Hechos 2:5 - Q'eqchi Bible

⁵ Wankeb' aran Jerusalén aj Judiiy aj paab'aneleb', chalenaqeb' chaq sa' chixjunileb' li tenamit junsut junrub'el choxa.

Li Santil hu

⁵ Cuanqueb aj judío aran Jerusalén cauheb xchꞌo̱l saꞌ xpa̱ba̱leb. Queꞌchal chak saꞌ chixjunil li tenamit jun sut rubel choxa.

Hechos 2:5 ပူးပေါင်းရင်းမြစ်များ

Hechos 8:2

Wankeb' winq chaab'ileb' xch'ool ke'xmuq laj Esteban ut najt ke'yaab'ak chirix.

San Lucas 2:25

Aran Jerusalén wank jun li winq, aj Simehón xk'ab'a': li winq a'an tiik xch'ool ut aj paab'anel, yo chi royb'eninkil li xk'ojob'ankil xch'ool li tenamit Israel; ut li Santil Musiq'ej wank chi xb'een.

Colosenses 1:23

Ka'ajwi' naq kawaq eech'ool sa' leepaab'aal; kaw kab'lanb'ilaqex sa' xb'een a'an, jo'wi' kaw xaqxooqex chi oyb'enink sa' xk'ab'a' li Chaab'il Esilal eerab'ihom, a' li xpuktesimank reheb' chixjunil junsut junrub'el choxa ut li xaqab'anb'ilin wi' laa'in laj Pablo chi xk'anjelankil chiruheb' chixjunil.

Hechos 22:12

“Aran wank jun li winq, aj Ananías xk'ab'a', chaab'il xch'ool jo' naxye li xChaq'rab' laj Moisés; chixjunileb' laj Judiiy li wankeb' Damaask chaab'il aatin neke'xye chirix.

Hechos 13:50

Ab'anan eb' laj Judiiy ke'xtakchi'i li xninqaleb' ru ixq li neke'loq'onink ru li Yos, jo' ajwi' li xb'eenileb' li tenamit; ke'xyoob' jun raaxiik' chirixeb' laj Pablo ut laj Bernabé ut ke'risiheb' sa' li xna'ajeb'.

Hechos 10:7

Ka'ajwi' ki'elk li ánjel rik'in, laj Kornelio kixb'oq wiib'eb' li xmoos ut jun aj puub' chaab'il xch'ool sa' xyanqeb' li neke'k'anjelak chiru,

Hechos 10:2

chaab'il xch'ool ut naxpaab' li Yos rochb'eeneb' chixjunil li xjunkab'al. Naab'al xlemoox naxk'e re li tenamit ut junelik natijok chiru li Yos.

Hechos 8:27

Kixaqliik laj Felipe ut koho. Toja' naq kiril jun aj Etiopía, xnimal ru winq, aj k'anjel chiru li xNa'eb' li tenamit Etiopía, ut aj ilol re chixjunil li xb'ihomal. A'an kiwulak Jerusalén chi loq'onink

Hechos 2:1

Naq kiwulak xkutankil li Pentekostés, ch'utch'uukeb' chixjunileb' sa' jun chi na'ajej.

San Juan 12:20

Wankeb' aj griego sa' xyanqeb' li ke'taqe'k aran Jerusalén chi loq'onink sa' li Ninq'e.

San Lucas 24:18

ut jun reheb' a'an, aj Kleofás xk'ab'a', kixye re: —Ma ka'jat wi' laa'at yal aj numelat Jerusalén li ink'a' nakanaw li xk'ulmank aran sa'eb' li kutan a'in?

San Lucas 17:24

Xb'aan naq jo' li raq'kaaq li narepb'ak, nalemtz'unk chaq sa' xmaril li choxa toj sa' li junpak'al chik, jo'kanaq ajwi' li K'ajolb'ej sa' li xkutankil.

San Mateo 24:14

Ut taapuktesimanq li chaab'il esilal a'in chirix li xnimajwal wankilal li choxa sa' chixjunil li ruuchich'och' re xch'olob'ankil li yaal chiruheb' chixjunil li tenamit: toja' naq taachalq li roso'jik.

Zacarías 8:18

Li Qaawa' ki'aatinak wi' chik wik'in chi jo'ka'in:

Isaías 66:18

“Laa'in tinchalq chi xch'utub'ankil chixjunileb' li tenamit -chan li Qaawa'- jo'wi' eb' li jalan jalanq chi aatinob'aal: junchalikaqeb' naq tole'ril linloq'al.

Deuteronomio 2:25

Chalen anaqwan twoksi xiw ut xxiwankil aawu sa' xyanqeb' chixjunileb' li tenamit li wankeb' junsut junrub'el choxa. Naq te'rab'i resil eechalik, siksootqeb' chixjunileb' ut parpotqeb' xb'aan xxiweb'», chan li Qaawa'.

Éxodo 23:16

“Taanima ajwi' ru li xninq'e li q'olok, li xninq'e li xb'een ru laak'anjel ut li k'aru xawaw sa' laach'och'; jo'kan ajwi' taaninq'ehi li xokok sa' xraqik li chihab', naq taaxok sa' laach'och' chixjunil li ru laak'anjel.