Hageo 2:4 - Q'eqchi Bible

⁴ Ab'anan kawu laach'ool, a Sorobabel, chan li Qaawa'; kawu ajwi' laach'ool, a Josué, ralalat laj Josadak, li xyuwa'il laj tij. Ex tenamit sa' ruuchich'och', k'ehomaq eech'ool chi k'anjelak chejunilex, xb'aan naq wankin eerik'in, chan li Nimajwal Yos.

Li Santil hu

⁴ Anakcuan, cacuubresi a̱chꞌo̱l, at Zorobabel. Cacuubresi ajcuiꞌ a̱chꞌo̱l la̱at at Josué li xbe̱nil aj tij. Cacuubresihomak e̱chꞌo̱l che̱junilex li cuanquex arin ut chexcꞌanjelak ut la̱in cua̱nkin e̱riqꞌuin, chan li nimajcual Dios.

Hageo 2:4 ပူးပေါင်းရင်းမြစ်များ

1 Crónicas 28:20

Toja' naq laj David kixye re laj Salomón li ralal: “Kawaq aach'ool ut chayal aaq'e chi k'anjelak! Matxiwak ut mich'inank aach'ool, xb'aan naq li Qaawa' linYos wanq aawik'in. A'an ink'a' tatxkanab' chi moko tatxtz'eqtaana toj taaraqe'q chixjunil li k'anjel re xyiib'ankil li rochoch li Yos.

Zacarías 8:9

“Jo'ka'in naxye li Nimajwal Yos: Kawaq leech'ool, laa'ex li xex'ab'ink re eb' li aatin a'in rik'ineb' li propeet, chalen naq kik'ojob'aak li rub'elankil li rochoch li Nimajwal Yos.

Josué 1:9

Laa'in li yookin chi taqlank aawe. Yal aaq'e ut kawaq aach'ool. Matxiwak ut kaw xaqxooqat sa' laak'anjel, xb'aan naq li Qaawa' laaYos wanq aawik'in yalaq b'ar tatxik”, chan li Qaawa'.

2 Samuel 5:10

Chi jo'kan li xwankil laj David yo chi nimank, xb'aan naq li Qaawa', li Nimajwal Yos, wank rik'in.

Deuteronomio 31:23

Chirix chik a'an kixchaq'rab'i laj Josué, ralal laj Nun, chi jo'ka'in: “Kawaq aach'ool ut matxiwak xb'aan naq laa'at tatk'amoq reheb' laj Israel sa' li ch'och' inyeechi'om reheb', ut laa'in wanqin aawik'in”, chan.

2 Timoteo 2:1

At walal, kawaq aach'ool sa' rusilal li Kristo Jesus,

1 Crónicas 22:13

Chixjunil taa'elq chi us, wi taapaab' li xchaq'rab' ut li xtaqlahom li Qaawa' yeeb'il re laj Moisés cho'q reheb' laj Israel. Kawaq aach'ool ut xaqxooqat chi kaw. Mich'inank aach'ool chi moko tatxiwaq!

2 Timoteo 4:17

Ab'an li Qaawa' xoltenq'anq we ut xk'e xkawub' linch'ool re xpuktesinkil chi yaal li Aatin re naq xe'rab'i chixjunileb' li tenamit. Ut xinkole'k sa' re li kaqkoj.

Efesios 6:10

Sa' xraqik, kawub'resiiq leech'ool rik'in li xnimal xwankil li Qaawa'.

1 Corintios 16:13

Chexyo'leq, kaw xaqxooqex sa' li paab'ank, chexk'anjelaq jo' tz'aqal winq, kawaqex.

Hageo 1:13

Toja' naq laj Hageo, li xtaql li Yos, kixye reheb' li tenamit li aatin a'in sa' xk'ab'a' li Qaawa': “Jo'ka'in naxye li Yos: «Laa'in li Qaawa' wankin eerik'in»”.

Hechos 7:9

“Eb' li qaxe' qatoon xb'aan xkaqaleb' xch'ool ke'xk'ayi laj José re naq taak'ame'q Ejiipt. Ut li Yos wank rik'in

San Marcos 16:20

Ut eb' a'an koheb', ke'xpuktesi li Chaab'il Esilal yalaq b'ar, yo chi k'anjelak li Qaawa' rochb'eeneb' jo'wi' chi xk'eeb'al xwankil li Aatin rik'in li eetalil neke'ochb'eenink re.]

Josué 1:6

Kaw xaqxooqat sa' laak'anjel ut matxiwak, xb'aan naq laa'at tatjek'oq re li ch'och' cho'q re li tenamit a'in, a' li ch'och' kinyeechi'i sa' jurament reheb' li xxe'toonil yuwa'eb'.

Éxodo 3:12

Kichaq'ok li Yos ut kixye re: “Laa'in wanqin aawik'in ut a'inaq reetalil naq laa'in xintaqlank aawe: akaq xawisi chaq li tenamit aran Ejiipt, teeloq'oni wu sa' xb'een li tzuul a'in”.

1 Samuel 16:18

Toja' naq jun reheb' laj k'anjel kixye: “Wilom jun ralal laj Jesé aj Belén naxnaw wajb'ak. A'an kaw rib', yo'oon chi yalok, chaab'il na'aatinak, xchaq'al ru na'ilok ut li Qaawa' wank rik'in”.

Jueces 2:18

Naq li Qaawa' naxwaklesi junaq aj k'amol b'e, A'an ajwi' natenq'ank re. Jo' najtil yo'yooq laj k'amol b'e, li Qaawa' naxkoleb' laj Israel sa' ruq'eb' li xik' neke'ilok reheb', xb'aan naq naxtoq'ob'a ruheb' li neke'tz'uyink xb'aaneb' laj rahob'tesinel li neke'numtaak sa' xb'eeneb'.

Esdras 5:2

Toja' naq laj Sorobabel, ralal laj Sehaltiel, ut laj Josué, ralal laj Josadak, ke'xkawu xch'ooleb' chi k'anjelak re xwaklesinkil li rochoch li Yos aran Jerusalén; ut eb' li xpropeet li Yos wankeb' rik'ineb', yookeb' chi xtenq'ankileb'.

Esdras 10:18

Sa' xyanqeb' laj tij a'aneb' a'in li xk'ab'a' li sumsuukeb' rik'in jun li ixq aj ab'l tenamit. Sa' xyanqeb' li ralal laj Josué, ralal laj Josadak, ut sa' xyanqeb' li rech'alal: laj Mahasías, laj Elieser, laj Jarib ut laj Kodolías.

Zacarías 4:6

Jo'kan naq kixye wi' chik we: “A'an a'in li raatin li Qaawa' cho'q re laj Sorobabel: «Moko rik'in ta metz'ew chi moko rik'in kawil ch'oolej tatk'anjelaq, ka'aj b'an wi' rik'in linMusiq' -chan li Nimajwal Yos-.