Hechos 13:12 - Q'eqchi Bible

¹² Naq laj Sergio Pawlo kiril li kik'ulmank, kixpaab', sachso xch'ool rik'in li xk'utum li Qaawa'.

Li Santil hu

¹² Ut nak laj Sergio Paulo quiril li cꞌaꞌru quixcꞌul laj tu̱l, quixpa̱b li Ka̱cuaꞌ. Sachso xchꞌo̱l chirabinquil li tijleb chirix li Ka̱cuaꞌ.

Hechos 13:12 ပူးပေါင်းရင်းမြစ်များ

Hechos 13:7

ut ramiiw laj Sergio Pawlo, a'an jun li winq wank xna'leb' ut ruuchil li awab'ej. A'in kixtaqla xb'oqb'aleb' laj Bernabé ut laj Sawlo xb'aan naq naxrahi rab'inkil li Raatin li Yos.

San Lucas 4:22

Chixjunileb' chaab'il neke'xye chirix, nalaje'sachk xch'ool xb'aan li chaab'il aatin na'elk chi xtz'uumal re, ut neke'xye: —Ma maawa' tab'i' a'in li ralal laj José?

Hechos 28:7

Nach' rik'in li na'ajej a'an wank xch'och' li xnimal ru winq re li tenamit a'an, aj Publio xk'ab'a'. A'an kooxk'ul, ut chiru oxib' kutan kooxk'e chi hilank chi sa sa' xch'ool.

Hechos 19:7

Wankeb' tana kab'laju chi winq sa' chixjunil.

Hechos 15:35

Ab'anan laj Pablo jo'wi' laj Bernabé ke'kanaak Antiokía, yookeb' chi xtzolb'aleb' li tenamit ut chi xpuktesinkil li Chaab'il Esilal, a' li Raatin li Qaawa', rochb'eeneb' naab'aleb' chik.

Hechos 13:49

yo chi pukank li Raatin li Yos sa' chixjunil li na'ajej a'an.

Hechos 6:10

Ab'anan ink'a' neke'xkuy xsumenkil li xnimal xk'a'uxl ut li Musiq'ej na'aatinak wi'.

San Juan 7:46

Ke'chaq'ok eb' laj k'aak'alenel: —Maajun junaq winq na'aatinak jo' na'aatinak li winq a'an, chankeb'.

San Lucas 7:16

K'ajo' naq ke'xiwak chixjunileb' ut ke'ok chi xnimankil ru li Yos: —Jun xnimal ru propeet xwakliik sa' qayanq. Ke'xye ajwi': —Li Yos xolrula'ani li xtenamit.

San Mateo 27:54

Li xjolomileb' laj puub' rochb'eeneb' li yookeb' chi k'aak'alenk re li Jesus, naq ke'reek'a li hiik ut ke'ril li yo chi k'ulmank, k'ajo' naq ke'xiwak: —Relik chi yaal naq li winq a'in Ralal li Yos, chankeb'.

Hechos 8:25

Naq laj Pedro ut laj Jwan ak ke'xye li yaal ut ke'xch'olob' li Raatin li Qaawa', ke'sutq'iik Jerusalén, naab'aleb' li k'aleb'aal xteepal Samaria ke'xye wi' li Chaab'il Esilal.

Hechos 13:8

Ab'anan laj Elimas laj tuul (a'an naraj naxye li xk'ab'a') yo chi xch'a'ajkinkileb', yalyo xq'e chi k'anjelak re naq laj Sergio Pawlo ink'a' taa'ok chi paab'ank.

Hechos 13:48

Naq eb' li maawa'eb' aj Judiiy ke'rab'i a'in, ke'saho'k sa' xch'ool ut ke'ok chi xnimankil xwankil li Raatin li Qaawa'. Ut chixjunileb' li ak xaqab'anb'ileb' chi xtawb'al li junelik yu'am ke'ok chi paab'ank,

Hechos 15:36

Maji'aq k'iila kutan kixye laj Pablo re laj Bernabé: —Sutq'iiqo chi rilb'al chanru wankeb' laj paab'anel sa' chixjunileb' li tenamit xqapuktesi wi' li Raatin li Qaawa'.

Hechos 18:12

Naq laj Galión wank chi taqlank aran Akaya, eb' laj Judiiy sa' komonil ke'xkut rib' sa' xb'een laj Pablo, ke'xk'am sa' li raqleb'aal aatin

Hechos 19:10

A'an ki'uxmank chiru wiib' chihab'; jo'kan naq chixjunileb' li wankatqeb' Asia, jo' aj Judiiy jo' ajwi' aj Griego, ke'rab'i li Raatin li Qaawa'.

Hechos 19:20

Jo'ka'in naq li Raatin li Qaawa' yo chi pukank ut chi xchapb'al xxe' chi us.

Hechos 19:38

Jo'kan utan, wi laj Demetrio ut eb' laj tenq' re wank k'aru te'xjit wi' anihaq, teeto li poopol; wankeb' aran aj raqol aatin. Xikaqeb' rik'ineb' chi jitok.