Hebreos 7:2 - Q'eqchi Bible

² A'an kik'uluk li xlajeetqil chixjunil sa' ruq' laj Abrahán. Li xk'ab'a' naraj naxye xb'enwa: “awab'ej re li tiikilal”; jo' ajwi' “awab'ej re Salem” (naraj naxye: “awab'ej re li tuqtuukilal”).

Li Santil hu

² Ut li joꞌ qꞌuial quire̱chani chak laj Abraham saꞌ li ple̱t riqꞌuineb li rey, quixqꞌue li junju̱nk saꞌ xlaje̱tkil re laj Melquisedec. Li cꞌabaꞌej Melquisedec naraj naxye “rey re li ti̱quilal”. Ut li cꞌabaꞌej Salem naraj naxye “tuktu̱quil usilal”. Joꞌcan nak laj Melquisedec, aꞌan rey re li ti̱quilal ut rey re li tuktu̱quil usilal.

Hebreos 7:2 ပူးပေါင်းရင်းမြစ်များ

Números 18:21

Cho'q reheb' laj Leví tink'e chi reechaniheb' li xlajeetqil li mayej neke'xk'e eb' laj Israel, sa' xk'ab'a' li k'anjel te'xb'aanu sa' li Loq'laj Muheb'aal.

Salmos 72:7

Chi'atz'umaq li tiikil ch'oolej naq wanq chi awab'ejil; k'ajo'aq li tuqtuukilal jo' najtil twanq li po sa' xb'een li ruuchich'och'.

1 Crónicas 22:9

Ab'anan k'e reetal, taayo'laaq jun laawalal ut a'anaq jun li winq re tuqtuukil usilal. Laa'in tink'e tuqtuukilal rik'in chixjunileb' li xik' neke'ilok re sa' chixjunil li na'ajej. Jo'kan naq aj Salomón tixk'ab'a'in. Sa'eb' li kutan a'an laa'in tink'e tuqtuukilal ut usilal reheb' laj Israel.

2 Samuel 23:3

Li xYos laj Israel x'aatinak, laj Kolol re laj Israel xye we: «Li nataqlank sa' xb'eeneb' li tenamit sa' tiikilal ut na'awab'ejink chi k'ojk'o xch'ool rik'in li Yos,

2 Samuel 8:15

Laj David ki'awab'ejink sa' xb'een chixjunileb' laj Israel ut junelik kitaqlank sa' xyaalal ut tiikilal sa' xb'een li xtenamit.

1 Samuel 8:17

Trisi li xlajeetqil leeketomq, ut laa'exaq ajwi' aj k'anjel chiru.

1 Samuel 8:15

Trisi li xlajeetqil leerawimq ut lee'uub' ut tixq'axtesi reheb' laj tenq' re jo'wi' reheb' laj k'anjel chiru.

Génesis 28:22

Li pek a'in li xinxaqab' cho'q loq'laj eetalil a'anaq rochoch li Yos; ut chixjunil li taak'e we, tintoj aawe, at Qaawa', rik'in li xlajeetqil li k'aru we”, chan laj Jakob.

Romanos 3:26

yal re xk'utb'al sa'eb' li kutan a'in li xtiikilal; naraj naxye, a'an tiik xch'ool ut aj tiikob'resihom re li napaab'ank re li Jesus.

San Lucas 2:14

“Nim li xloq'al li Yos taqe'q ut wank tuqtuukil usilal sa' ruuchich'och' rik'ineb' li raarookeb' xb'aan li Qaawa'”.

Miqueas 5:5

A'anaq li qatuqtuukilal. Naq eb' laj Asiria tole'xchap li qatenamit ut te'ok sa' li qana'aj, tqataqla sa' xb'eeneb' wuqub' aj jolominel ut waqxaqib'eb' ninqeb' xwankil.

Levítico 27:32

“Li junjunq sa' xlajeetqil li ketomq, a' yaal ma raleb' wakax malaj raleb' karneer, taamayejamanq re li Qaawa'.

San Mateo 1:23

“K'ehomaq reetal, li tuq'ixq taawanq sa' yu'am, taarala jun li k'uula'al, ut Emmanuel te'xk'e cho'q xk'ab'a'” (chi jalb'il ru naraj naxye: “Li Yos qik'in”).

Hebreos 7:1

Laj Melkisedek a'an awab'ej re Salem ut aj tij chiru li Nimajwal Yos. Ki'elk chi xk'ulb'al laj Abrahán, ut kirosob'tesi naq a'in yo chaq chi sutq'iik chi ak xsacheb' chaq eb' li awab'ej.

Hebreos 7:3

Sa' li Santil Hu maak'a' nayeemank chirix xna' xyuwa', chirixeb' li xxe' xtoon chi moko chirix xtiklajik malaj roso'jik li xyu'am; jo'kan naq juntaq'eetanb'il rik'in li Ralal li Yos, ut wank cho'q aj tij chi junajwa.