Hechos 2:47 - Q'eqchi Bible

⁴⁷ Neke'xnima ru li Yos, ut usilal neke'xtaw chiru chixjunil li tenamit. Ut li Qaawa' wulaj wulaj naxtiq li komonil rik'in eb' li yookeb' chi kole'k.

Li Santil hu

⁴⁷ Queꞌxlokꞌoni li Ka̱cuaꞌ Dios ut queꞌqꞌueheꞌ xcuanquil xbaneb chixjunileb li tenamit. Ut rajlal cutan li Dios quixtenkꞌaheb chi qꞌuia̱nc laj pa̱banel.

Hechos 2:47 ပူးပေါင်းရင်းမြစ်များ

Hechos 16:5

Jo'kan naq eb' li Iklees neke'kawuuk xch'ool sa' li paab'aal, yookeb' chi k'ihank rajlal kutan.

1 Corintios 1:18

Xyeeb'al resil li krus a'an memil na'leb' chiruheb' li yookeb' chi sachk, ab'an chiruheb' li yookeb' chi kole'k -chiqu laa'o- a'an xnimal xwankil li Yos.

Hechos 2:41

Toja' naq eb' li ke'xk'ul li raatin laj Pedro sa' xch'ooleb' ke'kub'siik xha', ut sa' li kutan a'an oxib' mil tana ke'ok sa' xyanqeb' laj paab'anel.

Hechos 2:39

Xb'aan naq eere li yeechi'inb'il xb'aan li Yos, reheb' ajwi' leeralal eek'ajol ut reheb' chixjunil li wankeb' chi najt, jo'k'ihaleb' tixb'oqeb' li Qaawa' li qaYos.

Romanos 14:18

Ka'ajwi' li napaab'ank chi jo'ka'in chiru li Kriist, k'ulub'anb'il xb'aan li Yos ut nak'ehe'k xloq'al xb'aaneb' li tenamit.

Hechos 11:24

xb'aan naq laj Bernabé chaab'il winq, nujenaq chi Santil Musiq'ej ut tz'aqal aj paab'anel. Ut naab'al li tenamit ke'xq'axtesi rib' re li Qaawa'.

Hechos 13:48

Naq eb' li maawa'eb' aj Judiiy ke'rab'i a'in, ke'saho'k sa' xch'ool ut ke'ok chi xnimankil xwankil li Raatin li Qaawa'. Ut chixjunileb' li ak xaqab'anb'ileb' chi xtawb'al li junelik yu'am ke'ok chi paab'ank,

Romanos 9:27

Laj Isaías ajwi' kixjap re chi xyeeb'al chirixeb' laj Israel: “Us ta naab'aleb' li ralal xk'ajol laj Israel jo' ta xk'ihal li samahib' chire li palaw, ab'anan ka'ajwi' li rela'eb' taakole'q.

Romanos 8:30

Ut eb' li kixxaqab'eb' chaq, eb' a'an kixtiikob'resiheb' chaq xch'ool; ut eb' li kixtiikob'resiheb' xch'ool, kixk'eheb' ajwi' xloq'al.

San Lucas 2:52

Ut li Jesus yo chi k'iik rik'in xna'leb' ut rik'in xteram, sa' chaab'ilal chiru Yos ut chiruheb' li winq.

Hechos 4:21

Li xb'eenileb' li tenamit ke'xxib'esi wi' chik laj Pedro ut laj Jwan ut ke'rach'ab'eb', xb'aan naq ink'a' neke'xtaw chan ta ru xrahob'tesinkileb'; neke'xxiwa ajwi' ruheb' li tenamit, xb'aan naq chixjunileb' neke'xnima ru li Yos chirix li xk'ulmank.

Hechos 4:33

Ut eb' li apóstol neke'xpuktesi resil li xwaklijik chi yo'yo li Qaawa' Jesus rik'in xnimal wankil, ut q'axal sa ilb'ileb' chixjunileb'.

San Lucas 19:48

Ab'anan ink'a' neke'xtaw chanru te'xb'aanu, xb'aan naq chixjunil li tenamit neke'ab'ink re ut q'es ruheb' rik'in li naxye.

Hechos 4:4

Ab'anan naab'aleb' li ke'ab'ink re li Aatin, ke'xpaab', ut kitamk li komonil: oob' mil tana li xk'ihaleb' li winq.

Hechos 6:1

Sa'eb' li kutan a'an eb' laj paab'anel ke'k'ihank rajlankil, ut eb' laj paab'anel griego raatinob'aaleb' ke'ok chi xwech'inkil rix eb' li neke'aatinak sa' hebreo xb'aan naq eb' li xmalka'an ink'a' sa neke'k'ule'k naq najek'imank li wa rajlal kutan.

Hechos 6:7

Li Raatin li Yos yo chi puktaak; li xk'ihaleb' laj paab'anel k'ajo' naq yo chi k'ihank aran Jerusalén. Jo'kan ajwi' naab'aleb' laj tij ke'xk'ul xch'ool li paab'ank.

Hechos 9:31

Sa'eb' li kutan a'an li Iklees wank sa' tuqtuukilal sa' chixjunil Judea, Galilea ut Samaria; yo chi kawuuk jo'wi' chi k'iik rik'in xpaab'ankil li Qaawa'. K'ajo' naq yookeb' chi tamk laj paab'anel rik'in li xk'ojob'ankil xch'ooleb' xb'aan li Santil Musiq'ej.

Hechos 9:35

Ut naq chixjunileb' laj Lida jo'wi' eb' laj Sarón ke'ril chi wakliik, ke'xq'axtesi rib'eb' re li Qaawa'.

Hechos 11:21

Li ruq' li Qaawa' wank rik'ineb'; jo'kan naq naab'aleb' ke'ok chi paab'ank ut ke'xq'axtesi rib'eb' re li Qaawa'.

Hechos 14:1

Jo'kan ajwi', sa' li tenamit Ikonio, laj Pablo ut laj Pedro ke'ok sa' li xch'utleb'aal kab'l eb' laj Judiiy ut ke'aatinak chi chaab'il; ut rik'in li aatin ke'rab'i k'ajo' xk'ihaleb' laj Judiiy ut eb' laj Griego ke'ok chi paab'ank.

Hechos 14:21

Ke'xpuktesi li Chaab'il Esilal sa' li tenamit a'an ut ke'reechani naab'al cho'q aj paab'anel; toja' naq ke'sutq'iik Listra, Ikonio ut Antiokía,

Hechos 17:12

Naab'aleb' ke'ok chi paab'ank sa' xyanqeb' a'an. Naab'aleb' ajwi' winq ut xninqaleb' ru ixq sa' xyanqeb' laj Griego ke'xq'axtesi rib'eb'.