Hechos 17:12 - Q'eqchi Bible

¹² Naab'aleb' ke'ok chi paab'ank sa' xyanqeb' a'an. Naab'aleb' ajwi' winq ut xninqaleb' ru ixq sa' xyanqeb' laj Griego ke'xq'axtesi rib'eb'.

Li Santil hu

¹² Nabaleb laj judío queꞌpa̱ban saꞌ xya̱nkeb aꞌan. Cuanqueb ajcuiꞌ ixk aj griego xni̱nkaleb ru queꞌpa̱ban. Ut queꞌpa̱ban ajcuiꞌ nabaleb li cui̱nk aj griego.

Hechos 17:12 ပူးပေါင်းရင်းမြစ်များ

Efesios 5:14

xb'aan naq chixjunil li k'utk'u, sa' kutan saqenk chik wank. Jo'kan naq nayeemank: “Ajsi aawu laa'at li yookat chi wark, waklin sa' xyanqeb' li kamenaq ut sa' aab'een taakutano'q li Kriist”.

Hechos 13:50

Ab'anan eb' laj Judiiy ke'xtakchi'i li xninqaleb' ru ixq li neke'loq'onink ru li Yos, jo' ajwi' li xb'eenileb' li tenamit; ke'xyoob' jun raaxiik' chirixeb' laj Pablo ut laj Bernabé ut ke'risiheb' sa' li xna'ajeb'.

1 Corintios 1:26

K'ehomaq reetal, ex was wiitz'in, aniheb' li b'oqb'ileb' xb'aan li Yos sa' eeyanq: moko k'iheb' ta li wankeb' xna'leb' jo' xna'leb' li ruuchich'och'; moko k'iheb' ta li wankeb' xwankil chi moko naab'aleb' li xninqal ruheb' sa' xk'ab'a' li xyo'lajikeb'.

Hechos 14:1

Jo'kan ajwi', sa' li tenamit Ikonio, laj Pablo ut laj Pedro ke'ok sa' li xch'utleb'aal kab'l eb' laj Judiiy ut ke'aatinak chi chaab'il; ut rik'in li aatin ke'rab'i k'ajo' xk'ihaleb' laj Judiiy ut eb' laj Griego ke'ok chi paab'ank.

Santiago 1:21

Jo'kan utan, tz'eqtaanahomaq chixjunil li tz'ajb'eetal jo'wi' chixjunil li maa'usilal li yo chi numtaak, ut k'ulumaq sa' q'unil li Aatin awb'il eerik'in: a'an wank xwankil chekolb'al.

Santiago 1:10

ut wi wank junaq b'ihom, chisaho'q rik'in naq nakub'siik xloq'al, xb'aan naq li b'ihom, a'an chanchan li ratz'um li pim li ink'a' nawank chi junelik:

Hechos 13:46

Toja' naq laj Pablo ut laj Bernabé chi kaweb' xch'ool ke'xye: —Tento naq eere laa'ex xb'enwa xyeemank li Raatin li Yos. Ab'anan, rik'in naq neketz'eqtaana a'an ut nekereek'a eerib' naq moko eek'ulub' ta li junelik yu'am, ab'ihomaq: tooxik rik'ineb' li junch'ol chik.

San Juan 7:17

Wi junaq traj xb'aanunkil li rajom li Yos, tixnaw ma re li Yos li nintzoleb' wi' malaj yal injunes wib' nin'aatinak.

San Marcos 15:43

Jo'kan naq kichalk ewu laj José aj Arimatea, xnimal ru winq sa' xyanqeb' laj k'amol b'e. A'an ajwi' yo chi royb'eninkil li xnimajwal awab'ejihom li Yos. Ut kikawuuk xch'ool chi ok wan wi' laj Pilaat ut koxpatz' chaq li xtz'ejwal li Jesus.

Hechos 2:47

Neke'xnima ru li Yos, ut usilal neke'xtaw chiru chixjunil li tenamit. Ut li Qaawa' wulaj wulaj naxtiq li komonil rik'in eb' li yookeb' chi kole'k.