Hechos 1:14 - Q'eqchi Bible

¹⁴ Chixjunileb' a'in neke'xk'e xch'ool chi tijok sa' junajil ch'oolej rochb'eeneb' li ixq ut lix María, xna' li Jesus, rochb'eeneb' ajwi' li rech'alal.

Li Santil hu

¹⁴ Chixjunileb aꞌan yo̱queb chi tijoc chi junajeb xchꞌo̱l rochbeneb li ri̱tzꞌin li Jesús ut lix María lix naꞌ. Ut cuanqueb ajcuiꞌ ixk yo̱queb chi tijoc rochbeneb.

Hechos 1:14 ပူးပေါင်းရင်းမြစ်များ

Efesios 6:18

Junelik chextijoq, chextz'aamanq. Chi kok'aq xsa' chex'elajinq sa' li Musiq'ej. Yalomaq eeq'e chi yo'lek sa' komonil, yooqex chi tijok chirixeb' chixjunil laj santil paab'anel

Hechos 6:4

A'ut laa'o tqak'e qach'ool chi tijok ut chi k'anjelak chirix Raatin li Yos.

Colosenses 4:2

Chek'e eech'ool chi tijok chi junelik, ut chexyo'leq rik'in yoxink.

Hechos 2:42

Junelik neke'xk'e xch'ool chi rab'inkil li xk'utum eb' li apóstol, jo'wi' chi wank sa' komonil, chi xjachb'al li Wa ut chi tijok.

Romanos 12:12

Chisaho'q sa' eech'ool sa' xk'ab'a' leeroyb'enihom; chekuyaq li raaxiik' ut junelikaqex chi tijok.

San Lucas 18:1

Kixye reheb' jun li jaljookil ru aatin re xk'utb'al chiruheb' naq tento te'tijoq junelik, chi maak'a'aq ch'inank ch'oolej:

San Mateo 21:22

Ut chixjunil li k'aru teetz'aama sa' li tijok chi anchal eepaab'aal, teek'ul.

Hechos 2:1

Naq kiwulak xkutankil li Pentekostés, ch'utch'uukeb' chixjunileb' sa' jun chi na'ajej.

San Lucas 11:13

Jo'kan utan, wi laa'ex li moko chaab'ilex ta nekenaw xk'eeb'al li chaab'il simaatan reheb' leeralal eek'ajol, ma toja' ta chik li choxahil Yuwa'b'ej ink'a' tixk'e li Santil Musiq'ej reheb' li te'xtz'aama chiru!”.

Hechos 2:46

Neke'xk'e xch'ool chi xik sa' rochoch li Yos wulaj wulaj, chi junajeb' xch'ool; neke'xjachi li wa sa' rochocheb' ut neke'tzekank chi saheb' sa' xch'ool ut sa' q'unil.

San Lucas 24:53

Ut junelik wankeb' sa' rochoch li Qaawa', yookeb' chi xnimankil xloq'al li Yos.

San Mateo 12:46

Naq toj yo chi aatinak li Jesus rik'ineb' li tenamit, li xna' rochb'eeneb' li riitz'in wankeb' chirix kab'l, te'raj raj raatinankil.

San Lucas 24:10

Eb' li ke'yehok a'in reheb' li apóstol, a'aneb' lix María aj Magdala, lix Jwana, lix María xna' laj Santiago, ut li junch'ol chik chi ixq li wankeb' sa' xyanqeb'.

San Lucas 23:55

Eb' li ixq li ke'taaqenk chaq re li Jesus toj Galilea, koheb' chirix laj José ut ke'ril li muqleb'aal ut chanru naq kik'ehe'k li xtz'ejwal li Jesus aran.

San Lucas 23:49

Chixjunileb' li neke'nawok ru li Jesus ut eb' li ixq li ke'taaqenk re chalen chaq Galilea, najt xaqxookeb' chaq chi rilb'al chixjunil a'in.

San Marcos 16:1

Naq kinume'k li sábado, lix María aj Magdala, lix María xna' laj Santiago, ut li xSalomé ke'xloq' sununkil b'an re naq toxe'xyul chirix li kamenaq.

San Marcos 15:40

Wankeb' ajwi' ixq yookeb' chaq chi ilok chi najt. Sa' xyanqeb' a'an wank lix María aj Magdala, lix María xna' laj Santiago li kach'in ut xna' ajwi' laj José, jo' ajwi' lix Salomé,

San Mateo 27:55

Wankeb' aran naab'al li ixq, yookeb' chaq chi ilok chi najt, a'eb' li ke'taaqenk re li Jesus chalen chaq Galilea ut ke'k'anjelak chiru.

San Lucas 24:33

Ut sa' ajwi' li honal a'an ke'xaqliik ut ke'sutq'iik Jerusalén b'arwi' ke'xtaw chi ch'utch'uukeb' li Junlaju ut eb' li te'ochb'eeninq reheb',

San Lucas 8:20

Kiyehe'k ut resil re: —Laana' ut eb' laawiitz'in wankeb' chirix kab'l, ut te'raj aawilb'al.

1 Corintios 14:13

Li na'aatinak sa' jalanil aatin li ink'a' natawmank ru, xtz'aamahaq chiru li Yos re naq truuq tixye xyaalal li raatin.