Hechos 22:3 - Q'eqchi Bible

³ “Laa'in aj Judiiy, yo'lajenaqin Tarso xteepal Silisia ut k'iiresinb'ilin arin Jerusalén. Kintzole'k rub'el roq laj Gamaliel li kixk'ut chiwu xpaab'ankil chi us li xChaq'rab' eb' li qana' qayuwa'. Kaw kink'e linch'ool chi xraab'al li Yos kama' yookex chejunilex laa'ex anaqwan.

Li Santil hu

³ —Relic chi ya̱l nak la̱in aj judío. Yoꞌlajenakin Tarso xcue̱nt Cilicia. Ut arin quinqꞌui Jerusalén. Quintzol cuib riqꞌuin laj Gamaliel chirix li chakꞌrab li quiqꞌueheꞌ chak reheb li kaxeꞌto̱nil yucuaꞌ. Chi anchal inchꞌo̱l ninqꞌue xlokꞌal li Dios joꞌ yo̱quex la̱ex anakcuan.

Hechos 22:3 ပူးပေါင်းရင်းမြစ်များ

Hechos 26:5

Eb' a'an neke'xnaw wu chalen chaq junxilaj ut, wi te'raj, truuq te'xch'olob' xyaalal a'in chiwix: naq laa'in kinwank jo' aj Pariseey, sa' xyanqeb' li jun ch'uut li q'axal neke'xk'e xch'ool sa' li qapaab'aal.

Hechos 9:11

Ut li Qaawa' kixye re: “Waklin, ayu sa' li Tiikil B'e neke'xye re, ut sik' sa' rochoch laj Judas jun li winq Tarso xtenamit, aj Sawlo xk'ab'a'. Toxaataw chi tijok.

Hechos 5:34

Toja' naq jun aj pariseey, aj Gamaliel xk'ab'a', aj nahol Chaq'rab' ut oxloq'inb'il xb'aaneb' chixjunil li tenamit, kixaqliik sa' li raqleb'aal aatin ut kixtaqla naq che'isiiq jun k'amokaq eb' li apóstol chirix kab'l,

Hechos 21:39

Kixye laj Pablo: —Laa'in aj Judiiy, yo'lajenaqin Tarso, sa' jun tenamit xteepal Silisia nawb'il chi us. Nintz'aama chawu naq chinaakanab' chi raatinankileb' li tenamit.

Hechos 21:20

Ut eb' a'an, naq ke'rab'i, ke'ok chi xnimankil ru li Yos ut ke'xye re laj Pablo: —Xawil, at qiitz'in, jarub' mil chi aj Judiiy xe'ok chi paab'ank, ut chixjunileb' a'an toj kaweb' xch'ool chirix xchaq'rab' laj Moisés.

2 Corintios 11:22

Ma a'aneb' aj Hebreo? Jo'kan ajwi' laa'in. Ma a'aneb' aj Israel? Jo'kan ajwi' laa'in. Ma ralal xk'ajoleb' laj Abrahán? Jo'kan ajwi' laa'in.

San Lucas 10:39

A'an wank jun li riitz'in, xMaría xk'ab'a'; a'in kolk'ojlaaq rub'el roq li Qaawa', yo chi rab'inkil li raatin.

2 Reyes 4:38

Chirix chik a'an laj Eliseo kisutq'iik sa' li tenamit Kilkal, naq yo tz'aqal li we'ej aran. Sa' jun kutan k'ojk'ookeb' li propeet chiru laj Eliseo, ut a'in kixye re laj tenq' re: “K'e li nimla uk'al sa' xam ut k'uub' xtzekemqeb' li propeet”.

Deuteronomio 33:3

Laa'at nakaraheb' li qaxe'toonil yuwa'; chixjunil laasantil tenamit wank sa' laawuq'. Eb' a'an wiq'wookeb' rub'el laawoq rub'el aawuq', ut naxik xch'ooleb' chirix laawaatin.

Romanos 11:1

Ut ninpatz' wib': Ma xtz'eqtaana li xtenamit li Yos? Maajoq'e b'i'an! Laa'in ajwi' aj Israel, riyajilin laj Abrahán, sa' xteepal laj Benjamín!

Hechos 23:6

Naxnaw laj Pablo naq jun raqal chi xninqaleb' ru aj raqol aatin a'aneb' aj Saduseey ut li jun raqaleb' chik aj Pariseey; jo'kan naq kixye reheb' chi kaw xyaab' xkux: —Ex was wiitz'in, laa'in aj Pariseey, ralalin aj Pariseey. Xb'aan naq xaqxo li woyb'enihom chirix li xwaklijikeb' chi yo'yo eb' li kamenaq, jo'kan naq yo xraqb'al aatin chiwix.

Hechos 6:9

Sa' jun kutan ke'xaqliik xkomoneb' laj ch'utleb'aal kab'l reheb' laj Liberto jo' nayeemank re; wankeb' ajwi' aj Sirene, aj Alejandría, aj Silisia ut aj Asia, ut ke'ok chi xwech'inkil laj Esteban.

2 Samuel 21:2

Li awab'ej kixb'oqeb' laj Gabahón ut ki'aatinak rik'ineb'. (Eb' laj Gabahón moko aj Israeleb' ta, a'aneb' b'an xkomoneb' laj Amor. Junxil eb' laj Israel ke'xye sa' jurament naq ink'a' te'xkamsiheb', ab'an laj Saúl kiraj raj xsachb'aleb' sa' xk'ab'a' xraab'aleb' laj Israel ut eb' laj Judá.)

Gálatas 1:21

Moqon kohin sa'eb' li na'ajej sa' xteepal Siria ut Silisia;

Gálatas 1:14

Keb'inq'ax ru naab'aleb' li wech tenamitul wech saajilal sa' xpaab'aaleb' laj Judiiy, q'axal chik kink'e inch'ool chi xpaab'ankil xna'leb'eb' li qana' qayuwa'.

Hechos 23:34

Naq li ruuchil li awab'ej kiril xsa' li hu, kixpatz' b'ar xtenamit laj Pablo, ut naq kirab'i naq yo'lajenaq sa' xteepal Silisia, kixye re:

Hechos 15:41

Ut kixb'eeni Siria ut Silisia, yo chi xkawub'resinkil chixjunileb' li Iklees.

Hechos 15:23

Ut kitaqlaak li hu a'in chirixeb': “Ex qas qiitz'in li maawa'ex chaq aj Judiiy, naqataqla xsahil eech'ool laa'ex li wankex Antiokía, Siria ut Silisia.

Hechos 11:25

Chirix chik a'an laj Bernabé koho Tarso chi xsik'b'al laj Sawlo,

Hechos 9:30

Naq ke'xnaw a'in eb' laj paab'anel, ke'xk'am Cesarea ut moqon chik ke'xtaqla toj Tarso.

San Lucas 8:35

Ke'elk ut li poyanam chi rilb'al li kik'ulmank, ke'wulak wan wi' li Jesus ut koxe'xtaw li winq li ke'elk wi' eb' laj tza, chunchu, chi roq li Jesus, tiqto ut tuqtu chik li xjolom. Ut ke'ok xxiw.

San Lucas 2:46

Sa' rox kutan koxe'xtaw sa' rochoch li Yos, k'ojk'o sa' xyiheb' laj tzolonel, yo chi rab'inkileb' ut chi patz'ok reheb'.

Hechos 9:1

Laj Sawlo toj yo ajwi' chi xk'oxlankil xxib'esinkil eb' li xtzolom li Qaawa' ut xkamsinkileb', kiwulak rik'in li xyuwa'il aj tij

Hechos 26:9

“Laa'in ajwi' junxil kink'oxla naq teneb'anb'il sa' inb'een k'anjelak chi kaw re xramb'al xk'ab'a' li Jesus aj Nazaret.