Hechos 5:2 - Q'eqchi Bible

² ab'anan, rochb'een ajwi' li rixaqil, kixjeb' li xtz'aq li ch'och' ut li xkomon kolxk'e chi roqeb' li apóstol.

Li Santil hu

² Ut queꞌxcꞌu̱b ru chi ribileb rib nak yijach lix tzꞌak li chꞌochꞌ ta̱cana̱k chokꞌ reheb. Ut li yijach chic quixcꞌam laj Ananías riqꞌuineb li apóstol ut quixye reheb: —Aꞌan aꞌin chixjunil lix tzꞌak li kachꞌochꞌ li xkacꞌayi, chan.

Hechos 5:2 ပူးပေါင်းရင်းမြစ်များ

Hechos 4:37

wank jun xch'och': kixk'ayi, ut kixk'am chaq li tumin, kolxk'e chi roqeb' li apóstol.

Hechos 5:3

Kiyehe'k re xb'aan laj Pedro: —At Ananías, chanru naq laj tza xreechani laach'ool? K'a'ut naq xatik'ti'i li Santil Musiq'ej rik'in xjeb'b'al xtz'aq laach'och'?

San Juan 12:6

Kixye a'in moko xb'aan ta naq naxraheb' li neb'a', rik'in b'an naq aj elq': rik'in wank li k'uuleb'aal tumin, ut narelq'a jo'nimal li nak'eemank chisa'.

San Mateo 23:5

Chixjunil nalaje'xb'aanu yal re naq ilb'ilaqeb' xb'aaneb' li tenamit: neke'xyu' li xloq'laj eetalil li Chaq'rab' chi xpeekemeb' jo'wi' chiruheb' li xtel, ut neke'xtiq xsahob' ru li re li raq'eb';

Malaquías 1:14

Tz'eqtaananb'ilaq taxaq li nab'alaq'ik, a' li wank jun xchaab'il xul ut naxye naq tixq'axtesi we, ab'anan chirix chik a'an tixmayeja re li Qaawa' li yaj aj xul! Laa'in li Nimajwal Awab'ej, ut nak'eemank inloq'al sa' xyanqeb' li tenamit!”, chan li Qaawa', li Nimajwal Yos.

1 Timoteo 6:10

Xb'aan naq li xxe' chixjunil li maa'usilal a'an li xrahinkil ru li tumin. Wankeb' xkoheb' xch'ool chirix a'an; jo'kan naq xe'elk sa' li paab'aal, ut xiikil li rahilal xe'tawasiik wi'.

Filipenses 2:3

Mik'a' eeb'aanu sa' q'etq'etil chi moko yal re xnimob'resinkil eerib', chekub'siiq b'an eewankil; li junjunq tixk'oxla naq eb' li xkomon q'axal ninqeb' chik xwankil chiru.

Hechos 2:44

Chixjunileb' laj paab'anel wankeb' sa' junajil ut komon e chixjunil li k'aru wank reheb'.

Hechos 5:1

Jun li winq, aj Ananías xk'ab'a', rochb'een lix Safira li rixaqil, kixk'ayi jun xch'och',

Hechos 5:8

Ut laj Pedro kixpatz' re: —Ye we, ma jo' a'in xtz'aq li ch'och' xek'ayi wi'? Kichaq'ok a'an: —Hehe', jo'kan, chan.