Hechos 19:9 - Q'eqchi Bible

⁹ Ab'anan wankeb' li ke'kawuuk xch'ool; ink'a' ke'raj paab'ank ut ke'ok chi xyeeb'al chiruheb' li poyanam yib' aj na'leb' chirix li xB'e li Qaawa'; jo'kan naq laj Pablo kixkanab'eb'. Kixjek'eb' laj paab'anel rik'ineb' laj ch'utleb'aal kab'l ut rajlal kutan naseeraq'ik rik'ineb' sa' li xtzoleb'aal kab'l laj Tirano.

Li Santil hu

⁹ Cuanqueb li queꞌxcacuubresi xchꞌo̱leb ut incꞌaꞌ queꞌraj pa̱ba̱nc. Queꞌoc chixmajecuanquil li evangelio chiruheb chixjunileb. Joꞌcan nak laj Pablo quixcanab xchꞌolobanquil lix ya̱lal aran saꞌ li cab li nequeꞌxchꞌutub cuiꞌ ribeb laj judío. Ut quixcꞌameb laj pa̱banel chirix. Rajlal cutan quixcꞌut lix ya̱lal chiruheb saꞌ li cab li natzoloc cuiꞌ jun li cui̱nk aj Tiranno xcꞌabaꞌ.

Hechos 19:9 ပူးပေါင်းရင်းမြစ်များ

Hechos 19:23

Sa'eb' li kutan a'an makach'in li mululij ib' kitiklaak sa' xk'ab'a' li xB'e li Qaawa'.

Hechos 9:2

ut kixtz'aama xhu cho'q reheb' li ch'utleb'aal kab'l wankeb' Damaask, re naq, wi tixtaweb' winq malaj ixq li neke'taaqenk re li B'e, taak'ehe'q xwankil chi xk'amb'aleb' chaq chi b'ak'b'o Jerusalén.

2 Pedro 2:12

A'ut eb' a'in chanchaneb' li xul maak'a'eb' xna'leb', li yal reheb' chape'k ut kamsiik naq xe'yo'laak chaq: neke'xmajewa li k'aru ink'a' neke'xnaw, ut te'kamq jo' nakamsiik junaq xul.

Hechos 14:4

Toja' naq eb' li wankeb' sa' li tenamit a'an ke'xjach rib': wan ke'okenk chirixeb' laj Judiiy, wankeb' chik ke'okenk chirixeb' li apóstol.

San Judas 1:10

A'ut eb' a'in neke'xmajewa li k'a'aq re ru li ink'a' neke'xnaw, toj reetal neke'q'aak chisa' li k'aru nareek'a li tz'ejwalej, jo'keb' li xul maak'a'eb' xna'leb'.

2 Pedro 2:2

Naab'aleb' te'xk'am re rik'in li xmaa'usilaleb' ut, xmaakeb' a'an, taamajewaaq li xb'ehil li yaal.

Hebreos 3:13

Chek'ehaq b'an xkawub' eech'ool cherib'il eerib' rajlal kutan naq toj nayeemank li “anaqwan”, re naq maajun eere tixkawub'resi xch'ool rik'in xb'alaq'il li maak.

1 Timoteo 6:5

ut k'iila wech'ink: eb' li neke'b'aanunk re a'in, a'aneb' li po'jenaqeb' xk'a'uxl, ut maak'a' li yaal rik'ineb'; neke'xk'oxla naq rik'in li paab'ank te'xtaw xtumineb'.

Romanos 11:7

K'a' put ru chi jo'kanan? Laj Israel ink'a' kixtaw li k'aru yo chaq chi xsik'b'al; ut a' chik li sik'b'ileb' ru ke'tawok re. Eb' li junch'ol chik ke'kawub'resiik li xch'ool,

Romanos 9:18

Jo'kan utan, li Yos naruxtaana ru li ani naraj ruxtaanankil ru, ut naxjipob'resi xch'ool li ani naraj xjipob'resinkil.

Hechos 22:4

Junxil q'axal xik' kiwil li neke'taaqenk re li loq'laj B'e a'an: kinchapeb' ut kink'eheb' sa' tz'alam winq ut ixq.

Hechos 7:51

“Q'axal kaw leejolom, xjipo'k leech'ool jo'wi' leexik -chan laj Esteban-. Laa'ex junelik nekeq'etq'eti eerib' chiru li Santil Musiq'ej! Jo'eb' leena' leeyuwa', jo'kanex ajwi' laa'ex!

2 Timoteo 4:2

chapuktesi li Aatin, chayal aaq'e chi xb'aanunkil a'in naq tixk'e rib' ut naq ink'a'; chatq'usuq, chak'ehaq xna'leb'eb' ut chawaklesi xch'ooleb' rik'in xnimal aakuyum ut aana'leb'.

2 Timoteo 3:5

aj paab'aneleb' naq te'xb'aanu rib', a'ut te'xtz'eqtaana li us. Maajunaji aawib' rik'ineb' a'an.

2 Timoteo 1:15

Ak nakanaw naq chixjunileb' laj Asia xine'xkanab' injunes, ut sa' xyanqeb' a'an wankeb' laj Figelo ut laj Hermógenes.

Hechos 28:22

Ab'an tqaj aawab'inkil chirix li k'aru nakak'oxla, xb'aan naq naqanaw naq li jek'jookil paab'aal wankat wi' xik' ilb'il yalaq b'ar.

Hechos 24:21

Mare ka'ajwi' a'in te'xtaw: wankin jun sut sa' xyanqeb' ut xinjap we chi xyeeb'al reheb': «Sa' li kutan a'in naraqmank aatin chiwix cheru laa'ex xb'aan naq ninpaab' li xwaklijikeb' chi yo'yo eb' li kamenaq»”.

Hechos 20:31

Jo'kan utan, chexyo'leq ut jultikaq eere naq chiru oxib' chihab' ink'a' xinhilank chi xk'eeb'al eena'leb' chejunjunqal, chi q'eq ut chi kutan, rik'inatq xya'al wu.

Hechos 19:30

Laj Pablo kiraj raj ok ut xk'utb'al rib' chiruheb' li tenamit, ab'an kirame'k chiru xb'aaneb' laj paab'anel.

Hechos 17:4

Wankeb' aj Judiiy ke'xpaab' ut ke'okenk chirix laj Pablo ut laj Silas, rochb'eeneb' naab'aleb' aj Griego li neke'xiwank re li Yos jo'wi' naab'aleb' xninqaleb' ru ixq.

Hechos 11:26

ut naq kixtaw, kixk'am chaq Antiokía. Ke'wank sa' komonil chiru jun chihab' sa' li Iklees a'an, ut ke'xtzol naab'al li tenamit. Aran Antiokía eb' li xtzolom li Jesus ke'xtikib' k'ab'a'iik “kristiyan”.

San Juan 12:40

“Kixmutz'o'b'resiheb' li ru ut kixkawub'resi xch'ooleb', re naq ink'a' te'iloq rik'ineb' li ru, chi moko te'xtaw ru sa' xch'ooleb', chi moko te'yot'e'q xch'ool ut laa'in teb'ink'irtasi raj”.

San Mateo 26:55

Ut sa' li honal a'an kixye li Jesus reheb' li tenamit: —Ma jo' nachape'k junaq aj elq' naq xexchalk chinchapb'al rik'in ch'iich' ut che'? Rajlal kutan k'ojk'ookin chaq sa' rochoch li Yos cheetzolb'al, ut ink'a' xineechap.

San Mateo 16:4

Jun tenamit ink'a' us xch'ool ut aj muxunel naxsik' junaq eetalil; ab'an maajun eetalil taak'ehe'q re, ka'ajwi' li reetalil laj Jonás”. Toja' naq kixkanab'eb' ut koho.

San Mateo 15:14

Kanab'omaqeb' xb'aan naq mutz'eb' ut aj b'eresihom mutz'eb'. Ut wi junaq mutz' naxb'eresi junaq rech mutz'il, chi xkab'ichaleb' te't'ane'q sa' jul.

Jeremías 19:15

“Li Nimajwal Yos, li xYos laj Israel, xye chi jo'ka'in: «Tintaqla chaq chixjunil li rahilal xinye resil, sa' xb'een li tenamit a'in ut sa' xb'een chixjunileb' li wankeb' chi xsutam, xb'aan naq xe'xjipi rib' ut ink'a' xe'xpaab' li waatin», chan li Qaawa'”.

Jeremías 7:26

A'ut laa'ex ink'a' xineepaab' chi moko xeraj wab'inkil, xejipi chik eerib' ut q'axal yib' wi' chik ru leena'leb' chiru leena' leeyuwa'.

Isaías 8:14

A'anaq li santil na'ajej, li pek te'tichk'oq wi' eb' li tenamit ut luktesib'aal ch'oolej cho'q reheb' laj Israel ut eb' laj Judá; kama'aq jun li kanleb' ut ra'al cho'q reheb' li wankeb' Jerusalén.

Proverbios 8:34

Us xaq re li na'ab'ink we, wulaj wulaj naraj wab'inkil ut ninxsik' toj sa' li wochoch.

Salmos 95:8

“Meeq'etq'eti leech'ool jo' kik'ulmank aran Meribá, sa' li kutan naq leena' leeyuwa' ke'wank Masá sa' li chaqich'och'.

Nehemías 9:29

Kaq'useb' re naq te'xpaab' wi' chik laachaq'rab', ab'an eb' a'an ink'a' ke'xpaab'; ke'xnimob'resi b'an rib' chawu, ke'maakob'k ut ke'xq'et laataqlahom li nak'ehok xyu'am li ani napaab'ank re. Ke'xkawub'resi ut ke'xjipu li xch'ooleb', tik ink'a' ke'ab'ink.

2 Crónicas 36:16

Ab'anan eb' a'an ke'xse'e eb' li xtaql li Yos, ke'xtz'eqtaana li raatineb', ke'reetz'uhatq li xpropeet, toj reetal kichalk xjosq'il li Qaawa' rik'in li xtenamit ut maak'a' chik kikolok reheb'.

2 Crónicas 30:8

Anaqwan meejipi eerib' jo' ke'xb'aanu leena' leeyuwa'; q'axtesihomaq b'an eerib' chiru li Qaawa' ut kimqex sa' li xLoq'laj Muheb'aal li santob'resinb'il xb'aan chi junajwa. K'anjelanqex chiru li Qaawa' leeYos, ut taanajto'q eerik'in li xnimal xjosq'il.

2 Reyes 17:14

Ab'anan ink'a' ke'xpaab' ut ke'xjipi xch'ool, jo' ke'xb'aanu li xna' xyuwa'eb' naq ink'a' ke'xk'ojob' xch'ooleb' rik'in li Qaawa' li xYoseb'.

1 Corintios 16:9

xb'aan naq xteemank chiwu jun nimla okeb'aal re naq taa'uuchinq aran link'anjel, us ta naab'aleb' li xik' neke'ilok we.