Hechos 6:7 - Q'eqchi Bible

⁷ Li Raatin li Yos yo chi puktaak; li xk'ihaleb' laj paab'anel k'ajo' naq yo chi k'ihank aran Jerusalén. Jo'kan ajwi' naab'aleb' laj tij ke'xk'ul xch'ool li paab'ank.

Li Santil hu

⁷ Joꞌcan nak yo̱ chi abi̱c li ra̱tin li Ka̱cuaꞌ yalak bar. Ut yo̱queb chi ta̱mc laj pa̱banel aran Jerusalén. Ut nabaleb laj tij queꞌpa̱ban.

Hechos 6:7 ပူးပေါင်းရင်းမြစ်များ

Hechos 19:20

Jo'ka'in naq li Raatin li Qaawa' yo chi pukank ut chi xchapb'al xxe' chi us.

Hechos 12:24

A'ut li Raatin li Yos yo chi k'ihank ut chi pukank.

Colosenses 1:6

li kiwulak toj eerik'in ut yo chi uuchink ut chi k'ihank sa' eeyanq kama' ajwi' sa' chixjunil li ruuchich'och', chalen naq kerab'i resil li rusilal li Yos ut ketaw ru k'aru tz'aqal a'an.

Hebreos 5:9

Ut naq koxtaw li xtz'aqalil re ru, kikanaak cho'q xyo'leb'aal li kolb'a ib' cho'q reheb' chixjunil li neke'paab'ank re,

Romanos 16:26

ab'anan k'utb'esinb'il chik anaqwan xb'aan li xtz'iib'ahomeb' li propeet sa' li Santil Hu, jo' x'alaak sa' xch'ool li junelik Yos. Li tz'aptz'ookil na'leb' a'in k'eeb'il chik chi nawe'k xb'aaneb' chixjunil li tenamit re naq te'ab'inq ut te'paab'anq.

Romanos 1:5

Sa' xk'ab'a' A'an xqak'ul qamaatan re wank cho'q apóstol re xk'amb'aleb' chixjunil li tenamit chi xq'axtesinkil rib' chi paab'ank sa' xk'ab'a' li xnimal xloq'al.

Hechos 14:22

yookeb' chi xk'eeb'al xkawub' xch'ooleb' laj paab'anel ut chi xjultikankil chiruheb' naq che'wanq junelik sa' li paab'ank: “Tento tqanumsi naab'al rahilal re naq tooruuq too'ok sa' li xnimajwal awab'ejihom li Yos”, chankeb'.

Hebreos 11:8

Sa' xk'ab'a' li xpaab'aal laj Abrahán kixpaab' li Yos naq kib'oqe'k chi xik sa' li na'ajej li tixk'ul cho'q re, ut ki'elk chi ink'a' naxnaw b'ar ta yo chi xik.

2 Timoteo 2:9

Sa' xk'ab'a' A'an yookin chi k'uluk rahilal, ut b'ak'b'ookin chi kareen chanchanin jun xnimal ru aj maak. A'ut li Raatin li Yos moko b'ak'b'o ta.

2 Ts 1:8

rik'in raq'xam, ut taa'eeqajunq sa' xb'eeneb' li ink'a' neke'xnaw ru li Yos, eb' li ink'a' neke'xpaab' li xChaab'il Esil li Qaawa' Jesus.

Hechos 21:20

Ut eb' a'an, naq ke'rab'i, ke'ok chi xnimankil ru li Yos ut ke'xye re laj Pablo: —Xawil, at qiitz'in, jarub' mil chi aj Judiiy xe'ok chi paab'ank, ut chixjunileb' a'an toj kaweb' xch'ool chirix xchaq'rab' laj Moisés.

Hechos 13:8

Ab'anan laj Elimas laj tuul (a'an naraj naxye li xk'ab'a') yo chi xch'a'ajkinkileb', yalyo xq'e chi k'anjelak re naq laj Sergio Pawlo ink'a' taa'ok chi paab'ank.

San Juan 12:42

Wankeb' ajwi' naab'aleb' sa' xyanqeb' li xb'eenil li tenamit ke'xpaab' li Jesus; ab'anan eb' a'an ink'a' neke'xye chi kutankil xb'aaneb' laj Pariseey re naq ink'a' te'isiiq sa' li ch'utleb'aal kab'l:

San Lucas 2:34

Ut laj Simehón kirosob'tesiheb' ut kixye re lix María li na'b'ej: —K'e reetal. Li k'uula'al a'in xaqab'anb'il chaq re naq naab'aleb' aj Israel te't'ane'q malaj te'wakliiq xb'aan. A'anaq jun eetalil li taawanq wi' jachok ib',

San Mateo 19:30

Naab'aleb' li wankeb' chi uub'ej, te'kanaaq chi ixb'ej; ut naab'aleb' li wankeb' chi ixb'ej, te'kanaaq chi uub'ej.

Salmos 132:16

Tintiqib' eb' laj tij rik'in kolb'a ib'; k'ajo' naq te'xjap re laj paab'anel xb'aan xsahilaleb' xch'ool.

Salmos 132:9

Eb' laj tij li neke'k'anjelak chawu che'xtiqib' rib' rik'in tiikil ch'oolej, ut eb' laawamiiw che'xjap reheb' xb'aan xsahilaleb' xch'ool.

2 Crónicas 30:24

Xb'aan naq laj Esekías, awab'ej re Judá, kixsi lajeek'aal rox o'q'ob' (1,000) chi saaj wakax ut wuqub' mil chi karneer, cho'q reheb' chixjunil li ch'utch'uukeb' sa' li ninq'e. Eb' li xjolomileb' li tenamit ke'xk'e ajwi' lajeek'aal rox o'q'ob' (1,000) chi saaj wakax ut lajeeb' mil chi karneer. Ut naab'aleb' laj tij ke'xch'ajob'resi rib'eb'.

2 Crónicas 29:34

Ab'anan moko k'iheb' ta laj tij ut ink'a' ke'tz'aqlok chi xkamsinkil chixjunileb' li xul; jo'kan naq ke'tenq'aak xb'aaneb' li xkomoneb', a'eb' laj Leví, toj reetal kiraqe'k li mayejak ut ke'xch'ajob'resi rib' chixjunileb' laj tij. Xb'aan naq eb' laj Leví, a'aneb' li q'axal ke'xk'e xch'ool chi xch'ajob'resinkil rib'eb' chiruheb' laj tij.

Hechos 2:47

Neke'xnima ru li Yos, ut usilal neke'xtaw chiru chixjunil li tenamit. Ut li Qaawa' wulaj wulaj naxtiq li komonil rik'in eb' li yookeb' chi kole'k.

Hechos 6:1

Sa'eb' li kutan a'an eb' laj paab'anel ke'k'ihank rajlankil, ut eb' laj paab'anel griego raatinob'aaleb' ke'ok chi xwech'inkil rix eb' li neke'aatinak sa' hebreo xb'aan naq eb' li xmalka'an ink'a' sa neke'k'ule'k naq najek'imank li wa rajlal kutan.

Gálatas 1:23

Ka'ajwi' neke'rab'i resil: “Li winq li xik' ki'ilok qe, anaqwan yo chi xpuktesinkil li xchaab'il esil li qapaab'aal, ut junxil kiraj raj xjuk'b'al”, chankeb'.

Gálatas 6:10

Jo'kan utan, naq toj naxk'e rib' chiqu, qab'aanuhaq li usilal reheb' chixjunil, ab'anan q'axal chik tqab'aanu reheb' li qech aj paab'anelil.

San Judas 1:3

Ex inrahom, q'axal xink'e inch'ool chi tz'iib'ak eerik'in chirix li qakolb'al naqawotz sa' komonil; ab'an anaqwan tz'aqal xweek'a naq tento tintz'iib'aq eerik'in re xtz'aamankil naq teeyal eeq'e chi xkolb'al rix li paab'aal li kiq'axtesiik chi junwaakaj reheb' laj santil paab'anel.

San Judas 1:20

A'ut laa'ex raarookex inb'aan, kab'lahomaq eerib' sa' leepaab'aal li q'axal sant, ut tijonqex sa' li Santil Musiq'ej.