rik'in A'an nachalk li nawok ut li na'leb'ak.

Génesis 48:16

li ánjel li kikolok we chiru chixjunil li ink'a' us, chi'osob'tesinq taxaq reheb' li kok'al a'in. Che'xk'ab'a'in ta link'ab'a' ut li xk'ak'a'eb' linyuwa'ilq laj Abrahán ut laj Isahak: che'alanq ut che'k'ihanq sa' ruuchich'och'”.

Salmos 22:24

Laa'ex li nekexxiwank ru li Qaawa', chek'ehaq xloq'al. Chixjunil li riyajil laj Jakob, cheterq'usiiq xk'ab'a'. Ex ralal xk'ajol laj Israel, chexiwa ru li Yos!

Génesis 42:6

Li nataqlank sa' chixjunil Ejiipt a'an laj José, ut a'an ajwi' li nak'ayink li triiw re chixjunil li ruuchich'och'. Naq ke'wulak eb' li ras laj José, ke'xwiq'ib' rib' chiru.

Apocalipsis 7:14

Kinchaq'ok chiru: “Wa', laa'at nakatnawok re”, chankin re. Ut a'an kixye: “A'aneb' a'in li xe'chalk chaq sa' li xnimal rahilal; xe'xpuch' li raq'eb' ut xe'xsaqob'resi sa' li xkik'el li Karneer.

Salmos 37:40

Li Qaawa' natenq'ank reheb' ut narisiheb' sa' rahilal; narisiheb' sa' ruq' laj maak ut naxkoleb', xb'aan naq rub'el roq neke'muhenk.

Proverbios 16:7

Naq li Qaawa' naxk'ul xch'ool li qayu'am, a'eb' ajwi' li xik' neke'ilok qe neke'ok wi' chik sa' amiiwil qik'in.

Santiago 5:11

“Us xaq reheb' li ke'kuyuk rahilal rik'in xkawub' xch'ooleb'”, chanko. Eerab'ihom resil li xnimal xkuyum laj Job; ut nekenaw ajwi' k'aru kixk'ul rik'in li Qaawa' sa' xraqik, xb'aan naq li Qaawa' a'an aj toq'ob'anel u ut aj uxtaan.

Génesis 44:18

Toja' naq laj Judá kijilok chi xk'atq laj José ut kixye re: “Chinaakuy, at qaawa'. Tinye jun t'orolaq li raatin sa' xxik linqaawa'. Matjosq'o'k sa' inb'een xb'aan naq laa'at jo'kat laj Parahón.

Génesis 39:21

Ab'an li Qaawa' kixtenq'a laj José ut kiruxtaana ru: kixk'e chi xtawb'al usilal chiru li xb'eenil aj k'aak'alenel tz'alam.

1 Reyes 8:50

Chakuy xmaakeb' laatenamit li xe'maakob'k chawu ut chixjunil li q'etq'etil xe'xb'aanu. Chak'eheb' chi xtawb'al usilal chiruheb' li xe'chapok reheb', re naq te'uxtaanaaq ruheb'.

Jeremías 39:12

“K'am li propeet ut taawil chi us; maab'aanu junaq rahilal re, chab'aanu b'an li k'aru tixye aawe a'an”.