Hechos 15:4 - Q'eqchi Bible

⁴ Naq laj Pablo ut laj Bernabé ke'wulak Jerusalén, ke'k'ule'k xb'aan li Iklees, xb'aaneb' li apóstol ut eb' li cheekel winq, ut ke'xseeraq'i chixjunil li kilajxb'aanu li Yos rochb'eeneb' a'an.

Li Santil hu

⁴ Ut nak queꞌcuulac Jerusalén, queꞌcꞌuleꞌ xbaneb li apóstol, eb laj cꞌamol be joꞌqueb ajcuiꞌ chixjunileb laj pa̱banel. Ut queꞌxserakꞌi reheb chanru nak li Dios quixtenkꞌaheb riqꞌuin li cꞌanjel queꞌxba̱nu.

Hechos 15:4 ပူးပေါင်းရင်းမြစ်များ

Hechos 15:12

Ch'anaamil ke'kanaak li xk'ihaleb' li ch'utch'uukeb' aran, ut ke'rab'i laj Bernabé ut laj Pablo chi xseeraq'inkil li xninqal ru eetalil ut sachb'ach'oolej kilajxb'aanu li Yos rik'in ruq'eb' sa' xyanqeb' li maawa'eb' aj Judiiy.

Hechos 14:27

Ut naq ke'wulak, ke'xch'utub' li Iklees ut ke'xseeraq'i reheb' chixjunil li kilajxb'aanu li Yos rochb'eeneb' ut chanru naq kixte li rokeb'aal li paab'aal chiruheb' li maawa'eb' aj Judiiy.

Hechos 15:3

Ke'chaq'rab'iik xb'aan li Iklees, ke'nume'k Fenicia ut Samaria, yookeb' chi xseeraq'inkil naq eb' li maawa'eb' aj Judiiy ke'xyot' xch'ool ke'xjal xk'a'uxl. K'ajo' naq ke'saho'k xch'ool chixjunileb' laj paab'anel chi rab'inkil a'in.

Romanos 15:18

Xb'aan naq maak'a' k'aru tinye laa'in wi ta ink'a' uxb'il xb'aan li Kriist sa' xk'ab'a' link'anjel re xk'amb'aleb' li maawa'eb' aj Judiiy chi paab'ank. A' li Kriist kib'aanunk re rik'in aatin ut b'aanuhom,

Hechos 21:17

Naq koowulak Jerusalén, eb' laj paab'anel koohe'xk'ul chi saheb' sa' xch'ool.

2 Juan 1:10

Wi wank junaq taachalq eerik'in ut ink'a' tixk'am chaq li na'leb' a'in, meek'ul sa' leerochoch chi moko teek'e xsahil xch'ool,

Colosenses 4:10

Neke'xtaqla xsahil eech'ool laj Aristarko, li wochb'een naq k'eeb'ilo sa' tz'alam, jo'wi' laj Markos, ralal re laj Bernabé. Ak eek'ulum eetaqlankil chirix laj Markos; wi taawulaq eerik'in, chek'ul sa' xyaalal.

2 Corintios 6:1

Jo'kan utan, laa'o aj k'anjel qochb'een li Yos, naqatz'aama naqelaji naq ink'a' taxaq chek'ul li rusilal li Yos chi maak'a' rajb'al,

2 Corintios 5:19

Li Yos kixk'am wi' chik sa' usilal li ruuchich'och' rik'in, sa' xk'ab'a' li Kriist: ink'a' kixk'e sa' xch'ool li xmaakeb' li tenamit, ut kixq'axtesi qe li aatin chirix li k'amok ib' sa' usilal rik'in.

1 Corintios 15:10

Ab'anan sa' xk'ab'a' li rusilal li Yos xinkanaak chi jo'ka'in jo' yookex chi rilb'al; ut li rusilal li Yos ink'a' xkanaak chi maak'a' rajb'al wik'in, xb'aan naq q'axal kaw wi' chik xink'anjelak chiru chixjunileb' a'an. Ab'an moko laa'in ta, a' b'an li rusilal li Yos li wank wik'in.

Romanos 15:7

Jo'kan utan, chek'ulaq eerib' cherib'il eerib' jo' naq kexxk'ul li Kriist re xnimal xloq'al li Yos.

Hechos 21:19

Laj Pablo kixk'eheb' xsahil xch'ool ut ki'ok chi xseeraq'inkil chi xjunjunqal chixjunil li kixb'aanu li Yos sa' xyanqeb' li maawa'eb' aj Judiiy sa' xk'ab'a' li xk'anjel.

Hechos 18:27

Laj Apolo kiraj q'axonk Akaya; jo'kan naq eb' laj paab'anel ke'xk'e xkawub' xch'ool ut ke'tz'iib'ak rik'ineb' li rech aj paab'anelil wankeb' aran, re naq che'xk'ulaq chi chaab'il. Ut naq kiwulak aran, q'axal kixtenq'aheb' li ak okenaqeb' chi paab'ank xb'aan rusilal li Yos:

San Mateo 10:40

“Ani nak'uluk eere, laa'in nikinxk'ul; ut li nak'uluk we, naxk'ul li kitaqlank chaq we.

Hechos 11:30

Ut jo'kan ke'xb'aanu: ke'xq'axtesi a'in sa' ruq'eb' laj Bernabé ut laj Sawlo, ut ke'xtaqla aran rik'ineb' laj k'amol b'e.

Hechos 15:2

Jo'kan naq makach'in li choqij ib' ut wech'ink kitiklaak sa' xyanqeb' a'an rik'ineb' laj Pablo ut laj Bernabé. Toja' naq kik'uub'amank naq laj Pablo ut laj Bernabé, rochb'eeneb' wiib' oxib' chik, te'xik Jerusalén rik'ineb' li apóstol ut eb' li cheekel winq re k'uub'ank chirix li na'leb' a'in.

Hechos 15:6

Toja' naq eb' li apóstol ut eb' li cheekel winq ke'xch'utub' rib' chi k'uub'ank chirix li na'leb' a'in.

Hechos 15:22

Toja' naq eb' li apóstol ut eb' li cheekel winq ke'xk'uub', rochb'eeneb' chixjunil li Iklees, xsik'b'al ruheb' jarub'aq winq sa' xyanqeb' ut xtaqlankileb' Antiokía rochb'eeneb' laj Pablo ut laj Bernabé. A'aneb' a'in li ke'xaqab'aak: laj Judas, aj Barsabás xkab' xk'ab'a', ut laj Silas, a'aneb' aj jolominel sa' xyanqeb' laj paab'anel.

Hechos 16:4

Ut naq yookeb' chi nume'k sa' li junjunq chi tenamit, neke'xq'axtesi reheb' li xk'uub'ahomeb' li apóstol ut eb' li xcheekel winqilal Jerusalén, re naq che'xk'ehaq sa' xch'ooleb'.