Hechos 3:9 - Q'eqchi Bible

⁹ Chixjunileb' li tenamit ke'ril naq nab'eek chik ut yo chi xnimankil ru li Yos,

Li Santil hu

⁹ Chixjunileb li tenamit queꞌiloc re chi be̱c ut chixlokꞌoninquil li Dios.

Hechos 3:9 ပူးပေါင်းရင်းမြစ်များ

Hechos 4:21

Li xb'eenileb' li tenamit ke'xxib'esi wi' chik laj Pedro ut laj Jwan ut ke'rach'ab'eb', xb'aan naq ink'a' neke'xtaw chan ta ru xrahob'tesinkileb'; neke'xxiwa ajwi' ruheb' li tenamit, xb'aan naq chixjunileb' neke'xnima ru li Yos chirix li xk'ulmank.

Hechos 4:16

—K'aru taaqab'aanu reheb' li winq a'in? -chankeb'-. Ch'olch'o chiruheb' chixjunil laj Jerusalén naq eb' a'in xe'xb'aanu chi kutankil jun xnimal eetalil, ut laa'o ink'a' naru tqaye naq moko yaal ta.

Hechos 14:11

Naq eb' li poyanam ke'ril li kixb'aanu laj Pablo, ke'xjap re chi xyeeb'al sa' raatinob'aal eb' laj Likaonia: —Xe'kub'e chaq li Yos sa' qayanq jo'eb' li winq.

San Lucas 13:17

Naq yo chi xyeeb'al a'in, ke'chalk xxutaan eb' li xik' neke'ilok re; ab'anan chixjunileb' li tenamit ke'saho'k sa' xch'ool rik'in li sachb'ach'oolej nalajxb'aanu.