Hechos 6:3 - Q'eqchi Bible

³ Ex was wiitz'in, sik'omaq sa' eeyanq wuqub'aq chi winq li chaab'il nayeemank chirixeb', nujenaqaqeb' chi Musiq'ej ut chi chaab'il na'leb', ut eb' a'an te'qaxaqab' chi xb'aanunkil li k'anjel a'in.

Li Santil hu

³ Ex herma̱n, sicꞌomak saꞌ e̱ya̱nk cuukubak chi cui̱nk cha̱bilakeb xnaꞌleb ut nujenakeb chi Santil Musikꞌej riqꞌuineb. Cha̱bilak xyehom xba̱nuhomeb. Aꞌaneb li teꞌqꞌuehekꞌ saꞌ li cꞌanjel aꞌin.

Hechos 6:3 ပူးပေါင်းရင်းမြစ်များ

Deuteronomio 1:13

Jo'kan utan, sik'omaq sa' eeyanq, sa' xyanqeb' li junjunq chi teep, winqeb' li wankeb' xnawom ut xseeb'al k'a'uxl, tiikeb' xch'ool, re naq teb'inxaqab' chi jolomink eere», chankin.

1 Timoteo 5:10

ut nawnooq ru rik'in li chaab'il k'anjel ak xb'aanuhom: naraj naxye, xtijeb' chi chaab'il eb' li ralal xk'ajol, xk'ehok ochochnaal, xch'ajom roqeb' laj santil paab'anel, xtenq'aheb' li wankeb' sa' rahilal ut xb'aanuhom yalaq k'a' chi chaab'il k'anjelil.

3 Juan 1:12

Chixjunileb' chaab'il neke'xye chirix laj Demetrio, ut a'an tz'aqal yaal. Laa'o ajwi' naqach'olob' a'an, ut laa'at nakanaw naq tz'aqal yaal li qayehom.

Santiago 1:17

chixjunil li usilal k'eeb'il qe ut chixjunil li qamaatan li tz'aqal re ru, taqe'q nachalk chaq, ut nakub'e chaq rik'in li xYuwa'ileb' li chahim, li ink'a' najalaak chi moko naq'oqyino'k ru.

Efesios 5:18

Mexkalaak rik'in b'iin xb'aan naq a'an nak'amok sa' li jo'maajo'il na'leb', nujob'resihomaq b'an eerib' rik'in li Musiq'ej.

1 Corintios 16:3

Akaq xinwulak eerik'in, tintaqlaheb' Jerusalén eb' li sik'b'ileb' ru eeb'aan, chi wanq xhuheb', re naq toxe'xq'axtesi li tenq'aal x'alaak sa' leech'ool.

Hechos 22:12

“Aran wank jun li winq, aj Ananías xk'ab'a', chaab'il xch'ool jo' naxye li xChaq'rab' laj Moisés; chixjunileb' laj Judiiy li wankeb' Damaask chaab'il aatin neke'xye chirix.

Hechos 10:22

Ke'chaq'ok eb' a'an, ut ke'xye: —Laj Kornelio, laj jolominel, a'an jun li winq tiik xch'ool ut naxpaab' li Yos, jo' neke'xye chixjunileb' laj Judiiy. A'an xk'ulum jun li esil rik'in jun santil ánjel, naq tento tatxb'oq sa' li rochoch re rab'inkil laawaatin.

Hechos 6:6

Chirix chik a'an ke'xaqab'aak chiruheb' li apóstol, ut eb' a'in ke'tijok ut ke'xk'e li ruq' sa' xb'eeneb'.

Hechos 2:4

Ut chixjunileb' ke'nujak chi Santil Musiq'ej ut ke'ok chi aatinak sa' jalan jalanq chi aatinob'aal, jo' chanru ke'k'ehe'k wi' chi aatinak xb'aan li Musiq'ej.

Hechos 1:21

“Jo'kan utan, tento naq junaq sa' xyanqeb' li ke'ochb'eenink chaq qe naq li Qaawa' Jesus kolwanq qik'in,

San Mateo 23:8

“A'ut laa'ex mixk'ul eech'ool xk'ab'a'inkil aj tzolonel, xb'aan naq jun ajwi' laj Tzolol eere ut chejunilex laa'ex eeriitz'in eerib'.

Isaías 28:26

Li xk'utuk li awk chiru ut li xtzolok re chi xb'aanunkil chi jo'kan a'an li Qaawa', li xYos.

Isaías 28:6

Li Qaawa' tixk'e li tiikil ch'oolej reheb' laj raqol aatin ut xkawil xch'ooleb' laj puub' chi xkolb'al li tenamit re naq maajun taa'ok chisa'.

1 Corintios 12:8

Wan xmaatani rik'in li Musiq'ej xnimal xk'a'uxl re aatinak; jun chik xmaatani aatinak chirix chaab'il k'a'uxl li nachalk rik'in ajwi' li Musiq'ej;

Hechos 16:2

Eb' laj paab'anel li wankeb' Listra ut Ikonio chaab'il esil neke'xye chirix laj Timoteo.

Hechos 15:23

Ut kitaqlaak li hu a'in chirixeb': “Ex qas qiitz'in li maawa'ex chaq aj Judiiy, naqataqla xsahil eech'ool laa'ex li wankex Antiokía, Siria ut Silisia.

Hechos 9:30

Naq ke'xnaw a'in eb' laj paab'anel, ke'xk'am Cesarea ut moqon chik ke'xtaqla toj Tarso.

Éxodo 18:21

Ab'an sik'eb' ru li winq seeb'eb' xch'ool sa' xyanq li tenamit, li neke'xxiwa ru li Yos, tiikeb' xch'ool ut aj tz'eqtaanahom re tuminaak, ut k'eheb' xwankil sa' xb'een li tenamit: wan te'xjolomi lajeetqk'aal rox o'q'ob' (1,000), wan o'taqk'aal (100), wan lajeetq roxk'aal (50) ut wan chik lajeetq.

San Juan 21:23

Jo'kan naq kisutunk resil sa' xyanqeb' laj paab'anel naq ink'a' taakamq li tzolom a'an. Ab'an li Jesus moko kixye ta re laj Pedro naq ink'a' taakamq, kixye b'an: “Wi twaj naq a'in taakanaaq toj reetal tolin'elq, k'a' taawaj re?”.

Hechos 1:15

Sa'eb' li kutan a'an kixaqliik laj Pedro sa' xyiheb' laj paab'anel (eb' li wankeb' chi ch'utch'u aran waqk'aaleb' tana) ut kixye reheb':

Hechos 6:2

Toja' naq eb' li Kab'laju ke'xch'utub' li xk'ihaleb' laj paab'anel ut ke'xye: —Moko us ta naq tqakanab' xpuktesinkil li Raatin li Yos xb'aan li jek'ink tzekemq.

Hechos 6:5

Chixjunil li jo'k'ihaleb' wankeb' aran, ke'xk'ulub'an xch'ool li na'leb' a'in, ut ke'xsik' ru laj Esteban, jun li winq nim xpaab'aal ut nujenaq chi Santil Musiq'ej, jo'wi' laj Felipe, laj Prókoro, laj Nikanor, laj Timón, laj Pármenas ut laj Nikolás aj Antiokía, a' li ki'ok sa' xyanqeb' laj Judiiy.

Hechos 28:14

Aran wankeb' qas qiitz'in kiqataw, ut eb' a'an ke'xtz'aama chiqu naq tookanaaq wuqub'aq kutan rik'ineb'. Ut chirix a'an koowulak Roma.