Hechos 2:23 - Q'eqchi Bible

²³ Li winq a'in kiq'axtesiik sa' eeruq' jo' chanru kiraj li Yos ut kixk'oxla chi junxilaj, ut laa'ex keklawxi chiru krus ut kek'e chi kamsiik rik'in ruq'eb' li maak'a'eb' xpaab'aal.

Li Santil hu

²³ Li Jesús quikꞌaxtesi̱c saꞌ e̱rukꞌ la̱ex xban nak ac joꞌcan chak saꞌ xchꞌo̱l li Dios nak joꞌcan tixcꞌul. Ut la̱ex quechap ut quekꞌaxtesi saꞌ rukꞌeb li cui̱nk li incꞌaꞌ useb xnaꞌleb. Ut eb aꞌan queꞌxcamsi chiru cruz.

Hechos 2:23 ပူးပေါင်းရင်းမြစ်များ

San Lucas 22:22

Xb'aan naq li K'ajolb'ej xik re jo' chanru kiteneb'aak sa' xb'een, ab'an ra chaalel sa' xb'een li winq a'an li taaq'axtesinq re!

Hechos 4:28

Chi jo'kan xe'xb'aanu li ak k'uub'k'u chaq aab'aan rik'in xnimal aawankil ut aana'leb'.

Hechos 3:18

Ab'anan li Yos xk'e chi tz'aqlok ru li k'aru kixyeechi'i chaq chi xtz'uumal reheb' chixjunil li propeet, naq li xKriist tixk'ul rahilal.

Génesis 50:20

Us ta laa'ex xek'oxla xb'aanunkil rahilal we, ab'an li Yos xsutq'isi a'an cho'q usilal re xb'aanunkil li yooko chi rilb'al anaqwan: xkolb'aleb' xyu'am jun xnimal ru tenamit.

1 Pedro 1:20

A'an ak sik'b'il chaq ru rub'elaj xk'ojlajik li ruuchich'och', ut anaqwan xk'utb'esi rib' sa' roso'jikeb' li kutan xb'aan eeraab'al laa'ex.

Hechos 13:27

Eb' laj Jerusalén ut li xb'eenileb' ink'a' ke'xtaw ru ani li Jesus, ut, naq ke'xraq aatin sa' xb'een, kitz'aqlok ru xb'aaneb' li xtz'iib'ahom eb' li Propeet li nayaab'asimank rajlal sábado.

San Mateo 26:24

Li K'ajolb'ej taaxik jo' tz'iib'anb'il chirix, ab'an ra chaalel sa' xb'een li winq a'an li taaq'axtesinq re li K'ajolb'ej! Q'axal us raj cho'q re li winq a'an naq ink'a' xyo'laak chaq.

Romanos 4:17

jo' naxye li Santil Hu: “Xatinxaqab' cho'q xyuwa' li k'iila tenamit”. A'an qayuwa' chiru li Yos, xb'aan naq kixpaab' li Yos li nak'ehok xyu'ameb' li kamenaq ut naxyoob'tesiheb' li k'a'aq re ru toj maak'a'.

Hechos 5:30

Li xYos eb' li qana' qayuwa' kixwaklesi chi yo'yo li Jesus li kekamsi laa'ex naq kechirib' chiru jun che'.

Daniel 4:35

Chiru A'an maak'a' neke'ok wi' eb' li poyanam sa' ruuchich'och'. Naxb'aanu li k'aru naraj rik'ineb' li wankeb' sa' choxa jo' ajwi' rik'ineb' li wankeb' sa' ruuchich'och'; maajun naxkuy wank chiru ut maa'ani taapatz'oq re k'a'ut naq naxb'aanu chi jo'kan.

Salmos 76:10

naq laa'at xatxaqliik chi raqok aatin re xkolb'al chixjunileb' li toq'ob'aal ru sa' ruuchich'och'!

Apocalipsis 13:8

Ut chixjunileb' li wankatqeb' sa' ruuchich'och' ke'xloq'oni ru, eb' li ink'a' tz'iib'anb'ileb' xk'ab'a' sa' xhuhil li yu'am, chalen chaq sa' xk'ojlajik li ruuchich'och'. Li hu a'in wank rik'in li Karneer kikamsiik.

San Judas 1:4

Xb'aan naq wankeb' li xe'xch'ik rib' sa' eeyanq chi muqmu. Eb' a'in, chalen chaq junxil, ak xaqab'anb'il chaq li tojb'amaak sa' xb'eeneb'. Maak'a'eb' xpaab'aal; neke'xsutq'isi li rusilal li qaYos chi jo'maajo'il na'leb' ut neke'xtz'eqtaana li Jesukriist, li Qaawa' ut laj Eechal qe li jun chirib'il.

1 Pedro 1:2

jo' ki'alaak chaq sa' xch'ool li Yos Yuwa'b'ej, rik'in li santob'resink naxb'aanu li Musiq'ej, re xpaab'ankil li Jesukriist ut re xk'ulb'al leech'ajob'resinkil rik'in li xkik'el. Chiwanq taxaq eerik'in li usilal ut li tuqtuukilal chi numtajenaq.

Hechos 15:18

Raatin li Qaawa', li nab'aanunk re anaqwan li ak k'uub'k'u chalen chaq q'e kutan».

San Lucas 24:20

Eb' li xb'eenil aj tij li wankeb' sa' qayanq ut eb' laj k'amol qab'e xe'xteneb' kamk sa' xb'een ut xe'xk'e chiru krus.

San Lucas 22:37

Ninye eere naq tento taatz'aqloq ru wik'in li tz'iib'anb'il chaq sa' li Santil Hu: «Xe'xk'e sa' ajl sa' xyanqeb' li ink'a' useb' xch'ool». Xb'aan naq tz'aqlok re li tz'iib'anb'il chaq chiwix.

Hechos 7:52

Ma wank junaq propeet li ink'a' xik' ki'ile'k xb'aaneb' leena' leeyuwa'? Eb' a'an ke'xkamsi li yookeb' chaq chi xyeeb'al resil chi junxilaj li xk'ulunik li Tiik xch'ool, a' li xeq'axtesi ut xekamsi laa'ex anaqwan.

San Juan 19:24

Jo'kan naq ke'xye chirib'ileb' rib': —Miqajachi, qab'uuliiq b'an rix re rilb'al ani taakanaaq wi'. Chi jo'kan kitz'aqlok ru li tz'iib'anb'il sa' li Santil Hu: “Xe'xjek'i li waq' chirib'ileb' rib', xe'xb'uuli rix lint'ikr”. A'eb' laj puub' ke'b'aanunk re a'an.

1 Pedro 2:8

Ut naxye ajwi': “A'an a'in li pek te'tichk'oq wi' naab'aleb'. Chiru li saqoonak a'in naab'aleb' te't'ane'q”. Neke'tichk'ok rik'in a'an xb'aan naq neke'xq'et li Aatin: a'an a'in li teneb'anb'il chaq chi xb'eeneb'.

Isaías 37:26

Ma xawab'i chi us? Ak ink'uub'ahom chaq a'in chalen junxil; chalen chaq q'e kutan inkawresihom chaq, ut anaqwan yookin chi xb'aanunkil. Jo'kan naq laa'at xatsachok ruheb' li tenamit ut po'lem xakanab'eb' li kaw sutinb'ileb' chi tz'ak.

San Mateo 20:19

ut te'xq'axtesi sa' ruq'eb' li maawa'eb' aj Judiiy re naq te'reetz'u, te'xrap chi tz'uum ut te'xk'e chiru krus; ab'an sa' rox li kutan taawakliiq chi yo'yo.

San Mateo 27:35

Chirix chik a'an ke'xk'e chiru krus, ke'xjek'i li raq' chirib'ileb' rib' chi b'uulinb'il rix:

San Marcos 15:24

Ke'xk'e chiru krus, ke'xb'uuli rix li raq' re rilb'al k'aru tixk'am li junjunq, ut ke'xjek'i chirib'ileb' rib'.

San Lucas 23:33

Naq ke'wulak sa' li na'ajej xB'aqel-xjolom-kamenaq xk'ab'a', ke'xchirib' li Jesus chiru krus rochb'eeneb' laj maak: jun sa' xnim uq' ut jun sa' xtz'e uq'.

San Juan 19:18

Aran ke'xk'e chiru krus rochb'een wiib' chik winq, jun sa' xnim uq' ut jun sa' xtz'e uq'; ut li Jesus kikanaak sa' xyiheb'.

Hechos 2:36

“Che'xnawaq b'i' chixjunileb' li ralal xk'ajol laj Israel naq li Jesus a'in li xek'e laa'ex chiru krus, a'an kixaqab'aak xb'aan li Yos cho'q Qaawa' ut Kriist”.

Hechos 5:28

—Ma ink'a' tab'i' xexqachaq'rab'i chi kaw naq tik ink'a' teetzoleb' li tenamit sa' li k'ab'a'ej a'an? Ut laa'ex xenujob'resi Jerusalén rik'in leek'utum ut teeraj xteneb'ankil sa' qab'een li xkik'el li winq a'an, chan reheb'.

Romanos 2:12

Chixjunileb' li ke'maakob'k chi ink'a' ke'xnaw li xChaq'rab' laj Moisés, maak'a' Chaq'rab' sa' xb'eeneb' naq te'oso'q; ut chixjunileb' li ke'maakob'k rub'el xwankil li Chaq'rab', a' li Chaq'rab' taaraqmanq wi' aatin sa' xb'eeneb'.

1 Ts 2:15

Eb' a'an ke'xkamsi li Qaawa' Jesus jo'wi' eb' li propeet, ut xoohe'xrahob'tesi laa'o. Neke'xb'aanu li raaxiik' reheb' chixjunil, ut li Yos ink'a' nawulak chiru li xna'leb'eb';