Hechos 13:34 - Q'eqchi Bible

³⁴ Li Yos kixwaklesi chi yo'yo li Jesus re naq maajaruj chik taakamq. A'an ak yeeb'il chaq chi jo'ka'in: «Tink'e eere li k'a'aq re ru sant, a' li tz'aqal yaal, yeechi'inb'il chaq re laj David».

Li Santil hu

³⁴ Quixcuaclesi cuiꞌchic chi yoꞌyo saꞌ xya̱nkeb li camenak ut incꞌaꞌ chic ta̱ca̱mk joꞌ tzꞌi̱banbil retalil saꞌ li hu Isaías li naxye chi joꞌcaꞌin: La̱in texcuosobtesi ut tinqꞌue e̱re li ma̱tan li quinyechiꞌi re laj David junxil. (Isa. 55:3)

Hechos 13:34 ပူးပေါင်းရင်းမြစ်များ

Isaías 55:3

Chex'ab'inq ut kimqex wik'in; ab'ihomaqin ut taawanq eeyu'am. Xb'aan naq tink'ojob' eerik'in jun junelik sumwank, ut chi jo'kan tinb'aanu li kinyeechi'i re laj David sa' xk'ab'a' linrahom.

Romanos 6:9

Naqanaw naq li Kriist waklijenaq chi yo'yo sa' xyanqeb' li kamenaq: maajoq'e chik taakamq ut li kamk maak'a' chik xwankil sa' xb'een.

Hechos 13:37

A'ut li jun li kiwaklesiik chi yo'yo xb'aan li Yos, a'an ink'a' kiq'aak.

Zacarías 12:8

Sa' li kutan a'an tintenq'aheb' li wankeb' Jerusalén: li jwal lub'lub'eb' sa' xyanqeb', q'axal kawaqeb' chik rib' jo' laj David; ut eb' li ralal xk'ajol laj David, chanchanaqeb' li Yos, jo'kaqeb' li x'ánjel li Qaawa' chi k'amok b'e chiruheb'.

Amós 9:11

“Sa' li kutan a'an tinwaklesi wi' chik li t'anjenaq ochoch re laj David. Tintz'api li xpaapookil, tinyiib' wi' chik li ak juk'ulk ut tinkab'la jo' naq kiwank chaq junxil,

Jeremías 33:26

tintz'eqtaanaheb' aj raj wi' eb' li ralal xk'ajol laj Jakob ut eb' li ralal xk'ajol laj David, laj k'anjel chiwu. Ut ink'a' raj tinxaqab' junaq li ralal chi awab'ejink sa' xb'eeneb' li ralal xk'ajol laj Abrahán, laj Isahak ut laj Jakob. Xb'aan naq wajom laa'in naq te'sutq'iiq chaq wi' chik sa' li xna'ajeb' ke'k'ame'k wi' chi preexil ut twuxtaana ruheb'”, chan li Qaawa'.

2 Samuel 23:5

Kaw xaqxo linjunkab'al chiru linYos, xb'aan naq li Qaawa' xb'aanu wik'in jun sumwank chi junelik, tustu ru ut xaqxo xwankil. A'an nak'ehok we chi q'axok u chi junelik, a'an naxk'e chi tz'aqlok ru chixjunil li wajom.

Oseas 3:5

Ab'anan taawulaq xq'ehil naq eb' laj Israel te'sutq'iiq chaq. Tole'xsik' li Qaawa', li xYoseb', jo' ajwi' laj David, li x'awab'ejeb'. Sa' roso'jikeb' li kutan te'chalq chi siksootqeb' chiru li Qaawa' ut te'xyal wi' chik li rusilal.

Jeremías 30:9

te'k'anjelaq b'an chik chiru li Qaawa', li xYoseb', ut chiru laj David, li tinxaqab' cho'q awab'ej.

Hechos 2:24

A'ut li Yos kiwaklesink re chi yo'yo naq kirisi xrahil li kamk sa' xb'een, xb'aan naq moko naru ta xkanaak rub'el xwankil li kamk.

Hechos 13:30

Ab'an li Jesus kiwaklesiik chi yo'yo sa' xyanqeb' li kamenaq xb'aan li Yos

Hechos 13:33

kitz'aqlok ru xb'aan li Yos sa' qayanq laa'o li ralal xk'ajol. Xb'aan naq li Yos kixwaklesi chi yo'yo li Jesus, jo' chanru tz'iib'anb'il sa' xkab' li Saalm: «Laa'at li Walal; anaqwan xatinyoob'tesi».