Hechos 4:32 - Q'eqchi Bible

³² Li xk'ihaleb' laj paab'anel junajeb' li xch'ool, junajeb' li raanm naq wankeb' chirib'ileb' rib'. Maa'ani naxye naq re li k'aru wank re, chixjunil b'an komon e cho'q reheb'.

Li Santil hu

³² Ut chixjunileb li queꞌpa̱ban junajeb chic xchꞌo̱leb ut junajeb chic xcꞌaꞌuxeb. Ut ma̱ ani quixye nak junes re aꞌan li cꞌaꞌru cuan re. Reheb ban saꞌ comonil chixjunil li cꞌaꞌru cuan reheb.

Hechos 4:32 ပူးပေါင်းရင်းမြစ်များ

1 Corintios 1:10

Ex was wiitz'in, nintz'aama cheru sa' xk'ab'a' li Qaawa' Jesukriist naq junajaq ru leeraatin, maak'a'aq li jachok ib' sa' eeyanq, wanqex b'an sa' junajil rik'in leek'a'uxl ut leena'leb'.

1 Pedro 3:8

Sa' roso'jik ninye eere: chexwanq chejunilex chi junaq ru leena'leb', chetoq'ob'a eeru cherib'il eerib', cherahaq leeras eeriitz'in, chex'uxtaananq u ut q'unaqex.

2 Corintios 13:11

Ex was wiitz'in, chisaho'q sa' leech'ool, tz'aqalaq eere eeru, chek'e xkawub' leech'ool, junajaq ru leek'a'uxl, wanqex sa' tuqtuukilal, ut li Yos li nak'ehok li rahok ut li tuqtuukilal taawanq eerik'in.

Jeremías 32:39

Tink'e naq junaj aj chik li xch'ooleb' ut li xyu'ameb' chi xloq'oninkil wu chi junelik, re naq sa wanqeb' a'an ut eb' li ralal xk'ajoleb' li te'wanq moqon.

Hechos 2:1

Naq kiwulak xkutankil li Pentekostés, ch'utch'uukeb' chixjunileb' sa' jun chi na'ajej.

Filipenses 1:27

Ka'ajwi' a'in nawaj: naq wanqex taxaq sa' xyaalal jo' xk'ulub' li xChaab'il Esil li Kriist. Chi jo'kan, us ta tinxik cherilb'al us ta maa'anihaqin, twab'i eeresil naq kaw xaqxooqex sa' jun chi musiq'ej, ut wotz yooqex chi xyalb'al eeq'e chirix xpaab'ankil li Chaab'il Esilal,

Hechos 1:14

Chixjunileb' a'in neke'xk'e xch'ool chi tijok sa' junajil ch'oolej rochb'eeneb' li ixq ut lix María, xna' li Jesus, rochb'eeneb' ajwi' li rech'alal.

San Juan 17:11

“Ink'a' chik tinwanq sa' li ruuchich'och', a'ut eb' a'an wankeb' sa' ruuchich'och', ut laa'in xik we aawik'in. At inSantil Yuwa', rik'in xwankil laak'ab'a' chawileb' li xak'eheb' we, re naq junaqeb' a'an jo' naq juno laa'o chiqib'il.

2 Crónicas 30:12

Jo'kan ajwi' sa' xteepal Judá li Yos kixtoch' xch'ooleb' li tenamit re naq chi junaj ru xch'ooleb' te'xb'aanu li k'aru ke'xye li awab'ej ut li xjolomileb' li tenamit, jo' chanru xchaq'rab' li Qaawa'.

1 Pedro 4:11

Ani wank xmaatan chi aatinak, chixyehaq Raatin li Yos; wi wank ani xk'ulum junaq k'anjel, chixb'aanuuq rik'in li xwankilal nak'ehe'k re xb'aan li Yos, re naq oxloq'oninb'ilaq li Yos rik'in chixjunil sa' xk'ab'a' li Jesukriist. A'an laj eechal re li loq'al ut li wankilal chi junelik q'e kutan. Jo'kan taxaq.

Romanos 12:5

jo'kano ajwi' laa'o: naab'alo, ab'an juno ajwi' chi tz'ejwalej rik'in li Kriist, ut chiqajunilo qacha'al qib' chiqib'il qib'.

Hechos 5:12

Eb' li apóstol neke'xb'aanu naab'al xninqal ru eetalil ut sachb'ach'oolej sa' li tenamit. Chixjunileb' wankeb' sa' junajil sa' li xnumleb'aal laj Salomón,