Hechos 17:4 - Q'eqchi Bible

⁴ Wankeb' aj Judiiy ke'xpaab' ut ke'okenk chirix laj Pablo ut laj Silas, rochb'eeneb' naab'aleb' aj Griego li neke'xiwank re li Yos jo'wi' naab'aleb' xninqaleb' ru ixq.

Li Santil hu

⁴ Cuanqueb aj judío queꞌpa̱ban ut queꞌcana chirochbeninquil laj Pablo ut laj Silas. Joꞌcan ajcuiꞌ queꞌxba̱nu nabaleb laj griego li nequeꞌxlokꞌoni li Dios. Ut nabaleb li ixk li naꞌno̱queb ru queꞌpa̱ban.

Hechos 17:4 ပူးပေါင်းရင်းမြစ်များ

Hechos 17:12

Naab'aleb' ke'ok chi paab'ank sa' xyanqeb' a'an. Naab'aleb' ajwi' winq ut xninqaleb' ru ixq sa' xyanqeb' laj Griego ke'xq'axtesi rib'eb'.

Hechos 14:4

Toja' naq eb' li wankeb' sa' li tenamit a'an ke'xjach rib': wan ke'okenk chirixeb' laj Judiiy, wankeb' chik ke'okenk chirixeb' li apóstol.

Hechos 13:43

Ut naq ak kiraqe'k li ch'utam, naab'aleb' laj Judiiy ut xkomoneb' li neke'xxiwa ru li Yos ke'xtaaqe laj Pablo ut laj Bernabé. Eb' a'in toj ke'seeraq'ik rik'ineb', yookeb' chi xq'unb'esinkileb' chi wank junelik sa' rusilal li Yos.

2 Corintios 8:5

Ut moko ka'aj ta wi' xe'xb'aanu jo' chanru naq xqak'oxla laa'o, xe'xq'axtesi aj b'an wi' rib'eb' xb'enwa chiru li Qaawa' ut moqon chiqu laa'o sa' xk'ab'a' li Yos.

Hechos 28:24

Wan ke'ok chi paab'ank sa' xk'ab'a' li raatin ut wankeb' chik ink'a' ke'xpaab'.

Hechos 15:22

Toja' naq eb' li apóstol ut eb' li cheekel winq ke'xk'uub', rochb'eeneb' chixjunil li Iklees, xsik'b'al ruheb' jarub'aq winq sa' xyanqeb' ut xtaqlankileb' Antiokía rochb'eeneb' laj Pablo ut laj Bernabé. A'aneb' a'in li ke'xaqab'aak: laj Judas, aj Barsabás xkab' xk'ab'a', ut laj Silas, a'aneb' aj jolominel sa' xyanqeb' laj paab'anel.

Hechos 13:50

Ab'anan eb' laj Judiiy ke'xtakchi'i li xninqaleb' ru ixq li neke'loq'onink ru li Yos, jo' ajwi' li xb'eenileb' li tenamit; ke'xyoob' jun raaxiik' chirixeb' laj Pablo ut laj Bernabé ut ke'risiheb' sa' li xna'ajeb'.

Hechos 21:28

ut ke'xjap re chi xyeeb'al: “Ex aj Israel, chooheetenq'a! A'an a'in li winq li naxtzoleb' chixjunil yalaq b'ar naq tento xtz'eqtaanankil li qatenamit, jo' ajwi' li xChaq'rab' laj Moisés ut li na'ajej a'in. Ut anaqwan kiroksiheb' ajwi' laj Griego sa' rochoch li Yos ut kixmux xloq'al li santil na'ajej a'in”.

Hechos 19:10

A'an ki'uxmank chiru wiib' chihab'; jo'kan naq chixjunileb' li wankatqeb' Asia, jo' aj Judiiy jo' ajwi' aj Griego, ke'rab'i li Raatin li Qaawa'.

Hechos 18:4

Rajlal sábado laj Pablo naseeraq'ik sa' li ch'utleb'aal kab'l, yalyo xq'e chi xq'unb'esinkileb' laj Judiiy jo'wi' eb' laj Griego.

Hechos 17:34

Ab'anan wankeb' ajwi' ke'xtaaqe laj Pablo ut ke'ok chi paab'ank: sa' xyanqeb' a'an wank laj Dionisio, xkomoneb' laj Areópago, wank jun li ixq xDámaris xk'ab'a', jo' ajwi' jalan chik rochb'eeneb'.

Hechos 17:17

Sa' li ch'utleb'aal kab'l na'ok chi xtz'ilinkil rix li paab'aal rik'ineb' laj Judiiy ut eb' laj Griego li neke'xiwank re li Yos, ut sa' li k'ayiil rajlal kutan na'aatinak rik'ineb' li naxtaweb' aran.

Hechos 16:3

Laj Pablo kiraj naq taaxik chirix. Kixk'am ut kixb'aanu li sirkunsisyon re xb'aaneb' chixjunileb' laj Judiiy li wankeb' sa'eb' li na'ajej a'an: chixjunileb' neke'xnaw naq li xyuwa' a'an aj griego.

Hechos 15:40

ut laj Pablo kixsik' ru laj Silas cho'q rochb'een ut koho, chirix naq kiq'axtesiik sa' ruq' li Yos xb'aaneb' laj paab'anel.

Hechos 15:32

Laj Judas ut laj Silas propeeteb' ajwi': jo'kan naq rik'in naab'al aatin ke'xwaklesi ut ke'xkawub'resi xch'ooleb' laj paab'anel.

Hechos 15:27

Jo'kan utan, xqataqlaheb' laj Judas ut laj Silas, li te'xye ajwi' eere chixjunil a'in chi xtz'uumal reheb'.

Hechos 14:1

Jo'kan ajwi', sa' li tenamit Ikonio, laj Pablo ut laj Pedro ke'ok sa' li xch'utleb'aal kab'l eb' laj Judiiy ut ke'aatinak chi chaab'il; ut rik'in li aatin ke'rab'i k'ajo' xk'ihaleb' laj Judiiy ut eb' laj Griego ke'ok chi paab'ank.

Hechos 4:23

Naq laj Pedro ut laj Jwan ke'ach'ab'aak, koheb' rik'ineb' li xkomon ut ke'xseeraq'i reheb' chixjunil li kiyehe'k reheb' xb'aaneb' li xb'eenil aj tij ut eb' li cheekel winq.

Hechos 2:44

Chixjunileb' laj paab'anel wankeb' sa' junajil ut komon e chixjunil li k'aru wank reheb'.

San Juan 7:35

Toja' naq eb' laj Judiiy ke'xye chirib'ileb' rib': —B'ar anchal taaxik a'an naq ink'a' tooruuq xtawb'al? Malaj taaxik ta rik'ineb' laj Griego li xe'xcha'cha'i rib'eb', re naq tixtzoleb'?

Cantares 6:1

B'ar xkoho laarahom, at jwal ch'ina'usat sa' xyanqeb' li ixq? B'ar xk'am laarahom re naq tqasik' chaq qochb'eenat?

Proverbios 13:20

Li narochb'eeniheb' li chaab'ileb' xna'leb', tixtaw xna'leb'; ab'an li nawank rik'ineb' li jip, taasachq chi junwaakaj.

Proverbios 9:6

Kanab'omaq li xmajelalil eena'leb', ut taawanq eeyu'am; taaqehomaq xb'ehil li seeb'al k'a'uxl”.

Zacarías 2:11

Sa' li kutan a'an naab'aleb' li tenamit te'chalq wik'in, ut a'anaqeb' ajwi' lintenamit. Ut laa'in tinhilanq sa' eeyanq. Chi jo'kan taanaw naq a' li Nimajwal Yos xtaqlank chaq we aawik'in.

Hechos 17:10

Sa' ajwi' li q'oqyink a'an, eb' laj paab'anel tikto ke'xtaqla laj Pablo ut laj Silas toj Berea. Ut eb' a'an, naq ke'wulak, koxe'okaq sa' xch'utleb'aal kab'l eb' laj Judiiy.

Hechos 17:14

Toja' naq eb' laj paab'anel ke'xtaqla chi junpaat laj Pablo toj chire li palaw; ab'an laj Silas ut laj Timoteo toj ke'kanaak Berea.