Hechos 26:5 - Q'eqchi Bible

⁵ Eb' a'an neke'xnaw wu chalen chaq junxilaj ut, wi te'raj, truuq te'xch'olob' xyaalal a'in chiwix: naq laa'in kinwank jo' aj Pariseey, sa' xyanqeb' li jun ch'uut li q'axal neke'xk'e xch'ool sa' li qapaab'aal.

Li Santil hu

⁵ Eb aꞌan nequeꞌxnau cuu chalen chak saꞌ incaꞌchꞌinal. Cui teꞌraj, ta̱ru̱k teꞌxchꞌolob xya̱lal chicuix. La̱in aj fariseo xcomoneb li nequeꞌxqꞌue xchꞌo̱l chixba̱nunquil chixjunil li naxye saꞌ li chakꞌrab joꞌ naraj li kapa̱ba̱l.

Hechos 26:5 ပူးပေါင်းရင်းမြစ်များ

Hechos 23:6

Naxnaw laj Pablo naq jun raqal chi xninqaleb' ru aj raqol aatin a'aneb' aj Saduseey ut li jun raqaleb' chik aj Pariseey; jo'kan naq kixye reheb' chi kaw xyaab' xkux: —Ex was wiitz'in, laa'in aj Pariseey, ralalin aj Pariseey. Xb'aan naq xaqxo li woyb'enihom chirix li xwaklijikeb' chi yo'yo eb' li kamenaq, jo'kan naq yo xraqb'al aatin chiwix.

Hechos 22:3

“Laa'in aj Judiiy, yo'lajenaqin Tarso xteepal Silisia ut k'iiresinb'ilin arin Jerusalén. Kintzole'k rub'el roq laj Gamaliel li kixk'ut chiwu xpaab'ankil chi us li xChaq'rab' eb' li qana' qayuwa'. Kaw kink'e linch'ool chi xraab'al li Yos kama' yookex chejunilex laa'ex anaqwan.

Hechos 24:5

Xqataw li winq a'in, q'axal yib'ru xna'leb': a'an aj yoob'anel raaxiik' sa' xyanqeb' laj Judiiy sa' chixjunil li ruuchich'och' ut aj k'amol xb'eheb' li xkomoneb' laj Nazaret.

Hechos 22:5

Li xyuwa'il aj tij ut chixjunileb' li cheekel winq neke'xnaw naq tz'aqal yaal li yookin chi xyeeb'al. Sa' ruq'eb' a'an kink'ul ajwi' jun li hu cho'q reheb' li qas qiitz'in aj Judiiy wankeb' Damaask; ut kohin aran chi xsik'b'aleb' laj paab'anel re naq te'k'ame'q chaq chi preexil arin Jerusalén ut te'rahob'tesiiq.

Hechos 24:14

Laa'in tinye xyaalal aawe: ninloq'oni ru li xYos eb' linna' linyuwa' jo' chanru yeeb'il sa' li loq'laj B'e a'in, «jachb'il paab'aal» nayeemank re xb'aaneb' laj Judiiy. Ninpaab' chixjunil li tz'iib'anb'il sa' li Chaq'rab' ut sa' xHuheb' li Propeet,

Hechos 15:5

Ab'anan wankeb' xkomoneb' laj Pariseey li xq'axtesihomeb' rib' sa' li tz'aqal paab'aal, ke'xaqliik chi xyeeb'al: —Tento naq eb' li maawa'eb' aj Judiiy te'xk'ul li sirkunsisyon. Tento ajwi' xpatz'b'al reheb' naq te'xpaab' li xChaq'rab' laj Moisés.