Hechos 1:16 - Q'eqchi Bible

¹⁶ “Ex was wiitz'in, tento xtz'aqlok ru li b'arwan ak yeeb'il chaq sa' li Santil Hu xb'aan li Santil Musiq'ej. A'in ki'aatinak chi xtz'uumal re laj David chirix laj Judas, a' li kik'amok xb'eheb' li ke'chapok re li Jesus.

Li Santil hu

¹⁶ —Ex inherma̱n, tento nak ta̱uxma̱nk li tzꞌi̱banbil saꞌ li Santil Hu li quicꞌuteꞌ chiru li rey David xban li Santil Musikꞌej chirix laj Judas li quikꞌaxtesin re li Jesús reheb li queꞌchapoc re.

Hechos 1:16 ပူးပေါင်းရင်းမြစ်များ

Salmos 41:9

“Wank chik rub'el xwankil li xb'alb'a; jiljo anaqwan, ink'a' chik taawakliiq”, chankeb'.

San Juan 13:18

“Ink'a' nin'aatinak cherix chejunilex. Laa'in ninnaw chi us ani li kinsik'eb' chaq ru; ab'anan tento taatz'aqloq ru li Santil Hu: «Li nawa'ok re linwa xtaqsi li roq ruq' sa' inb'een».

Hechos 1:20

Xb'aan naq sa' xHuheb' li Saalm tz'iib'anb'il a'in: «Nakirnak chikanaaq li rochoch ut maa'ani chik chiwanq chisa'». Tz'iib'anb'il ajwi': «Jalanaq chik chik'uluq re li xk'anjel».

San Mateo 26:56

Ab'an chixjunil a'in xk'ulmank re naq chitz'aqloq ru li xtz'iib'ahomeb' chaq li Propeet. Toja' naq chixjunileb' li xtzolom ke'xkanab' ut ke'elelik.

San Mateo 26:54

Ab'an chan raj ru naq taatz'aqloq ru li tz'iib'anb'il sa' li Santil Hu li naxye naq jo'ka'in tento taak'ulmanq?

San Mateo 26:47

Toj yo ajwi' chi aatinak li Jesus, naq kiwulak laj Judas, jun reheb' li Kab'laju. Naab'aleb' li rochb'een, wankatqeb' xch'iich' ut xche', taqlanb'ileb' chaq xb'aaneb' li xb'eenil aj tij ut eb' li xcheekel winqilaleb' li tenamit.

1 Pedro 1:11

Ke'xyal xq'e chi xtawb'al xyaalal jo'q'e xq'ehil ut xhonal taak'ulmanq li yo chaq chi k'utb'esiik chiruheb' xb'aan li xMusiq' li Kriist: xb'aan naq li Musiq'ej wan chaq rik'ineb', ut kixye chi junxilaj li rahilal tixkuy li Kriist jo'wi' li xnimal xloq'al tixk'ul toj moqon.

San Marcos 14:43

Toj yo ajwi' chi aatinak li Jesus, naq kiwulak laj Judas, jun reheb' li Kab'laju. Naab'aleb' li rochb'een, wankatqeb' xch'iich' ut xche', taqlanb'ileb' chaq xb'aaneb' li xb'eenil aj tij, xb'aaneb' laj tz'iib' ut eb' li cheekel winq.

2 Pedro 2:21

Q'axal us raj cho'q reheb' naq ink'a' xe'xnaw xb'ehil li tiikilal chiru naq, ak xnawomeb' chik, chirix chik a'an xe'xkanab' xpaab'ankil li Santil Chaq'rab' q'axtesinb'il reheb'.

Hechos 23:6

Naxnaw laj Pablo naq jun raqal chi xninqaleb' ru aj raqol aatin a'aneb' aj Saduseey ut li jun raqaleb' chik aj Pariseey; jo'kan naq kixye reheb' chi kaw xyaab' xkux: —Ex was wiitz'in, laa'in aj Pariseey, ralalin aj Pariseey. Xb'aan naq xaqxo li woyb'enihom chirix li xwaklijikeb' chi yo'yo eb' li kamenaq, jo'kan naq yo xraqb'al aatin chiwix.

Hechos 23:1

Laj Pablo kixka'ya eb' li xninqal ru aj raqol aatin ut kixye: —Ex was wiitz'in, laa'in xinwank chi q'axal tiik inch'ool chiru li Yos chalen toj anaqwan.

Hechos 22:1

“Ex was wiitz'in, ex inna' ex inyuwa', ab'ihomaq li tinye eere anaqwan re xkolb'al wib'”, chan laj Pablo.

Hechos 15:7

Ak naab'al wech'ink ke'xb'aanu chirix a'in, naq kixaqliik laj Pedro ut kixye reheb': —Ex was wiitz'in, laa'ex nekenaw naq ak najter kixsik' chaq wu li Yos sa' eeyanq re naq rik'in xtz'uumal we eb' li maawa'eb' aj Judiiy te'rab'i resil li Chaab'il Esilal ut te'ok sa' li paab'aal.

Hechos 13:38

Chenawaq b'i', ex was wiitz'in, naq sa' xk'ab'a' li Jesus nayeemank eere resilal li kuyuk sachok maak. Ut li tiikob'resink ch'oolej li ink'a' xetaw sa' xk'ab'a' xChaq'rab' laj Moisés

Hechos 13:15

Ut naq kiraqe'k xyaab'asinkil xsa' li Chaq'rab' ut eb' li Propeet, eb' li xb'eenil li ch'utleb'aal kab'l ke'xtaqla xyeeb'al reheb': —Ex qas qiitz'in, wi wank eeraatin re xwaklesinkil xch'ooleb' li tenamit, yehomaq.

Hechos 7:2

Kichaq'ok laj Esteban, ut kixye: “Ex was wiitz'in, ex inyuwa', ab'ihomaq. Li Yos nim xloq'al kixk'ut rib' chiru li qayuwa' laj Abrahán naq wan chaq Mesopotamia, maji'aq naq'axonk aran Harán,

Hechos 2:37

Naq ke'rab'i a'in, eb' li wankeb' aran k'ajo' naq ke'toch'e'k xch'ool, ut ke'xye re laj Pedro ut reheb' li xkomon apóstol: —Ex qas qiitz'in, k'aru tento taaqab'aanu?

Hechos 2:23

Li winq a'in kiq'axtesiik sa' eeruq' jo' chanru kiraj li Yos ut kixk'oxla chi junxilaj, ut laa'ex keklawxi chiru krus ut kek'e chi kamsiik rik'in ruq'eb' li maak'a'eb' xpaab'aal.

San Juan 19:36

Chixjunil a'in kik'ulmank re naq chitz'aqloq ru li naxye li Santil Hu: “Ink'a' taatoqmanq junaq xb'aqel”.

San Juan 10:35

Wi naxk'eheb' cho'q yos li ke'k'uluk re li Raatin li Yos (ut ink'a' naru xsachb'al xwankil li Santil Hu),

San Lucas 22:47

Toj yo ajwi' chi aatinak naq xaqaamileb' li k'iila tenamit chiruheb', ut jun reheb' li Kab'laju, a' li nayeemank re laj Judas, k'amol b'e chaq chiruheb'. A'an kijilok chi xk'atq li Jesus chi xtz'ub'al ru. Ut li Jesus kixye re:

San Marcos 12:36

A' ajwi' laj David, chi eek'asinb'il xb'aan li Santil Musiq'ej, kixye chi jo'ka'in: «Kixye li Qaawa' re linQaawa': K'ojlan sa' linnim uq' toj reetal tink'e rub'el laawoq eb' li xik' neke'ilok aawe».

2 Samuel 23:2

“Li xmusiq' li Qaawa' na'aatinak wik'in, li xloq'laj aatin wank chi xtz'uumal we.

Hechos 28:25

Ut naq ke'elk aran, ink'a' junajeb' xch'ool chirib'ileb' rib'. Laj Pablo kixchaq'rab'iheb' chi jo'ka'in: “Tz'aqal yaal li kixye li Santil Musiq'ej reheb' leena' leeyuwa' chi xtz'uumal re li propeet Isaías:

Hechos 28:17

Oxejeraq chik a'an laj Pablo kixch'utub' li xninqaleb' ru aj Judiiy ut, naq ch'utch'uukeb' chik rik'in, kixye reheb': —Ex was wiitz'in, laa'in maak'a' k'aru ink'a' us xinb'aanu re li qatenamit chi moko chirix li k'aynaqeb' wi' li qana' qayuwa'. Ab'an xinchape'k chaq Jerusalén ut xinq'axtesiik sa' ruq'eb' laj Roma.

Hechos 15:13

Naq ke'raqe'k chi aatinak, laj Santiago kixye chi jo'ka'in: —Ex was wiitz'in, chineerab'ihaq.

San Mateo 26:14

Toja' naq jun reheb' li Kab'laju, a' laj Judas Iskariote xk'ab'a', koho rik'ineb' li xb'eenil aj tij:

San Juan 17:12

Naq toj wankin rik'ineb', rik'in xwankil laak'ab'a' xwileb' chaq li xak'eheb' we. Laa'in xink'aak'alenk reheb' ut maajun xsachk chiwu, ka'ajwi' li ak teneb'anb'il sa' xb'een li sachk, re naq chitz'aqloq ru li Santil Hu.

2 Pedro 1:21

xb'aan naq maajun raatin propeet kichalk ta yal sa' xch'ool junaq winq, kichalk b'an rik'in naq ke'wank winq eek'asinb'ileb' xb'aan li Santil Musiq'ej, ke'aatinak jo' kiyehe'k chaq reheb' xb'aan li Yos.

2 Reyes 15:12

Chi jo'kan kitz'aqlok ru li raatin li Qaawa' yeeb'il chaq re laj Jehú: “Eb' laawalal aak'ajol te'wanq sa' li xk'ojarib'aal laj Israel toj rik'ineb' laaxikin i”.