Hechos 16:9 - Q'eqchi Bible

⁹ Ut chiru li q'oqyink laj Pablo kiril jun li moy u: wank jun li winq aj Macedonia chi xaqxo, yo chi xtz'aamankil chiru: “Numen chaq Macedonia ut tenq'aho”, chan re.

Li Santil hu

⁹ Nak cuanqueb aran saꞌ jun li kꞌojyi̱n quicꞌuteꞌ jun li visión chiru laj Pablo. Jun li cui̱nk aj Macedonia xakxo chiru nak quiril. Yo̱ chixtzꞌa̱manquil chiru ut quixye re: —Cha̱lkat saꞌ katenamit Macedonia ut choa̱tenkꞌa, chuꞌux re nak quiril.

Hechos 16:9 ပူးပေါင်းရင်းမြစ်များ

Hechos 19:21

Naq kiraqe'k chixjunil a'an, laj Pablo kixk'uub' xxikik Jerusalén, toxnumje'q Macedonia ut Akaya: “Xb'enwa tinxik Jerusalén, moqon tento ajwi' toxwil chaq Roma”, chan sa' xch'ool.

Hechos 18:5

Naq ke'chalk chaq Macedonia laj Silas ut laj Timoteo, laj Pablo junes chirix li Aatin kixk'e xch'ool, ut naxch'olob' chiruheb' laj Judiiy naq li Jesus a'an li Kriist.

Romanos 15:26

xb'aan naq eb' laj Macedonia ut laj Akaya xe'xk'uub' kub'sink cho'q reheb' li neb'a' wankeb' sa' xyanqeb' laj santil paab'anel aran Jerusalén.

Hechos 20:1

Naq kich'anaak li mululij ib', laj Pablo kixb'oqeb' laj paab'anel ut kixk'e xkawub' xch'ooleb'; kixchaq'rab'iheb' ut kixchap xb'e re xik Macedonia.

1 Ts 4:10

Ut a'an li yookex xb'aanunkil rik'in chixjunileb' laj paab'anel li wankatqeb' sa' xsutam chixjunil Macedonia. Ab'anan, ex qas qiitz'in, naqatz'aama cheru naq q'axal wi' chik chexrahoq.

2 Corintios 12:7

Jo'kan utan, re naq ink'a' tinnimob'resi wib' xb'aan li q'axal loq' xk'utb'esiik chiwu, xk'eemank jun li tiq'leb' sa' linjunxaqalil, jun xtaql laj tza xpaq'lenk we chi ruq', re naq ink'a' tinnimob'resi wib'.

2 Corintios 11:9

Ut naq xinwank chaq sa' eeyanq ut xinkanaak sa' rajb'al ru, maa'ani xinch'i'ch'i'i. A'eb' li was wiitz'in li xe'chalk Macedonia xe'k'ehok we li namajelo'k chiwu. Rik'in chixjunil ink'a' xwaj eech'i'ch'i'inkil, ut ink'a' ajwi' texinch'i'ch'i'i.

2 Corintios 9:2

xb'aan naq ak ninnaw naq chi anchal eech'ool nekeraj xtenq'ankileb'. A'an a'in li ninnima wi' wib' chiruheb' laj Macedonia. Xinye reheb' naq ak laa'ex aj Akaya chalen junhab'er ak kawresinb'ilex chi xtenq'ankileb' laj santil paab'anel. Ut naab'aleb' aj Macedonia xe'eek'asiik xch'ool xb'aan leerahom.

2 Corintios 8:1

Ex was wiitz'in, anaqwan naqak'e chenaw li rusilal li Yos k'eeb'il reheb' li Iklees sa' xteepal Macedonia:

2 Corintios 7:5

Relik chi yaal naq chalen qak'ulunik aran Macedonia tik ink'a' xhilank li qach'och'el qasululel, rahob'tesinb'ilo b'an rik'in chixjunil: yo li raaxiik' chiqix ut yo qaxiw sa' li qach'ool.

Hechos 20:3

b'arwi' kikanaak oxib' po. Xik raj re Siria chiru ha' naq eb' laj Judiiy ke'xyoob' jun ch'a'ajkilal chirix. Toja' naq laj Pablo kixk'oxla nume'k Macedonia sa' xsutq'ijik.

Hechos 10:30

Kichaq'ok laj Kornelio, ut kixye: —Kohejer, sa' ajwi' li honal a'in, yookin chi tijok sa' wochoch jo' na'uxmank sa' oxib' honal, xaqaamil chiwu jun li winq nalemtz'unk li raq',

Hechos 10:3

Sa' jun li kutan, sa' oxib' honal tana re ewu, kiril tz'aqal sa' moy u naq jun li x'ánjel li Yos ki'ok sa' rochoch ut kixye re: “At Kornelio!”.

Hechos 9:38

Lida nach' wank rik'in Jope ut, naq eb' laj paab'anel ke'rab'i resil naq laj Pedro wank aran, ke'xtaqla wiib' chi winq re xb'oqb'al: “Chalqat chi junpaat qik'in”, chankeb' re.

Hechos 16:10

Chirix li moy u a'an tikto kiqayal xik Macedonia, xb'aan naq xch'olaak chiqu naq li Yos xb'oqok qe chi xpuktesinkil li Chaab'il Esilal aran.

Hechos 16:12

Koo'elk aran ut kooq'axonk Filipos, a'an jun li kolonia wank rub'el xwankil Roma ut xnimal ru tenamit sa' xteepal Macedonia. Sa' li tenamit a'an kookanaak wiib' oxib' kutan.

Hechos 19:22

Ut kixtaqlaheb' aran Macedonia wiib' aj tenq' re, a' laj Timoteo ut laj Erasto. Ut laj Pablo toj kikanaak kach'inaq chik Asia.

Hechos 19:29

Li tenamit q'axal ke'xtzukle rib' li xk'a'uxeb' ut jun xikikeb' sa' li teatro, yookeb' chi xkelelinkil laj Gayo ut laj Aristarko, eb' a'in aj Macedonia, rochb'eeneb' laj Pablo.

Hechos 27:2

Koo'ok sa' jun li jukub' re Adramitio, xik re sa'eb' li na'ajej wankeb' chi xsutam Asia, chire li palaw, ut kooho qochb'een laj Aristarko aj Macedonia, Tesalónica xtenamit.

Deuteronomio 30:13

Chi moko wank ta chaq toj junpak'al li palaw, re naq taaye: «Ani qe taaxik junpak'al li palaw, re naq tixk'am chaq ut tqab'i ut tqak'anjela ru?».