Hechos 15:5 - Q'eqchi Bible

⁵ Ab'anan wankeb' xkomoneb' laj Pariseey li xq'axtesihomeb' rib' sa' li tz'aqal paab'aal, ke'xaqliik chi xyeeb'al: —Tento naq eb' li maawa'eb' aj Judiiy te'xk'ul li sirkunsisyon. Tento ajwi' xpatz'b'al reheb' naq te'xpaab' li xChaq'rab' laj Moisés.

Li Santil hu

⁵ Abanan cuanqueb cuib oxib laj pa̱banel aj fariseo. Eb aꞌan queꞌxye: —Eb laj pa̱banel li ma̱cuaꞌeb aj judío, tento teꞌxba̱nu li circuncisión. Tento teꞌxba̱nu li cꞌaꞌru naxye li chakꞌrab li quixqꞌue ke laj Moisés, chanqueb.

Hechos 15:5 ပူးပေါင်းရင်းမြစ်များ

Hechos 15:1

Wankeb' aj Judea ke'wulak Antiokía, yookeb' chi xtzolb'aleb' laj paab'anel chi jo'ka'in: “Wi ink'a' teek'ul li sirkunsisyon jo' naxye li xChaq'rab' laj Moisés, ink'a' truuq texkole'q”, chankeb'.

Hechos 21:20

Ut eb' a'an, naq ke'rab'i, ke'ok chi xnimankil ru li Yos ut ke'xye re laj Pablo: —Xawil, at qiitz'in, jarub' mil chi aj Judiiy xe'ok chi paab'ank, ut chixjunileb' a'an toj kaweb' xch'ool chirix xchaq'rab' laj Moisés.

Hechos 15:24

Xqab'i resil naq wankeb' sa' qayanq koxe'okaq chi xyoob'ankil jun li ch'a'ajkilal ut chi xpo'b'al eech'ool rik'ineb' li raatin. Moko laa'o ta xootaqlank reheb' a'an.

Hechos 24:5

Xqataw li winq a'in, q'axal yib'ru xna'leb': a'an aj yoob'anel raaxiik' sa' xyanqeb' laj Judiiy sa' chixjunil li ruuchich'och' ut aj k'amol xb'eheb' li xkomoneb' laj Nazaret.

San Mateo 3:7

Ab'an naq kiril naq naab'aleb' laj Pariseey ut laj Saduseey yookeb' chi chalk rik'in re raj naq te'kub'siiq xha', kixye reheb': “Ex ral q'anb'olay, ani xk'utuk cheru elelik chiru li josq'il chaalel sa' eeb'een?

Hechos 5:17

Toja' naq kixaqliik li xyuwa'il aj tij rochb'een chixjunileb' li xkomon, a'aneb' laj Saduseey,

Hechos 24:14

Laa'in tinye xyaalal aawe: ninloq'oni ru li xYos eb' linna' linyuwa' jo' chanru yeeb'il sa' li loq'laj B'e a'in, «jachb'il paab'aal» nayeemank re xb'aaneb' laj Judiiy. Ninpaab' chixjunil li tz'iib'anb'il sa' li Chaq'rab' ut sa' xHuheb' li Propeet,

Hechos 28:22

Ab'an tqaj aawab'inkil chirix li k'aru nakak'oxla, xb'aan naq naqanaw naq li jek'jookil paab'aal wankat wi' xik' ilb'il yalaq b'ar.

1 Corintios 7:18

Ma xatxb'oq li Yos naq ak aak'ulum li sirkunsisyon? Maamuq naq aak'ulum. Ma xatxb'oq chi maji' aak'ulum? Maak'ul li sirkunsisyon.

Gálatas 2:11

A'ut naq laj Pedro kik'ulunk arin Antiokía, kinxaqliik chiru re xq'usb'al, xb'aan naq wank k'aru xmajelo'k wi'.

Gálatas 2:14

Naq kink'e reetal naq ink'a' tiik yookeb' chi k'anjelak jo' chanru naraj xyaalal li Evangelio, kinye re laj Sefas chiruheb' chixjunil: “Wi laa'at aj Judiiy nakataaqe xna'leb'eb' li junch'ol chik ut ink'a' li xna'leb'eb' laj Judiiy, k'a'ut naq nakamineb' ru li maawa'eb' aj Judiiy chi xtaaqenkil xna'leb'eb' laj Judiiy?”.