Hechos 5:4 - Q'eqchi Bible

⁴ Ma maawa' tab'i' aawe naq toj maji' nakak'ayi; ut naq xak'ayi, ma ink'a' tab'i' xru xkanaak li xtz'aq cho'q aawe? K'a'ut naq x'alaak sa' aach'ool xb'aanunkil a'in? Moko winq ta xatik'ti'i, a' b'an li Yos.

Li Santil hu

⁴ ¿Cꞌaꞌut nak tat-oc xmukbal xtzꞌak la̱ chꞌochꞌ? ¿Ma ma̱cuaꞌ ta biꞌ a̱cue? Cui xacꞌayi la̱ chꞌochꞌ, ¿ma incꞌaꞌ ta biꞌ raj xru xcana chokꞌ a̱cue lix tzꞌak? Ma̱cuaꞌ chiku la̱o yo̱cat chi ticꞌtiꞌic. Chiru ban li Dios, chan.

Hechos 5:4 ပူးပေါင်းရင်းမြစ်များ

Hechos 5:3

Kiyehe'k re xb'aan laj Pedro: —At Ananías, chanru naq laj tza xreechani laach'ool? K'a'ut naq xatik'ti'i li Santil Musiq'ej rik'in xjeb'b'al xtz'aq laach'och'?

1 Crónicas 29:3

Ak xch'utlaak chixjunil a'in. Ab'an anaqwan tink'e ajwi' cho'q re li rochoch linYos li plaat ut li oor eechaninb'il inb'aan:

1 Ts 4:8

Jo'kan naq li natz'eqtaanank re li chaq'rab' a'in, maawa' winq naxtz'eqtaana, a' b'an li Yos, li nak'ehok eere li xSantil Musiq'.

Hechos 5:9

Ut laj Pedro kixye re: —K'a'ut naq xek'am chaq eerib' sa' aatin re xyalb'al rix li xMusiq' li Qaawa'? Il, we'keb' chaq chire kab'l li xe'muquk chaq re laab'eelom; ut anaqwan tate'xk'am ajwi' laa'at.

San Lucas 10:16

“Ani taa'ab'inq eere, laa'in tinrab'i; ut ani taatz'eqtaananq eere, laa'in tinxtz'eqtaana; ut li taatz'eqtaananq we, tixtz'eqtaana ajwi' li kitaqlank chaq we”.

Ezequiel 38:10

«Laa'in, li Qaawa', ninye chi jo'ka'in: Chiruheb' li kutan a'an taa'alaaq sa' laach'ool xb'aanunkil li ink'a' us.

Isaías 59:4

Maajun napatz'ok li tiikilal sa' li raqleb'aal aatin, chi moko wank li naraqok aatin rik'in sa' xyaalal; kaw b'an xch'ooleb' li poyanam chirix li moko yaal ta ut junelik yo'oon wankeb' chi xyeeb'al li tik'ti'. Maa'usilal nasiyaak sa' xch'ooleb', ut nayo'laak chaq li raaxiik'.

Salmos 139:4

Toj maji' na'elk li aatin chi ru'uj waq', ak xanaw laa'at, at Qaawa'.

Salmos 7:14

Naxkawresi li xk'anjelob'aal re kamsink, naxk'ehatq li ral simaj sa' ru xam.

1 Crónicas 29:17

Laa'in ninnaw, at inYos, naq laa'at nakatz'ili xch'ool chixjunileb' ut nawulak chawu li tiikilal. Jo'kan naq rik'in xtiikilal inna'leb' x'alaak sa' inch'ool xyeechi'inkil aawe chixjunil a'in. Ut anaqwan xink'e reetal rik'in xsahil inch'ool naq laatenamit, li ch'utch'uukeb' arin, xe'xk'e aawe li xmayejeb'.

1 Crónicas 29:9

K'ajo' naq ke'saho'k eb' li tenamit rik'in a'in, xb'aan naq chi anchaleb' xch'ool ke'xk'e re li Qaawa' jo'ch'inal jo'nimal x'alaak sa' xch'ooleb'. Jo'kan ajwi' li awab'ej David kisaho'k xch'ool.

1 Crónicas 29:5

Tinq'axtesi chixjunil li plaat ut li oor re xyiib'ankil li jalan jalanq k'a'aq re ru: tink'e li plaat re xyiib'ankil li k'aru tento xyiib'ankil rik'in plaat, ut tink'e li oor re xyiib'ankil li k'aru tento xyiib'ankil rik'in oor. Ut anaqwan ani eere laa'ex x'alaak sa' xch'ool xk'eeb'al xmayej cho'q re li Qaawa'?”, chan laj David.

1 Samuel 8:7

ut li Qaawa' kixye re laj Samuel: “Paab' chixjunil li te'xye aawe li tenamit. Xb'aan naq moko laa'at xate'xtz'eqtaana, laa'in b'an xine'xtz'eqtaana, re naq ink'a' tintaqlanq sa' xb'eeneb'.

Éxodo 35:29

Chixjunileb' laj Israel, jo' winq ut ixq, jo'k'ihaleb' li ki'alaak sa' xch'ooleb' xk'amb'al k'a'aq re ru re taa'uxmanq li b'arwan yeeb'il chaq re laj Moisés xb'aan li Qaawa', kole'xyeechi'i li xmayejeb' chiru li Qaawa' chi anchaleb' xch'ool.

Éxodo 16:8

Ut laj Moisés kixye ajwi': “Hoon ewu li Qaawa' tixk'e chaq eetib' re teetiw, ut wulaj eq'la numtajenaqaq eewa. Xb'aan naq li Qaawa' xrab'i li xwech'inkil rix eeb'aan. Ab'an aniho laa'o? Moko laa'o ta yookex chi qawech'inkil, a' b'an li Qaawa'”.

Santiago 1:15

Chirix chik a'an li xrahinkil ru li maa'usilal nasiyank ut narala li maak, ut li maak, naq ak xtz'aqlok ru, naxk'am chaq li kamk.

Filemón 1:14

ab'anan maak'a' xwaj xb'aanunkil chi ink'a' xb'enwa xwab'i k'aru nakak'oxla chirix, re naq ink'a' minb'ilaq aawu chi xb'aanunkil li usilal a'in, chi anchalaq b'an aach'ool.

1 Corintios 8:8

Ch'olch'o naq maawa' li tzekemq toonach'oq wi' rik'in li Yos. Moko kach'inaq ta qawankil rik'in naq ink'a' tootzekanq, chi moko nimaq qawankil rik'in naq tootzekanq.

Li xHu LAJ JOB 15:35

Eb' li neke'siyank maa'usilal, nimla rahilal te'rala, ut junes b'alaq'ink te'ruuchin.

Números 16:11

Jo'kan naq a' li Qaawa' nekewech' rix laa'at ut eb' laakomon. Ani laj Aharón naq yooqex chi aatinak chirix?”.

Eclesiastés 5:5

Jwal us naq maak'a' taayeechi'i, chiru naq taayeechi'i ut chirix chik a'an ink'a' taab'aanu.