Hechos 12:3 - Q'eqchi Bible

³ Kiril naq a'an kiwulak chiruheb' laj Judiiy, jo'kan naq kixtaqla ajwi' xchapb'al laj Pedro. A'in kik'ulmank sa'eb' li kutan nawa'e'k wi' li wa ink'a' yuub'il.

Li Santil hu

³ Laj Herodes quixqꞌue retal nak eb laj judío queꞌsahoꞌ xchꞌo̱l riqꞌuin li cꞌaꞌru quixba̱nu. Joꞌcan nak quixtakla ajcuiꞌ xchapbal laj Pedro. Quixba̱nu aꞌin saꞌ li ninkꞌe nak nequeꞌxcuaꞌ li caxlan cua ma̱cꞌaꞌ xchꞌamal.

Hechos 12:3 ပူးပေါင်းရင်းမြစ်များ

Éxodo 23:15

Taanima ru li xninq'e li wa ink'a' yuub'il. Chiru wuqub' kutan tatwa'oq wa ink'a' yuub'il, jo' chanru laataqlankil, sa' xq'ehil, chiru li po Abib, xb'aan naq chiru li po a'an kat-elk chaq Ejiipt. Maajun taachalq wik'in chi maak'a' ta tixk'am chaq.

Hechos 24:27

Jo'ka'in naq ke'nume'k wiib' chihab'. Chirix chik a'an ki'ok laj Porsio Festo cho'q reeqaj laj Félix; ut a'an kiraj xq'unb'esinkil xch'ooleb' laj Judiiy, jo'kan naq kixkanab' laj Pablo sa' tz'alam.

San Juan 12:43

xb'aan naq a' chik li loq'al li neke'xk'e eb' li tenamit ke'xra chiru li loq'al nachalk rik'in li Yos.

Hechos 25:9

Laj Festo kiraj xq'unb'esinkil xch'ooleb' laj Judiiy; jo'kan naq kixpatz' re laj Pablo: —Ma taawaj xik Jerusalén, ut aran taaraqmanq aatin sa' aab'een chiwu, chirix a k'a'aq re ru a'in? chan re.

Gálatas 1:10

Ma yal re tab'i' xsahob'resinkil xch'ooleb' li tenamit naq yookin chi aatinak anaqwan? Ma ink'a' tab'i' re naq taasaho'q sa' xch'ool li Yos? Ma yal twaj tab'i' tink'ojob' xch'ooleb' li winq? Wi ta yal winq twaj xk'ojob'ankil xch'ooleb', maawa'in raj xmoos li Kriist.

Hechos 20:6

Ut laa'o, chirix chik xninq'ehinkil li Wa ink'a' yuub'il, koo'elk Filipos sa' jukub' ut sa' ro' li kutan koxqataw qib' rik'ineb' a'an Tróada, b'arwi' koowank wuqub' kutan.

1 Ts 2:4

Relik chi yaal, jo' naq li Yos kixyal qix ut kixq'axtesi qe li Chaab'il Esilal, jo'kan ajwi' naq naqapuktesi laa'o, maawa' re xk'ojob'ankil xch'ool li winq, re b'an xk'ojob'ankil xch'ool li Yos li naxyal qix sa' xchamal li qaanm.

San Juan 21:18

Relik chi yaal ninye aawe: naq toj saajat chaq, nakab'ak' aasa' aajunes ut nakatb'eek b'ar nakawaj xik. Ab'an naq tattixq, taaye' laawuq' ut jalan chik taab'ak'oq aasa' ut tatxk'am b'arwi' ink'a' taawaj xik.

San Juan 19:11

Kichaq'ok li Jesus ut kixye: —Maak'a' raj aawankil sa' inb'een, wi ta ink'a' k'eeb'il chaq aawe taqe'q; jo'kan naq q'axal nim xmaak li xq'axtesink we sa' laawuq'.

San Mateo 26:17

Sa' li xb'een kutan nawa'e'k wi' li wa ink'a' yuub'il, eb' li xtzolom ke'jilok chi xk'atq li Jesus ut ke'xye re: —B'ar taawaj tookawunq re naq taatzeka li Paswa?

Salmos 76:10

naq laa'at xatxaqliik chi raqok aatin re xkolb'al chixjunileb' li toq'ob'aal ru sa' ruuchich'och'!

Hechos 4:13

Naq ke'xk'e reetal li xkawub' xch'ooleb' laj Pedro ut laj Jwan, ke'sachk xch'ool, xb'aan naq ch'olch'o chiruheb' naq eb' li winq a'in moko tzolb'ileb' ta ut aj k'aleb'aaleb'. Neke'xnaw chi us naq xe'rochb'eeni li Jesus.

Hechos 2:14

Toja' naq laj Pedro kixaqliik, rochb'eeneb' li Junlaju, ki'aatinak chi kaw xyaab' xkux ut kixye reheb': “Ex aj Judiiy ut chejunilex li wankex Jerusalén, ch'olch'o chikanaaq a'in cheru ut ab'ihomaq chi us li waatin.

Hechos 12:4

Kixtaqla xchapb'al, kixk'e sa' tz'alam ut kixq'axtesi sa' ruq'eb' kaahib' ch'uut chi kaaka aj puub' li junjunq, re naq te'xk'aak'ale, xb'aan naq naraj xk'utb'al laj Pedro chiruheb' li tenamit naq akaq xnume'k li Paswa.