Hebreos 4:2 - Q'eqchi Bible

² Laa'o qak'ulum jun li chaab'il esilal, kama' ajwi' naq ke'xk'ul eb' a'an. Ab'an li aatin ke'rab'i maak'a' ki'ok wi' reheb', xb'aan naq ink'a' ke'paab'ank ut ink'a' ke'xjunaji rib' rik'ineb' li ke'ab'ink re.

Li Santil hu

² La̱o xkabi resil li colba-ib joꞌ nak queꞌrabi resil najter. Abanan ma̱cꞌaꞌ qui-oc cuiꞌ reheb nak queꞌrabi xban nak incꞌaꞌ queꞌpa̱ban.

Hebreos 4:2 ပူးပေါင်းရင်းမြစ်များ

1 Ts 2:13

Jo'kan naq laa'o ajwi' junelik nokooyoxink chiru li Yos xb'aan naq, jo'q'e xerab'i li Raatin li Yos xqapuktesi eere, xek'ul moko jo' ta raatin li winq, jo' b'an tz'aqal li xyaalalil, jo' raatin li Yos li yo chi k'anjelak rik'in xwankil sa' eeyanq laa'ex laj paab'anel.

Hebreos 11:6

Ab'anan wi maak'a' qapaab'aal, ink'a' naru naq li Yos taasaho'q xch'ool qik'in, xb'aan naq ani najilok chi xk'atq li Yos tento tixpaab' naq wank li Yos ut a'an naxq'ajkamuheb' li neke'sik'ok re.

Hebreos 3:12

Ex was wiitz'in, chek'ehaq reetal naq maajun sa' eeyanq ink'a' usaq xch'ool xb'aan xmaak'a'il xpaab'aal tixnajtob'resi ta rib' rik'in li yo'yookil Yos.

1 Timoteo 4:8

Li tzolokb'atz'unk kach'in ajwi' xk'anjel; ab'an li xraab'al li Yos nak'anjelak cho'q re chixjunil xb'aan naq naxyeechi'i li yu'am anaqwan ut sa'eb' li kutan chalk re chiqu.

Romanos 2:25

Relik chi yaal naq li sirkunsisyon wank xyaalal wi nakapaab' li xChaq'rab' laj Moisés; ab'anan wi nakaq'et li Chaq'rab', laa'at nakatkanaak jo' ink'a' aak'ulum li sirkunsisyon.

Hechos 13:46

Toja' naq laj Pablo ut laj Bernabé chi kaweb' xch'ool ke'xye: —Tento naq eere laa'ex xb'enwa xyeemank li Raatin li Yos. Ab'anan, rik'in naq neketz'eqtaana a'an ut nekereek'a eerib' naq moko eek'ulub' ta li junelik yu'am, ab'ihomaq: tooxik rik'ineb' li junch'ol chik.

Santiago 1:21

Jo'kan utan, tz'eqtaanahomaq chixjunil li tz'ajb'eetal jo'wi' chixjunil li maa'usilal li yo chi numtaak, ut k'ulumaq sa' q'unil li Aatin awb'il eerik'in: a'an wank xwankil chekolb'al.

Hebreos 4:6

Naqanaw naq wankeb' li toj maji' neke'ok; naqanaw ajwi' naq eb' li ke'xk'ul xb'enwa li chaab'il esilal ink'a' ke'ok xb'aan naq ke'q'etok aatin.

1 Corintios 13:3

Wi ta tinjek'i chixjunil linjunkab'lal reheb' li neb'a' ut tinq'axtesi ta wib' sa' xam, ab'anan wi ink'a' ninrahok, maak'a' ninra chirix a'an.

1 Pedro 1:12

Li Yos kixk'utb'esi chiruheb' li propeet naq moko cho'q reheb' ta a'an, eere b'an laa'ex taak'anjelaq chixjunil a'in, a' wi' chikeb' li ánjel neke'raj raj xka'yankil. Ut anaqwan a'in xch'olob'aak cheru xb'aaneb' li xe'puktesink re li Chaab'il Esilal eere, rik'in li Santil Musiq'ej taqlanb'il chaq sa' choxa.

1 Ts 1:5

xb'aan naq li Chaab'il Esilal xqapuktesi eere moko ka'aj ta wi' rik'in aatin xwulak eerik'in, rik'in aj b'an wi' xwankil li Yos jo'wi' rik'in li Santil Musiq'ej, chi tz'aqal yaal. Nekenaw chanru naq xoowank chaq sa' eeyanq xb'aan eeraab'al.

Gálatas 3:8

Najter q'e kutan li Santil Hu ak naxnaw naq li Yos tixtiikob'resi xch'ooleb' li maawa'eb' aj Judiiy sa' xk'ab'a' li paab'aal. Jo'kan naq junxilaj kixye li chaab'il esil a'in re laj Abrahán: “Sa' aak'ab'a' osob'tesinb'ilaqeb' chixjunil li tenamit”.

Gálatas 4:13

Nekenaw chi us naq xb'aan jun linyajel xinpuktesi eere xb'enwa li Chaab'il Esilal;

Hechos 3:26

Xb'enwa cho'q eere laa'ex li Yos kixwaklesi chi yo'yo li Jesus li xmoos ut kixtaqla chaq cherosob'tesinkil, re naq li junjunq tixkanab' li xmaa'usilal”.

Deuteronomio 1:32

Ab'anan chi moko chi jo'kan kek'ojob' eech'ool rik'in li Qaawa' leeYos,

Romanos 3:3

Ut wi wank sa' xyanqeb' li ink'a' ke'paab'ank, k'a' tqaj wi'? Rik'in naq ink'a' ke'xnaw paab'ank ma tixkanab' li Yos xk'eeb'al li k'aru kixyeechi'i chaq?

Gálatas 3:2

Ka'ajwi' a'in nawaj xnawb'al eerik'in: ma xek'ul li Musiq'ej sa' xk'ab'a' xk'anjelankil li Chaq'rab' malaj rik'in xpaab'ankil li Aatin eerab'ihom wik'in?