Hechos 26:3 - Q'eqchi Bible

³ Laa'at nakanaw chi tz'aqal re ru li xna'leb'eb' laj Judiiy ut chixjunil li k'aynaqeb' wi'. Jo'kan naq nintz'aama chawu, chakuyaq wab'inkil.

Li Santil hu

³ Kꞌaxal cuiꞌchic us xban nak la̱at nacanau chixjunil li cꞌaꞌru cꞌaynakeb xba̱nunquil eb laj judío ut nacanau chanru lix naꞌlebeb. Joꞌcan ut nak nintzꞌa̱ma cha̱cuu nak ta̱cuy rabinquil li cꞌaꞌru oc cue xyebal.

Hechos 26:3 ပူးပေါင်းရင်းမြစ်များ

Hechos 6:14

Xb'aan naq xqab'i chi xyeeb'al naq li Jesus, a' laj Nazaret neke'xye, tixjuk' li na'ajej a'in ut tixjal ru li xe'toonil na'leb' kooxchaq'rab'i wi' laj Moisés, chankeb'.

Hechos 26:26

Li awab'ej naxnaw chi us chixjunil a'in; jo'kan naq nin'aatinak chiru a'an chi maak'a' inxiw. Ch'olch'o chiwu naq naxnaw li yookin chi xyeeb'al, xb'aan naq moko xk'ulmank ta sa' loot'.

1 Corintios 13:2

Wi wank ta inmaatan re aatinak jo' propeet, wi ninnaw ta chixjunileb' li xmuqmuukil na'leb' li Yos ut chixjunil li k'a'uxl, wi ta tz'aqlojenaq ru linpaab'aal re xjalb'al xna'aj eb' li tzuul, ab'anan wi ink'a' ninrahok, maak'a' nin'ok wi'.

Hechos 28:17

Oxejeraq chik a'an laj Pablo kixch'utub' li xninqaleb' ru aj Judiiy ut, naq ch'utch'uukeb' chik rik'in, kixye reheb': —Ex was wiitz'in, laa'in maak'a' k'aru ink'a' us xinb'aanu re li qatenamit chi moko chirix li k'aynaqeb' wi' li qana' qayuwa'. Ab'an xinchape'k chaq Jerusalén ut xinq'axtesiik sa' ruq'eb' laj Roma.

Hechos 26:7

Li xtz'aqlojik ru a'in neke'xyo'oni li xkab'laju teepaleb' laj Israel; jo'kan naq kaw neke'k'anjelak chiru li Yos chi q'eq ut chi kutan. Chanaw, at qaawa', naq chirix li woyb'enihom a'in nikine'xjit eb' laj Judiiy.

Hechos 25:26

Ut chirix a'an ink'a' tz'aqal ninnaw k'a' ta wi' ru tintz'iib'a rik'in li awab'ej; jo'kan naq xink'am chaq cheru laa'ex ut xb'een xb'een chawu laa'at, at qaawa' Agripa, re naq wanq k'aru tintz'iib'a chi akaq xqatz'il rix chixjunil.

Hechos 24:10

Toja' naq li ruuchil li awab'ej kixk'e chi aatinak laj Pablo ut a'an kixye: —Laa'in ninnaw naq ak k'iila chihab' aawokik cho'q aj raqol aatin sa' li tenamit a'in; jo'kan naq chi anchal inch'ool tin'aatinaq re xkolb'al wib'.

Hechos 24:4

Anaqwan nintz'aama chawu naq, sa' xk'ab'a' xnimal laawusilal, taawab'i taxaq li ok qe chi xyeeb'al. Junpaat ajwi' tatqach'i'ch'i'i.

Hechos 21:21

Anaqwan xe'rab'i aawesil naq nakatzoleb' len chixjunileb' laj Judiiy li wankeb' sa' xyanqeb' li junch'ol chik naq che'risi rib' sa' xchaq'rab' laj Moisés. Nakaye len naq ink'a' te'xb'aanu li sirkunsisyon reheb' li ralal xk'ajoleb' chi moko te'xyu'ami li tzolb'ileb' wi' junxil.

Deuteronomio 17:18

“Naq taa'ok chi awab'ejil, tento tixtz'iib'a reetalil li Chaq'rab' a'in li wank rik'ineb' laj tij aj Leví.

Hechos 26:2

“At qaawa' Agripa, sa sa' inch'ool rik'in naq truuq tin'aatinaq chawu sa' li kutan a'in re xkolb'al wib' chiru chixjunil li k'a'aq re ru nikine'xjit wi' eb' laj Judiiy.

Jeremías 32:11

Chirix chik a'an xinxok li xhuhul li xinloq'ok wi', chi ak kaaxtinb'il jo' chanru na'uxk xb'aanunkil, ut li jun chik ink'a' kaaxtinb'il ru,