Hechos 18:2 - Q'eqchi Bible

² Aran kixtaw jun aj judiiy, aj Akila xk'ab'a', yo'lajenaq sa' xteepal Ponto, toja' chalenaq chaq Italia rochb'een lix Priscila li rixaqil, xb'aan li chaq'rab' k'eeb'il xb'aan laj Klawdio naq chixjunileb' laj Judiiy te'elq Roma. Laj Pablo ki'ok sa' rochocheb'

Li Santil hu

² Ut aran quixtau jun li cui̱nk aj judío. Aj Aquila xcꞌabaꞌ. Ponto xtenamit. Incꞌaꞌ najter xcꞌulunic Italia rochben lix Priscila li rixakil. Queꞌel aran Roma xban nak laj Claudio li Acuabej quixye nak chixjunileb laj judío teꞌe̱lk saꞌ li tenamit aꞌan. Laj Pablo co̱ chirulaꞌanquileb.

Hechos 18:2 ပူးပေါင်းရင်းမြစ်များ

2 Timoteo 4:19

Chak'e xsahilaleb' xch'ool lix Priska ut laj Akila, jo'kan ajwi' li xjunkab'al laj Onesíforo.

1 Corintios 16:19

Neke'xtaqla xsahil eech'ool eb' li Iklees re Asia. Neke'xtaqla naab'al xsahil eech'ool, sa' xk'ab'a' li Qaawa', laj Akila ut lix Priska, rochb'eeneb' li Iklees li nach'utlaak sa' rochocheb'.

Hechos 18:26

Kaw xch'ool laj Apolo naq ki'ok chi aatinak sa' li ch'utleb'aal kab'l. Ab'anan naq ki'ab'iik xb'aaneb' lix Priscila ut laj Akila, eb' a'in ke'risi xjunes ut q'axal chi chaab'il chik ke'xch'olob' chiru li xb'e li Yos.

Hechos 11:28

Jun reheb' a'an, aj Agabo xk'ab'a', kixaqliik ut kixye resil sa' Santil Musiq'ej naq taawanq jun nimla we'ej sa' chixjunil li ruuchich'och' (ut a'an kik'ulmank sa'eb' li kutan ki'awab'ejink wi' laj Klawdio).

Hechos 18:18

Toj naab'al kutan chik kikanaak laj Pablo aran; toja' naq kixchaq'rab'iheb' laj paab'anel ut koho chiru ha' sa' xjayal Siria rochb'een lix Priscila ut laj Akila. Sa' li tenamit Senkreas koxk'e chi b'ese'k li rismal xb'aan naq wank xyeechi'om re li Qaawa' sa' jurament.

Hechos 2:9

Wankeb' sa' qayanq aj Paart, aj Media, aj Elam, aj Mesopotamia, aj Judea, aj Kapadocia, aj Ponto, aj Asia,

1 Pedro 1:1

Laa'in laj Pedro, x'apóstol li Jesukriist, nintz'iib'ak eerik'in li xecha'cha'i eerib' Ponto, Galacia, Kapadocia, Asia ut Bitinia, ut anaqwan wankex aran jo' aj numel. Laa'ex sik'b'il eeru,

Hechos 27:1

Naq kich'olaak qaxikik chiru ha' toj Italia, laj Pablo ut wiib' oxib' li wankeb' sa' tz'alam ke'q'axtesiik sa' ruq' jun xjolomileb' laj puub', aj Julio xk'ab'a', xkomoneb' li xteepalileb' aj puub' re laj Augusto.

Hechos 27:6

Aran li xjolomileb' laj puub' kixtaw jun li jukub' re Alejandría yo chi xik Italia, ut kooxk'am chisa'.

Hebreos 13:24

K'ehomaqeb' xsahil xch'ool chixjunileb' laj k'amol eeb'e jo'wi' chixjunileb' laj santil paab'anel. Neke'xtaqla xsahil eech'ool eb' laj Italia.