Hechos 10:41 - Q'eqchi Bible

⁴¹ moko chiru ta chixjunil li tenamit, ka'aj b'an wi' chiruheb' li testiiw sik'b'ileb' ru junxilaj xb'aan li Yos, chiqu laa'o li xoowa'ak ut xoo'uk'ak rochb'een naq ak xwakliik chi yo'yo sa' xyanqeb' li kamenaq.

Li Santil hu

⁴¹ Incꞌaꞌ quixcꞌutbesi rib chiruheb chixjunileb. Caꞌaj cuiꞌ chiruheb li quisiqꞌueꞌ ruheb junxil xban li Dios. La̱o cocuaꞌac ut co-ucꞌac riqꞌuin nak ac xcuacli cuiꞌchic chi yoꞌyo saꞌ xya̱nkeb li camenak.

Hechos 10:41 ပူးပေါင်းရင်းမြစ်များ

San Juan 14:22

Kiyehe'k ut re xb'aan laj Judas (maawa' laj Judas Iskariote): —Qaawa', k'aru xk'ulmank naq chiqu chik laa'o taak'ut aawib' ut ink'a' chiru li ruuchich'och'?

San Juan 21:13

Kichalk li Jesus, kixchap li wa ut kixk'e reheb'; jo'kan ajwi' kixb'aanu rik'in li kar.

San Juan 14:17

a' li Musiq'ej re li yaal, li ink'a' naru taak'ule'q xb'aan li ruuchich'och' xb'aan naq ink'a' na'ile'k chi moko nanawe'k ru xb'aan. A'ut laa'ex nekenaw ru xb'aan naq wank sa' eeyanq ut taawanq eerik'in.

Hechos 10:39

Ut laa'o qilom, jo'kan naq nokoo'aatinak chirix chixjunil li kilajxb'aanu sa' xteepal Judea ut Jerusalén. Eb' a'an ke'xchirib' chiru jun li che' ut ke'xkamsi;

Hechos 13:31

ut chiru naab'al kutan kixk'ut rib' chiruheb' li ke'ochb'eenink chaq re naq ki'elk chaq Galilea ut kitaqe'k Jerusalén. Ut anaqwan a'aneb' chik laj yehol re li yaal chirix li Jesus chiruheb' li tenamit.

Hechos 1:22

chalen chaq sa' li xkub'iha' laj Jwan toj sa' li kutan naq kik'ame'k taqe'q li Jesus sa' relik qik'in, chi'okaq cho'q qech aj yehol yaal chirix li xwaklijik chi yo'yo”.

San Juan 15:16

“Moko laa'ex ta xexsik'ok wu; laa'in b'an xinsik'ok eeru ut xexinxaqab' re texxik ut chi'uuchinq leepaab'aal, ut li taaruuchin leepaab'aal wanq chi junelik. Chi jo'kan chixjunil li teetz'aama chiru li Yuwa'b'ej sa' ink'ab'a', taak'eemanq eere.

San Lucas 24:30

Naq yo chi hilank sa' meex rochb'eeneb', kixchap li wa, kiyoxink sa' xb'een, kixjachi ut kixtikib' xk'eeb'al reheb'.

San Lucas 24:48

Laa'ex ak xeril li xtz'aqlojik ru chixjunil a'in.

San Juan 14:19

Sa' jun k'amok chik li ruuchich'och' ink'a' chik taaril wu, a'ut laa'ex teeril wu xb'aan naq yo'yookin ut yo'yooqex ajwi' laa'ex.

San Juan 15:27

Ut laa'ex ajwi' teeye li yaal chiwix, xb'aan naq wankex wik'in chalen chaq sa' xtiklajik.

Hechos 1:4

Ut sa' jun li kutan, naq yo chi wa'ak rochb'eeneb' sa' meex, kixchaq'rab'iheb' chi jo'ka'in: —Mex'elk Jerusalén, cheroyb'eni b'an li xyeechi'om li Yuwa'b'ej li xerab'i wik'in.