Hechos 10:2 - Q'eqchi Bible

² chaab'il xch'ool ut naxpaab' li Yos rochb'eeneb' chixjunil li xjunkab'al. Naab'al xlemoox naxk'e re li tenamit ut junelik natijok chiru li Yos.

Li Santil hu

² Li cui̱nk aꞌan quixxucua ru li Dios joꞌqueb ajcuiꞌ chixjunileb li cuanqueb saꞌ li rochoch. Cha̱bil xnaꞌleb ut junelic natijoc chiru li Dios ut junelic naxtenkꞌaheb li nebaꞌ.

Hechos 10:2 ပူးပေါင်းရင်းမြစ်များ

Hechos 10:4

Laj Kornelio kixka'ya ut k'ajo' xxiw naq kixpatz': “K'aru, at Qaawa'?”, chan. Kichaq'ok li ánjel, ut kixye: “Laatij ut laalemoox xe'taqe'k chajultikankil chiru li Yos.

Hechos 10:22

Ke'chaq'ok eb' a'an, ut ke'xye: —Laj Kornelio, laj jolominel, a'an jun li winq tiik xch'ool ut naxpaab' li Yos, jo' neke'xye chixjunileb' laj Judiiy. A'an xk'ulum jun li esil rik'in jun santil ánjel, naq tento tatxb'oq sa' li rochoch re rab'inkil laawaatin.

Hechos 13:16

Toja' naq kixaqliik laj Pablo, kixtaqsi li ruq' ut kixye: —Ex aj Israel ut chejunilex li nekexiwa ru li Yos, ab'ihomaq.

Hechos 10:35

ut sa naxk'ul chixjunileb' li neke'paab'ank re ut neke'xb'aanu li tiikilal, a' yaal k'a' chi tenamitul yo'lajenaqeb' wi'.

Hechos 10:7

Ka'ajwi' ki'elk li ánjel rik'in, laj Kornelio kixb'oq wiib'eb' li xmoos ut jun aj puub' chaab'il xch'ool sa' xyanqeb' li neke'k'anjelak chiru,

Hechos 8:2

Wankeb' winq chaab'ileb' xch'ool ke'xmuq laj Esteban ut najt ke'yaab'ak chirix.

Apocalipsis 15:4

Ani ink'a' tixxiwa ut ink'a' tixnima ru laak'ab'a', at Qaawa'? Xb'aan naq ka'jat wi' laa'at santat, ut chixjunileb' li tenamit talaje'chalq ut te'xhupub' rib' chawe chawu, xb'aan naq xe'kanaak chi kutankil laaninqal k'a'uxl”.

Hechos 18:8

Laj Krispo, aj jolominel re li ch'utleb'aal kab'l, kixpaab' li Qaawa' rochb'een chixjunil li xjunkab'al; ut naab'aleb' chik aj Korinto, naq ke'rab'i laj Pablo, ke'xpaab' ut ke'kub'siik xha'.

Hechos 13:26

“Ex was wiitz'in, ex ralal xk'ajol li yo'lajenaqeb' rik'in laj Abrahán jo'wi' laa'ex li nekexiwa ru li Yos, qik'in laa'o taqlanb'il chaq li Aatin a'in aj k'ehol kolb'a ib'.

San Lucas 2:25

Aran Jerusalén wank jun li winq, aj Simehón xk'ab'a': li winq a'an tiik xch'ool ut aj paab'anel, yo chi royb'eninkil li xk'ojob'ankil xch'ool li tenamit Israel; ut li Santil Musiq'ej wank chi xb'een.

Daniel 6:16

Toja' naq li awab'ej kixtaqla xk'amb'al laj Daniel re naq taakute'q sa' xyanqeb' li kaqkoj. Ab'anan naq toj maji' nakutmank sa' xjuleb' li kaqkoj, laj Darío kixye re laj Daniel: “A' taxaq li Qaawa' laaYos, li nakak'anjela ru chi anchal laach'ool, chikoloq aawe sa' reheb' li kaqkoj”, chan. Ut ke'xkut sa' li jul.

Santiago 1:5

Wi wank junaq eere yo chi majelo'k xna'leb', chixtz'aamaq re li Yos, ut taak'ehe'q re, xb'aan naq li Yos nak'ehok chi anchal xch'ool ut chi chaab'il reheb' chixjunileb'.

1 Ts 5:17

Junelik chextijoq.

Colosenses 4:2

Chek'e eech'ool chi tijok chi junelik, ut chexyo'leq rik'in yoxink.

Hechos 22:12

“Aran wank jun li winq, aj Ananías xk'ab'a', chaab'il xch'ool jo' naxye li xChaq'rab' laj Moisés; chixjunileb' laj Judiiy li wankeb' Damaask chaab'il aatin neke'xye chirix.

Hechos 13:50

Ab'anan eb' laj Judiiy ke'xtakchi'i li xninqaleb' ru ixq li neke'loq'onink ru li Yos, jo' ajwi' li xb'eenileb' li tenamit; ke'xyoob' jun raaxiik' chirixeb' laj Pablo ut laj Bernabé ut ke'risiheb' sa' li xna'ajeb'.

Hechos 10:31

kixye we: «At Kornelio, li Yos xrab'i laatij ut xjultiko'k re laalemoox.

Hechos 9:36

Kiwank aran Jope jun li ixq aj paab'anel, xTabitá xk'ab'a' (chi jalb'il ru naraj naxye: “Ch'ina Yuk”). A'an naxb'aanu naab'al li usilal ut k'ajo' li lemoox naxk'e.

Hechos 9:31

Sa'eb' li kutan a'an li Iklees wank sa' tuqtuukilal sa' chixjunil Judea, Galilea ut Samaria; yo chi kawuuk jo'wi' chi k'iik rik'in xpaab'ankil li Qaawa'. K'ajo' naq yookeb' chi tamk laj paab'anel rik'in li xk'ojob'ankil xch'ooleb' xb'aan li Santil Musiq'ej.

Hechos 9:11

Ut li Qaawa' kixye re: “Waklin, ayu sa' li Tiikil B'e neke'xye re, ut sik' sa' rochoch laj Judas jun li winq Tarso xtenamit, aj Sawlo xk'ab'a'. Toxaataw chi tijok.

San Lucas 18:1

Kixye reheb' jun li jaljookil ru aatin re xk'utb'al chiruheb' naq tento te'tijoq junelik, chi maak'a'aq ch'inank ch'oolej:

Daniel 6:26

A'an a'in li ninchaq'rab'i wi' chixjunileb' li tenamit wankeb' sa' lin'awab'ejihom: naq che'roxloq'i ut che'xpaab' li xYos laj Daniel, xb'aan naq A'an tz'aqal li yo'yookil Yos ut wank chi junelik. Li x'awab'ejihom maajun wa taajuk'manq ut li xwankilal maajoq'e taalajq taa'oso'q.

Daniel 6:20

Ut naq yo chi jilok, chi ra sa' xch'ool kixjap re chi xyeeb'al: “At Daniel, aj k'anjelat chiru li yo'yookil Yos ut li nakaloq'oni ru chi anchal laach'ool, ma xru laaYos chakolb'al sa' reheb' li kaqkoj?”, chan.

Daniel 6:10

Naq laj Daniel kixnaw a'an, koho sa' li rochoch. Li xwarib'aal wank sa' xkab' k'ojar li ochoch ut li xb'entaanil wank sa' xjayal Jerusalén; ox sut chiru li jun kutan laj Daniel naxwiq'ib' rib' chi tijok ut b'anyoxink chiru li xYos, jo' naxb'aanu junelik.

Isaías 59:19

Chixjunileb' li poyanam chalen sa' releb'l saq'e toj sa' rokeb'l te'xk'e xloq'al li Qaawa' naq te'ril li xwankil, xb'aan naq taachalq jo' li xkawil oq li nima' naq na'apuuk xb'aan li kawil iq'.

Eclesiastés 7:18

Wanqat sa' xyi li b'e. Chawoxloq'i li Yos; chi jo'kan us tat-elq sa' chixjunil laak'anjel.

Salmos 119:2

Us xaq reheb' li neke'xpaab' li xtaqlahom ut neke'xsik' li Yos chi anchaleb' xch'ool:

Salmos 102:15

Eb' laj k'anjel chawu k'ajo' naq neke'xra eb' li pek kab'lanb'il wi', ut neke'raho'k sa' xch'ool chi rilb'al li xpo'lemil laatenamit.

Salmos 88:1

Xb'ich ut xsaalm eb' li ralal xk'ajol laj Koré. Re li xjolomileb' laj b'ichanel. Sa' xhonalil li yajel. Xk'utum laj Hemán laj ralch'och'.

Salmos 86:3

At Qaawa', chawuxtaana wu: chi q'eq ut chi kutan ninpatz' laak'ab'a'.

Salmos 55:17

A'ut laa'in a' li Yos ninyaab'a xk'ab'a', ut li Qaawa' taakoloq we.

Salmos 41:1

Re li xjolomileb' laj b'ichanel. Xsaalm laj David.

Salmos 25:5

K'amin chi xnawb'al li yaal ut chinaatzol, xb'aan naq laa'at linYos ut laj Kolol we; aawik'in k'ojk'o li waanm chi junelik.

Li xHu LAJ JOB 1:5

Sa' xraqik li junjunq chi ninq'e laj Job naxb'oqeb' li ralal ut namayejak re te'kuye'q li xmaakeb'. Nawakliik toj eq'la ut naxyeechi'i li xk'atb'il mayej chiru li Yos, sa' xk'ab'a' li junjunq chi ralal. Xb'aan naq naxye sa' xch'ool: “Mare eb' li walal xe'xmajewa li Yos sa' xch'ooleb'”. Ut junelik naxb'aanu chi jo'kan.

Li xHu LAJ JOB 1:1

Sa' li tenamit Us kiwank jun li winq aj Job xk'ab'a', tiik xch'ool ut chaab'il xk'a'uxl: naroxloq'i li Yos ut naxtz'eqtaana li ink'a' us.

2 Crónicas 6:33

chawab'iiq li xtij toj sa' li choxa, sa' laamuheb'aal. Chak'e re laj ab'l tenamit li k'aru tixpatz' aawe, re naq chixjunileb' li tenamit sa' ruuchich'och' te'xnaw aawu ut te'xk'e aaloq'al, jo' neke'xb'aanu eb' laj Israel laatenamit, ut te'xk'e reetal naq napatz'mank laak'ab'a' sa' li loq'laj ochoch a'in li xinyiib' cho'q aawe.

1 Reyes 8:43

chawab'iiq li xtij toj sa' li choxa, sa' laamuheb'aal. Chak'e re laj ab'l tenamit li k'aru tixpatz' aawe, re naq chixjunileb' li tenamit sa' ruuchich'och' te'xnaw aawu ut te'xk'e aaloq'al, jo' neke'xb'aanu eb' laj Israel laatenamit, ut te'xk'e reetal naq napatz'mank laak'ab'a' sa' li loq'laj ochoch a'in li xinyiib' cho'q aawe.

Josué 24:15

A'ut wi ink'a' naxk'ul eech'ool k'anjelak chiru li Qaawa', sik'omaq ru anaqwan ani chi aj u teeraj k'anjelak: ma li xyoseb' leexe'toonil yuwa' li ke'xloq'oni chaq chire li nima' Éwfrates, malaj chiru li xyoseb' laj Amor b'arwi' wankex anaqwan. Laa'in ut linjunkab'al took'anjelaq chiru li Qaawa'”, chan laj Josué.

Génesis 18:19

Sik'b'il chaq ru inb'aan re naq tixk'ut li b'eek jo' naraj li Qaawa' chiruheb' li ralal xk'ajol jo'wi' chiruheb' li te'wanq moqon, re naq te'wanq sa' tiikilal ut sa' chaab'ilal. Chi jo'kan tink'e re laj Abrahán li b'arwan xinyeechi'i re”.

Hechos 2:5

Wankeb' aran Jerusalén aj Judiiy aj paab'aneleb', chalenaqeb' chaq sa' chixjunileb' li tenamit junsut junrub'el choxa.

Hechos 11:14

A'an taayehoq aawe li aatin li tatkole'q wi' laa'at ut chixjunileb' laajunkab'al».

San Mateo 25:17

Jo'kan ajwi' li kik'uluk wiib' mil, kireechani wiib' mil chik sa' xb'een.