Hechos 5:12 - Q'eqchi Bible

¹² Eb' li apóstol neke'xb'aanu naab'al xninqal ru eetalil ut sachb'ach'oolej sa' li tenamit. Chixjunileb' wankeb' sa' junajil sa' li xnumleb'aal laj Salomón,

Li Santil hu

¹² Rajlal nequeꞌxchꞌutub ribeb saꞌ xmu li templo chixjunileb laj pa̱banel cuan cuiꞌ li oqueba̱l Salomón xcꞌabaꞌ. Nabal li milagro queꞌxba̱nu eb li apóstol ut nabal li sachba chꞌo̱lej.

Hechos 5:12 ပူးပေါင်းရင်းမြစ်များ

Hechos 19:11

Li Yos nalajxb'aanu xninqal sachb'ach'oolej rik'in ruq' laj Pablo:

2 Corintios 12:12

Li reetalil li tz'aqal apóstol xk'utunk sa' eeyanq: rik'in chixjunil li kuyuk, rik'inatq eetalil, sachb'ach'oolej ut xninqal ru b'aanuhom.

Hebreos 2:4

Ut li Yos kixk'ut naq tz'aqal yaal a'an rik'ineb' eetalil ut sachb'ach'oolej, rik'in k'iila paay chi xninqal ru xb'aanuhom, jo'wi' rik'in xjek'inkil li xsimaatan li Santil Musiq'ej, a' yaal chanru rajom xch'ool.

Hechos 14:3

Laj Pablo ut laj Bernabé toj najt chik ke'wank aran, kaweb' xch'ool chi aatinak chirix li Qaawa'; ut A'in naxxaqab' xwankil li k'aru neke'xye chirix li xrahom li Yos rik'in li xninqal ru eetalil ut sachb'ach'oolej naxk'e reheb' chi xb'aanunkil.

Romanos 15:19

rik'in xninqal ru eetalil ut sachb'ach'oolej ut rik'in xnimal xwankil li xMusiq' li Yos. Xinraqe'k xpuktesinkil li xChaab'il Esil li Kriist: xintikib' chaq Jerusalén, xinsuti chixjunil li na'ajej toj reetal xinwulak Iliria.

Hechos 3:11

Li winq a'an ink'a' naxkanab'eb' laj Pedro ut laj Jwan; jo'kan naq chixjunil li tenamit ke'chalk rik'ineb' chi sachsookeb' xch'ool ut sa' aanil, sa' li xnumleb'aal laj Salomón, jo' neke'xye re.

San Juan 10:23

ut li Jesus yo chi b'eek sa' rochoch li Yos wan wi' li numleb'aal re laj Salomón.

Hechos 4:30

Chak'ut xnimal aawankil re naq chi'uxmanq li k'irtasink, xninqal ru eetalil ut sachb'ach'oolej sa' xk'ab'a' li Jesus, laasantil moos”.

Hechos 1:14

Chixjunileb' a'in neke'xk'e xch'ool chi tijok sa' junajil ch'oolej rochb'eeneb' li ixq ut lix María, xna' li Jesus, rochb'eeneb' ajwi' li rech'alal.

San Marcos 16:20

Ut eb' a'an koheb', ke'xpuktesi li Chaab'il Esilal yalaq b'ar, yo chi k'anjelak li Qaawa' rochb'eeneb' jo'wi' chi xk'eeb'al xwankil li Aatin rik'in li eetalil neke'ochb'eenink re.]

Hechos 16:18

Chiru naab'al kutan kixb'aanu a'an, toj reetal kititz'k laj Pablo, kixsutq'isi rib' ut kixye re li musiq'ej: —Sa' xk'ab'a' li Jesukriist ninye aawe: Elen rik'in li ixq a'an! Ut sa' ajwi' li honal a'an ki'elk.

Hechos 9:40

Toja' naq laj Pedro kirisiheb' chixjunil, kixwiq'ib' rib' ut kitijok. Chirix chik a'an kixsutq'isi rib' wan wi' li kamenaq ut kixye: —At Tabitá, waklin! A'an kixte li ru ut, naq kiril laj Pedro, kik'ojlaak.

Hechos 9:33

Aran kixtaw jun li winq, aj Eneas xk'ab'a', sik, waqxaqib' chihab' rokik chiru ch'aat.

Hechos 2:46

Neke'xk'e xch'ool chi xik sa' rochoch li Yos wulaj wulaj, chi junajeb' xch'ool; neke'xjachi li wa sa' rochocheb' ut neke'tzekank chi saheb' sa' xch'ool ut sa' q'unil.

Jeremías 26:9

K'a'ut naq xaye sa' xk'ab'a' li Qaawa' naq li ochoch a'in taakanaaq jo' Siló, ut Jerusalén taajuk'manq chi maajun chik poyanam taakanaaq chisa'?”. Ut chixjunileb' li poyanam ke'xtuub' rib' sa' rochoch li Yos chi xsutb'al laj Jeremías.

San Juan 4:48

Kixye li Jesus re: —Wi ink'a' nekeril eetalil ut sachb'ach'oolej, ink'a' nekepaab'.

Hechos 28:9

Naq kik'ulmank a'an, ke'wulak chixjunileb' li yaj wankeb' sa' li na'ajej a'an ut kilaje'k'irtasiik.