Hechos 3:18 - Q'eqchi Bible

¹⁸ Ab'anan li Yos xk'e chi tz'aqlok ru li k'aru kixyeechi'i chaq chi xtz'uumal reheb' chixjunil li propeet, naq li xKriist tixk'ul rahilal.

Li Santil hu

¹⁸ Riqꞌuin aꞌin quitzꞌakloc ru li queꞌxye chak li profeta najter nak queꞌxye nak tento tixcꞌul li rahobtesi̱c li Cristo li Mesías, xban nak joꞌcan quixye li Dios.

Hechos 3:18 ပူးပေါင်းရင်းမြစ်များ

Hechos 2:23

Li winq a'in kiq'axtesiik sa' eeruq' jo' chanru kiraj li Yos ut kixk'oxla chi junxilaj, ut laa'ex keklawxi chiru krus ut kek'e chi kamsiik rik'in ruq'eb' li maak'a'eb' xpaab'aal.

Zacarías 12:10

Ut sa' xb'eeneb' li ralal xk'ajol laj David ut eb' li wankeb' Jerusalén tinhoy jun musiq'ej re usilal ut tijok; toja' naq tine'xka'ya laa'in. Ut li xe'xpaynumi chi ch'iich' te'yot'e'q xch'ool ut te'yaab'aq chirix, jo' na'uxk yaab'ak chirix li xb'een alalb'ej malaj chirix li junaj chirib'il.

Isaías 50:6

Xinkanab' wib' chi sak'e'k, ut xinyeechi'i li xk'atq we naq xine'xmich' chinmach. Ink'a' xinmuq li xnaq' wu naq xine'xpik'a chi ruq'eb' ut xine'xchuub'a.

Hechos 28:23

Ke'xxaqab' xkutankil rilb'al wi' chik laj Pablo ut, naq kiwulak xkutankil, q'axal naab'aleb' chik ke'chalk b'arwi' nahilank. Toja' naq laj Pablo kixtikib' xyeeb'al resil li xnimajwal awab'ejihom li Yos, yo chi xch'olob'ankil li yaal chiruheb' ut yalyo xq'e chi xq'unb'esinkil xch'ooleb' chirix li Jesus rik'in li naxye li xChaq'rab' laj Moisés ut eb' li Propeet: kixtikib' eq'la ut kiraqe'k ewu.

San Lucas 24:44

Chirix chik a'an kixye reheb': —A'aneb' a'in li waatin xinye eere naq toj wankin chaq eerik'in: Tento naq taatz'aqloq ru chixjunil li tz'iib'anb'il chiwix sa' li xChaq'rab' laj Moisés, sa' xHuheb' li Propeet ut sa'eb' li Saalm.

Apocalipsis 19:10

Toja' naq kint'ane'k rub'el roq li ánjel chi xloq'oninkil ru, ut a'an kixye we: “Maab'aanu a'in! Laa'in aawech moosil; wech moosileb' ajwi' eb' laawas aawiitz'in li neke'xk'uula sa' xch'ooleb' li xch'olob'ahom li Jesus. A' li Yos tento taaloq'on ru”, chan we. Xb'aan naq eb' li propeet a'aneb' li neke'xk'uula sa' xch'ooleb' li xch'olob'ahom li Jesus.

Zacarías 13:7

Li Nimajwal Yos naxye chi jo'ka'in: “Ajsi aawu, at q'esnal ch'iich', re xkamsinkil laj k'aak'alenel, ut kamsi li natenq'ank we. Kamsi laj ilol ketomq, ut eb' li karneer te'xcha'cha'i rib'eb'; ut laa'in ink'a' tintoq'ob'a ruheb' li kok' karneer.

Daniel 9:26

Naq akaq xnume'k eb' li kab'laju xkaak'aal xamaan a'an, taakamsiiq laj jolominel sik'b'il ru, us ta maak'a' xmaak; ut jun xnimal ru winq taachalq rochb'eeneb' laj puub' ut tolxjuk' Jerusalén jo'wi' li santil Muheb'aal. Li roso'jik taachalq sa' junpaat, kama' li b'ut', ut li yalok jo'wi' eb' li rahilal ak yeeb'il te'wanq toj sa' xraqik.

Génesis 3:15

Tink'e naq xik' teeril eerib' laa'at ut li ixq. Jo'kanaq ajwi' eb' laawal ut eb' li ralal xk'ajol li ixq: ut jun reheb' tixpitz' laajolom naq laa'at taakut aawib' chi rit roq”.

Hechos 10:43

Li Jesus a'in ke'xch'olob' xyaalal chixjunileb' li propeet: ke'xye naq chixjunil li taapaab'anq re tixk'ul xkuyb'al xsachb'al li xmaak sa' xk'ab'a'.

2 Pedro 1:21

xb'aan naq maajun raatin propeet kichalk ta yal sa' xch'ool junaq winq, kichalk b'an rik'in naq ke'wank winq eek'asinb'ileb' xb'aan li Santil Musiq'ej, ke'aatinak jo' kiyehe'k chaq reheb' xb'aan li Yos.