Hebreos 5:2 - Q'eqchi Bible

² Ut naxnaw xtoq'ob'ankil ruheb' li maak'a' neke'xnaw ut li sachsookeb', xb'aan naq a'an rech lub'luukileb' ajwi'.

Li Santil hu

² Li xyucuaꞌil aj tij, aꞌan yal cui̱nkeb joꞌ la̱o. Joꞌcan nak naxtokꞌoba ruheb ut naxtenkꞌaheb saꞌ usilal li nequeꞌma̱cob xban nak incꞌaꞌ nequeꞌxnau xya̱lal li yo̱queb chixba̱nunquil.

Hebreos 5:2 ပူးပေါင်းရင်းမြစ်များ

Hebreos 4:15

Xb'aan naq moko wank ta junaq xyuwa'il aj tij li ink'a' ta naxnaw ruxtaanankil ut xtoq'ob'ankil qu; wank b'an jun li kiyale'k rix rik'in chixjunil kama' ajwi' laa'o, ab'an ink'a' kimaakob'k jun sutaq.

Hebreos 2:18

Ut anaqwan naru xtenq'ankileb' li yookeb' raalenkil, xb'aan naq a'an ajwi' kixkuy li ra naq ki'aaleek.

Hebreos 7:28

Eb' li neke'xaqab'aak cho'q xyuwa'ileb' aj tij xb'aan li xChaq'rab' laj Moisés a'aneb' winq li wankeb' sa' xtoq'ob'aal ru; a'ut li raatin li jurament li kichalk moqon toj chirix li Chaq'rab', naxxaqab' li K'ajolb'ej cho'q xyuwa'il aj tij, a'an tz'aqal re ru chi junajwa.

Hebreos 12:13

tiikob'resihomaq li nekexb'eek wi', re naq li yeq ink'a' tixtoq li roq, chik'iraaq b'an.

Gálatas 4:13

Nekenaw chi us naq xb'aan jun linyajel xinpuktesi eere xb'enwa li Chaab'il Esilal;

2 Corintios 12:5

Sa' xk'ab'a' li winq a'an naru raj tinnimob'resi wib'; ab'an laa'in ka'ajwi' sa' xk'ab'a' xmajelal inmetz'ew tinnima wib'.

1 Timoteo 1:13

Ut laa'in aj majewanel naq kinwank chaq junxil, aj rahob'tesinel ut aj hob'onel; ab'an li Yos kiruxtaana wu xb'aan naq xmajelal inna'leb' kinb'aanu wi' a'in, naq toj maji' nin'ok chaq chi paab'ank.

2 Corintios 11:30

Wi tento tinnima wib', rik'in xmajelal inmetz'ew tinnima wib'.

San Lucas 22:32

A'ut laa'in xintijok chawix re naq ink'a' taalajq laapaab'aal. Ut laa'at, naq tatsutq'iiq chaq wik'in, chakawub'resi xch'ooleb' laawas aawiitz'in.

Isaías 30:11

Elenqex chiqu ut meetaaqe chik li chaab'il b'e; ink'a' chik naqaj rab'inkil leeraatin chirix li xSant laj Israel”.

Éxodo 32:8

Sa' junpaat xe'risi rib' sa' li b'e xink'ut chiruheb'. Xe'xyiib' jun saaj wakax rik'in oor ut xe'xhupub' rib' chiru; xe'xyeechi'i xmayejeb' ut xe'xye: «A'an a'in laayos, a Israel. A'an ki'isink chaq aawe sa' li tenamit Ejiipt»”.

Jueces 2:17

Ab'anan chi moko chiruheb' laj k'amol xb'eheb' ke'ab'ink, koho b'an chik xch'ooleb' chirixeb' li jalanil yos ut ke'xwiq'ib' rib' chiruheb'. Sa' junpaat ke'xkanab' li xb'e li xna' xyuwa'eb' li neke'xk'e xch'ool chi xpaab'ankil li xtaqlahom li Qaawa', ut ink'a' ke'xkanesi reheb' a'an.

Isaías 29:24

Eb' li sachalkeb' xna'leb', te'xtaw ru, ut eb' laj wech'onel te'xtzol li xtijb'aleb'”.

Efesios 4:18

q'oqyink ru li xk'a'uxeb' ut ab'leb' sa' li xyu'am li Yos, xb'aan naq maak'a' neke'xnaw ut kaweb' li xjolom.

Hebreos 2:17

Jo'kan naq tento kixjuntaq'eeta rib' sa' chixjunil rik'ineb' li ras riitz'in re naq a'anaq xyuwa'il aj tij aj uxtaan ut tiik xch'ool chiru li Yos, re xtojb'al rix xmaakeb' li tenamit.

Hebreos 9:7

Ab'anan, sa' li xkab' raqal, ka'ajwi' li xyuwa'il aj tij na'ok, jun sut ajwi' chiru li jun chihab'; ut naq na'ok, naxk'am li kik' re xmayejankil chirix li xmaak jo'wi' chirix xmaakeb' li tenamit.

Santiago 5:19

Ex was wiitz'in, wi junaq sa' eeyanq taarisi rib' sa' li yaal ut taasutq'isiiq wi' chik sa' li xpaab'aal xb'aan junaq ras riitz'in,

1 Pedro 2:25

Chanchanex chaq karneer li neke'cha'chotk naq xexwank chaq, a'ut anaqwan xexsutq'iik chaq rik'in laj K'aak'alenel ut laj Ilol re leeraanm.