Habacuc 1:3 - Q'eqchi Bible

³ K'a'ut naq nakak'e chiwil li maa'usilal ut li raaxiik' a'in? K'ajo' li rahilal ut li elq'ak! Yalaq b'ar wank li wech'ij ib' ut li yalok.

Li Santil hu

³ ¿Cꞌaꞌut nak niquina̱qꞌue chirilbal li raylal ut li ma̱usilal aꞌin? ¿Cꞌaꞌut nak cuan li rahobtesi̱nc ib saꞌ kaya̱nk? Ut, ¿cꞌaꞌut nak cuan li joskꞌil ut li sacꞌoc ib ut li cuechꞌi̱nc ib saꞌ kaya̱nk?

Habacuc 1:3 ပူးပေါင်းရင်းမြစ်များ

Jeremías 20:8

Rajlal naq ninjap we chi aatinak, junes rahilal ut sachok li ninye. Junelikeb' chinhob'b'al ut chinse'enkil xb'aan naq ninpuktesi laawaatin.

Eclesiastés 5:8

Wi sa' junaq tenamit taawil naq rahob'tesinb'ileb' li neb'a' ut ink'a' naraqmank aatin sa' tiikilal, misachk aach'ool xb'aan a'an. A'in nak'ulmank xb'aan naq li ani wank sa' xwankil, a'an taqlanb'il xb'aan li nim xwankil chiru; ut li nim xwankil, a'an taqlanb'il ajwi' xb'aan jalan chik q'axal nim wi' chik xwankil.

2 Pedro 2:8

xb'aan naq li winq a'an tiik xch'ool naq kiwank sa' xyanqeb' a'an, ut rajlal kutan namayok xch'ool chi rilb'al ut rab'inkil li xyib' aj b'aanuhomeb'.

San Mateo 10:16

“Chek'e reetal, laa'in texintaqla jo'eb' li karneer sa' xyanqeb' laj xojb'. Chiwanq b'i' eena'leb' jo'kaqex eb' li k'anti', ut tuulanaqex jo'kaqex eb' li mukuy.

Ezequiel 2:6

“Ut laa'at, kaamel winq, maaxiwa ruheb' chi moko tatxiwaq xb'aan li k'aru te'xye aawe, us ta chanchan naq sutsuuqat sa' li k'ix malaj wanqat ta sa' xyanqeb' laj xook'. Matxiwak rik'in li k'aru te'xye chi moko naq te'josq'o'q chawu, xb'aan naq q'axal kaw li xjolomeb'.

Eclesiastés 4:1

Chirix chik a'an xink'e reetal naq naab'aleb' neke'rahob'tesiik sa' ruuchich'och', ut eb' laj rahob'tesinel a'aneb' li wankeb' xwankil. Eb' li rahob'tesinb'ileb' yookeb' chi yaab'ak, ab'an maajun nak'ojob'ank xch'ooleb'.

Jeremías 15:10

Q'axal ra wankin, at inna'. Jwal us raj naq ink'a' kinyo'laak, xb'aan naq sa' lintenamit chixjunileb' neke'wech'ok wik'in ut xik' nikine'ril. Maajun wan wi' ink'as chi moko ink'ehom to' tumin, ab'anan chixjunileb' neke'majewank we.

Jeremías 20:18

K'a' tawi' aj e naq kinyo'laak, yal re xaq k'uluk rahilal ut ch'a'ajkilal, ut re kanaak sa' xutaan chi junelik?

Isaías 5:7

Li xyaalal li b'ich, a'an a'in: li rawimq li Nimajwal Yos, a'an li tenamit Israel, ut eb' laj Judá, a'an li iyaj jwal raaro xb'aan. Li Qaawa' kiroyb'eni naq te'xb'aanu li us, ut maa'usilal chik kixtaw; kixyo'oni naq te'wanq sa' tiikilal, ut junes a' chik li rahob'tesink ib' kixtaw.

Isaías 46:12

Ab'ihomaqin, laa'ex li kaw eejolom, li najt wankex rik'in li kolb'a ib':