Hechos 2:14 - Q'eqchi Bible

¹⁴ Toja' naq laj Pedro kixaqliik, rochb'eeneb' li Junlaju, ki'aatinak chi kaw xyaab' xkux ut kixye reheb': “Ex aj Judiiy ut chejunilex li wankex Jerusalén, ch'olch'o chikanaaq a'in cheru ut ab'ihomaq chi us li waatin.

Li Santil hu

¹⁴ Tojoꞌnak quixakli laj Pedro rochbeneb li junlaju chic chi apóstol ut qui-oc chi a̱tinac chi cau xya̱b xcux. Quixye reheb li qꞌuila tenamit: —Ex cuech tenamitil aj judío ut che̱junilex la̱ex li cuanquex Jerusalén, la̱in tinye e̱re cꞌaꞌru xya̱lal aꞌin. Qꞌuehomak retal chi us li oc cue xyebal e̱re.

Hechos 2:14 ပူးပေါင်းရင်းမြစ်များ

Isaías 51:7

Ab'ihomaqin, laa'ex li nekenaw k'aru li tiikil ch'oolej, ex tenamit li kaw eech'ool chirix linchaq'rab'. Meexiwa ruheb' li poyanam neke'majewank chi moko chich'inanq eech'ool naq neke'hob'ok.

Hechos 5:35

kixye reheb': —Ex aj Israel, ilomaq chi us k'aru teeb'aanu reheb' li winq a'in.

Oseas 8:1

“Yaab'asi li pur! Chanchan junaq t'iw naq li rahilal tixkut rib' sa' xb'een li xtenamit li Qaawa'. Xb'aan naq xe'xtz'eqtaana linsumwank ut xe'xq'etq'eti rib' chiru linchaq'rab'.

Isaías 58:1

“Jap aawe chi aatinak chi maak'a' aaxiw -chan we li Qaawa'-, aatinan chi kaw xyaab' aakux jo' junaq pur; ch'iilaheb' lintenamit xb'aan li xq'etq'etileb', a'eb' li ralal xk'ajol laj Israel xb'aan li xmaakeb'.

Isaías 51:1

“Ab'ihomaqin laa'ex li nekek'e eech'ool chi wank sa' tiikilal, laa'ex li nekexsik'ok re li Qaawa'. Sutq'inqex rik'ineb' leexe'toonil yuwa', k'ehomaq reetal li raxpek li kex'isiik wi' chaq naq kexk'ub'aak.

Deuteronomio 27:9

Chirix chik a'an laj Moisés ut eb' laj tij aj Leví ke'aatinak reheb' chixjunil laj Israel chi jo'ka'in: “Mat-eek'ank ut ab'i, Israel. Sa' li kutan a'in laa'at chik li xtenamit li Qaawa' laaYos.

Hechos 21:28

ut ke'xjap re chi xyeeb'al: “Ex aj Israel, chooheetenq'a! A'an a'in li winq li naxtzoleb' chixjunil yalaq b'ar naq tento xtz'eqtaanankil li qatenamit, jo' ajwi' li xChaq'rab' laj Moisés ut li na'ajej a'in. Ut anaqwan kiroksiheb' ajwi' laj Griego sa' rochoch li Yos ut kixmux xloq'al li santil na'ajej a'in”.

Hechos 7:2

Kichaq'ok laj Esteban, ut kixye: “Ex was wiitz'in, ex inyuwa', ab'ihomaq. Li Yos nim xloq'al kixk'ut rib' chiru li qayuwa' laj Abrahán naq wan chaq Mesopotamia, maji'aq naq'axonk aran Harán,

Hechos 2:22

“Ex aj Israel, ab'ihomaq li aatin a'in: Li Jesus aj Nazaret a'an jun li winq xaqab'anb'il xwankil xb'aan li Yos sa' eeyanq rik'in sachb'ach'oolej, xninqal ru b'aanuhom ut eetalil li kixb'aanu li Yos sa' eeyanq sa' xk'ab'a' a'an, jo' nekenaw ajwi' laa'ex.

Hechos 1:26

Ke'xb'uuli rixeb' ut li maatan kinaqk sa' xb'een laj Matías; ut kik'eemank sa' ajl sa' xyanqeb' li junlaju chi apóstol.

Isaías 55:2

K'a'ut naq nekesach eetumin chirix li moko wa ta, ut nekesach leetojb'al chirix li ink'a' nak'ojob'ank ch'oolej? Paab'omaq li ninye ut textzekanq chaab'il tzekemq; taak'ojlaaq leech'ool rik'ineb' li sahil eechej.

Isaías 52:8

Ab'i li xyaab' xkuxeb' laj k'aak'alenel: japjookeb' re sa' junajil xb'aan xsahilaleb' xch'ool, xb'aan naq xe'ril rik'in ruheb' naq li Qaawa' xchalk wi' chik Sión.

Isaías 51:4

“Ex intenamit, ab'ihomaqin; ex inpoyanam, k'ehomaq reetal li ok we xyeeb'al, xb'aan naq wik'in taa'elq li chaq'rab' ut lintaqlahom taakutanob'resinq re eb' li tenamit.

Proverbios 8:32

“Ut anaqwan, ex walal ink'ajol, ab'ihomaq li waatin. Us xaq eere wi teetzol eerib' wik'in.

Santiago 2:5

Ex was wiitz'in raarookex inb'aan, ab'ihomaq: ma ink'a' tab'i' li Yos xsik'ok chaq ruheb' li neb'a' naq naxk'oxla li ruuchich'och' a'in, re naq b'ihomaqeb' sa' li paab'aal ut te'reechani li Nimajwal Wankilal li kixyeechi'i chaq reheb' li neke'rahok re?

Hechos 13:16

Toja' naq kixaqliik laj Pablo, kixtaqsi li ruq' ut kixye: —Ex aj Israel ut chejunilex li nekexiwa ru li Yos, ab'ihomaq.

Isaías 40:9

Taqen sa' xb'een junaq tzuul najt xteram, at aj yehol esil re Sión; aatinan chi kaw xyaab' aakux ut chi maak'a'aq aaxiw, at aj yehol esil re Jerusalén. Ye reheb' li tenamit re Judá: “Arin wank leeYos”.

San Mateo 2:1

Li Jesus kiyo'laak aran Belén sa' xteepal Judea, naq laj Herodes wan chaq chi awab'ejil. Sa'eb' li kutan a'an wankeb' aj q'e ke'chalk chaq sa' releb'l saq'e, kole'okaq Jerusalén