Hechos 22:5 - Q'eqchi Bible

⁵ Li xyuwa'il aj tij ut chixjunileb' li cheekel winq neke'xnaw naq tz'aqal yaal li yookin chi xyeeb'al. Sa' ruq'eb' a'an kink'ul ajwi' jun li hu cho'q reheb' li qas qiitz'in aj Judiiy wankeb' Damaask; ut kohin aran chi xsik'b'aleb' laj paab'anel re naq te'k'ame'q chaq chi preexil arin Jerusalén ut te'rahob'tesiiq.

Li Santil hu

⁵ Li xbe̱nil aj tij, joꞌ ajcuiꞌ eb li nequeꞌtaklan saꞌ xya̱nkeb laj judío, nequeꞌxnau nak tzꞌakal ya̱l li yo̱quin chixyebal. Eb aꞌan queꞌxqꞌue jun li hu cue retalil nak queꞌxqꞌue inlese̱ns chixchapbaleb laj pa̱banel li cuanqueb Damasco, ut tincꞌameb chak chi pre̱xil arin Jerusalén re teꞌrahobtesi̱k, chan.

Hechos 22:5 ပူးပေါင်းရင်းမြစ်များ

San Lucas 22:66

Naq kikutano'k, ke'xch'utub' rib' li xcheekel winqilaleb' li tenamit, li xb'eenileb' aj tij ut eb' laj tz'iib'; ke'xk'am li Jesus sa' li xnimal raqleb'aal aatin

Hechos 5:21

Eb' li apóstol ke'xpaab' a'an: toj hik'ho koxe'okaq sa' rochoch li Yos ut ke'xtikib' xtzolb'aleb' li tenamit. Naq kiwulak li xyuwa'il aj tij ut eb' li rochb'een, ke'xch'utub' li xninqaleb' ru aj raqol aatin ut chixjunil li xcheekel winqilaleb' laj Israel, ut ke'xtaqla xsik'b'aleb' sa' tz'alam re naq te'k'ame'q chaq.

1 Timoteo 4:14

Maakanab' xch'oolaninkil laamaatan li wank aawik'in, li xk'eemank aawe xb'aan li raatin propeet naq chixjunileb' li xcheekel winqilaleb' li Iklees xe'xk'e li ruq'eb' sa' aab'een.

Hechos 28:21

Ke'chaq'ok eb' a'an ut ke'xye: —Laa'o maajun li hu xqak'ul chalenaq Judea na'aatinak ta chawix. Jo'kan ajwi' maajun li qas qiitz'in xk'ulunk arin chajitb'al malaj xye ta resil junaq k'aru ink'a' us chawix.

Hechos 26:12

“Toj yookin ajwi' chi xk'oxlankil a'an naq xkohin Damaask sa' jun kutan, k'eeb'il inwankil ut taqlanb'ilin xb'aaneb' li xb'eenil aj tij.

Hechos 26:10

Ut a'an kinb'aanu aran Jerusalén: eb' li xb'eenil aj tij ke'xk'e inwankil ut laa'in kintz'apeb' sa' tz'alam naab'al laj santil paab'anel, ut rajlal naq kiteneb'aak li kamk sa' xb'eeneb', laa'in ajwi' kin'okenk chi xpatz'b'al li xkamikeb'.

Hechos 22:1

“Ex was wiitz'in, ex inna' ex inyuwa', ab'ihomaq li tinye eere anaqwan re xkolb'al wib'”, chan laj Pablo.

Hechos 13:26

“Ex was wiitz'in, ex ralal xk'ajol li yo'lajenaqeb' rik'in laj Abrahán jo'wi' laa'ex li nekexiwa ru li Yos, qik'in laa'o taqlanb'il chaq li Aatin a'in aj k'ehol kolb'a ib'.

Hechos 9:14

Ninnaw ajwi' naq wank arin, rik'in xwankil k'eeb'il re xb'aaneb' li xb'eenil aj tij chi xchapb'aleb' chixjunil li neke'patz'ok laak'ab'a'”.

Hechos 4:5

Sa' li kutan jun chik ke'xch'utub' rib' aran Jerusalén li xb'eenileb' li tenamit, eb' li cheekel winq ut eb' laj tz'iib',

Hechos 1:15

Sa'eb' li kutan a'an kixaqliik laj Pedro sa' xyiheb' laj paab'anel (eb' li wankeb' chi ch'utch'u aran waqk'aaleb' tana) ut kixye reheb':

Hechos 2:29

“Ex was wiitz'in, chineekuy; tento tin'aatinaq chi ch'olch'o eerik'in chirix li qanajteril yuwa' laj David: a'an kikamk ut kimuqe'k, ut li xmuqleb'aal toj wank sa' qayanq chalen anaqwan.

Hechos 3:17

“Ak ninnaw, ex was wiitz'in, naq xmaak'a'il eena'leb' xeb'aanu wi' a'an, jo' ajwi' eb' laj k'amol eeb'e.

Hechos 23:1

Laj Pablo kixka'ya eb' li xninqal ru aj raqol aatin ut kixye: —Ex was wiitz'in, laa'in xinwank chi q'axal tiik inch'ool chiru li Yos chalen toj anaqwan.

Hechos 23:6

Naxnaw laj Pablo naq jun raqal chi xninqaleb' ru aj raqol aatin a'aneb' aj Saduseey ut li jun raqaleb' chik aj Pariseey; jo'kan naq kixye reheb' chi kaw xyaab' xkux: —Ex was wiitz'in, laa'in aj Pariseey, ralalin aj Pariseey. Xb'aan naq xaqxo li woyb'enihom chirix li xwaklijikeb' chi yo'yo eb' li kamenaq, jo'kan naq yo xraqb'al aatin chiwix.

Hechos 26:11

K'iila sut kinrahob'tesiheb' ut kinmin ruheb' chi xmajewankil li xpaab'aaleb'. Ut a'in kinb'aanu sa' chixjunileb' li ch'utleb'aal kab'l; k'ajo' linjosq'il sa' xb'eeneb' naq kinsik'ihatqeb' toj sa'eb' li jalanil tenamit.

Hechos 28:17

Oxejeraq chik a'an laj Pablo kixch'utub' li xninqaleb' ru aj Judiiy ut, naq ch'utch'uukeb' chik rik'in, kixye reheb': —Ex was wiitz'in, laa'in maak'a' k'aru ink'a' us xinb'aanu re li qatenamit chi moko chirix li k'aynaqeb' wi' li qana' qayuwa'. Ab'an xinchape'k chaq Jerusalén ut xinq'axtesiik sa' ruq'eb' laj Roma.

Gálatas 1:13

Ak eerab'ihom resil chanru naq kinwank chaq junxil sa' xpaab'aaleb' laj Judiiy: k'ajo' naq kinrahob'tesi li x'Iklees li Yos, yalyo inq'e chi xjuk'b'al.

Filipenses 3:6

Q'axal kink'e inch'ool chi paab'ank toj reetal kinrahob'tesi li Iklees, ut maajun truuq tixwech' wix rik'in li tiikilal natawmank sa' xk'anjelankil xChaq'rab' laj Moisés.