Hechos 18:3 - Q'eqchi Bible

³ ut kikanaak rik'ineb', yo chi k'anjelak aran, xb'aan naq junajeb' ajwi' li xk'anjeleb'. Li xk'anjeleb' a'an yiib'ank muheb'aal rik'in tz'uum.

Li Santil hu

³ Ut quicana rochbeneb chi cꞌanjelac xban nak juntakꞌe̱t li cꞌanjel nequeꞌxba̱nu. Nequeꞌyi̱ban tꞌicr re muheba̱l.

Hechos 18:3 ပူးပေါင်းရင်းမြစ်များ

1 Ts 2:9

Ex qas qiitz'in, laa'ex najultiko'k eere li qak'anjel ut li qalub'ik. Xook'anjelak chi q'eq ut chi kutan re naq maa'ani xqach'i'ch'i'i sa' eeyanq naq xqapuktesi eere li xChaab'il Esil li Yos.

1 Corintios 4:12

Naqatawasi qib' chi k'anjelak rik'in quq'. Nokoohe'xhob', ut naqusilaheb'. Nokoohe'xsik' re qarahob'tesinkil, ut naqakuy.

2 Corintios 11:9

Ut naq xinwank chaq sa' eeyanq ut xinkanaak sa' rajb'al ru, maa'ani xinch'i'ch'i'i. A'eb' li was wiitz'in li xe'chalk Macedonia xe'k'ehok we li namajelo'k chiwu. Rik'in chixjunil ink'a' xwaj eech'i'ch'i'inkil, ut ink'a' ajwi' texinch'i'ch'i'i.

2 Corintios 12:13

K'aru kok'ex wi' chiruheb' li Iklees junch'ol? Ka'ajwi' rik'in naq ink'a' xexinch'i'ch'i'i. Chekuyaq inmaak wi ink'a' us xinb'aanu.

2 Corintios 11:7

Malaj xinmaakob'k xb'aan naq xinkub'si inwankil re xterq'usinkil eewankil laa'ex rik'in naq xinpuktesi eere chi maatan li xChaab'il Esil li Yos?

1 Corintios 9:14

Jo'kan ajwi' li Qaawa' kixchaq'rab'iheb' li neke'puktesink li Chaab'il Esilal: tento naq te'tzekanq sa' xk'ab'a' li Chaab'il Esilal.

1 Corintios 9:15

Ab'anan laa'in maajun reheb' li na'leb' a'in xwoksi sa' eeyanq. Ut ink'a' nintz'iib'a a'in re naq jo'kan ta chi'uxq we. Jwal us tinkamq chiru naq tinb'aanu a'an. Maa'ani taamaq'oq chiwu li xnimankil wib' sa' xk'ab'a' a'in!

1 Corintios 9:18

Jo'kan utan, k'aru linq'ajkamunkil? A' li xpuktesinkil chi maatan li Chaab'il Esilal, chi ink'a' nink'ul li k'aru ink'ulub' xk'ulb'al sa' xk'ab'a' li Chaab'il Esilal.

1 Ts 4:11

Yalyooq eeq'e chi wank sa' li tuqtuukilal; cheb'aanu li k'aru tento xb'aanunkil ut chexk'anjelaq rik'in eeruq' jo' chanru chaq'rab'inb'ilex qab'aan,

2 Reyes 6:2

Kanab'o chi xik chire li nima' Jordán: qajunjunqal tqak'am junjunq qoqech ut aran tqakab'la junaq qamuheb'aal b'arwi' toowanq”. Kichaq'ok laj Eliseo: “Ayuqex”, chan.