Génesis 9:3 - Q'eqchi Bible

³ Chixjunil li na'eek'ank ut wank xyu'am te'k'anjelaq cho'q eetzekemq: chixjunil a'in tinq'axtesi eere jo' naq ak k'eeb'il eere li awimq.

Li Santil hu

³ Xinqꞌue e̱re chixjunil li acui̱mk chokꞌ re e̱tzacae̱mk. Anakcuan tinqꞌue ajcuiꞌ e̱re chixjunil li xul. Chixjunil li cꞌaꞌak re ru tinqꞌue chokꞌ re e̱tzacae̱mk.

Génesis 9:3 ပူးပေါင်းရင်းမြစ်များ

Romanos 14:14

Ninnaw chi us ut ch'olch'o chiwu sa' xk'ab'a' li Qaawa' Jesus naq maak'a' k'aru tz'aj yal ta xjunes rib'; ab'an wi ani nak'oxlank re naq tz'aj junaq k'a' re ru, tz'aj ka'ajwi' cho'q re a'an.

Deuteronomio 12:15

Ab'an, wi taawaj, truuq tatkamsinq ut taatzeka li tib' sa' chixjunileb' li tenamit jo' rosob'tesihom li Qaawa' laaYos li xk'ehom aawe. Naru teetzeka chejunilex, us ta muxb'ilex, kama'aq xtzekankil xtib'el li kej malaj li yuk.

1 Corintios 10:31

Jo'kan utan, wi texwa'aq tex'uk'aq malaj k'a'aq chik re ru teeb'aanu, b'aanuhomaq chixjunil re xloq'oninkil ru li Yos.

Colosenses 2:16

Jo'kan utan, maa'ani chiwech'oq eerix rik'in wa'ak uk'ak, chirix ninq'e, xyo'lajik li po malaj chirix li sábado.

1 Corintios 10:23

“Chixjunil naru ninb'aanu!”, ab'an moko chixjunil ta us xb'aanunkil. “Chixjunil naru ninb'aanu!”, ab'an moko chixjunil ta nakab'lank li komonil.

Romanos 14:3

Li natzekank, mixtz'eqtaana li ink'a' natzekank; ut li ink'a' natzekank, mixwech' rix li natzekank xb'aan naq a' li Yos xk'uluk re.

Levítico 22:8

Moko naru ta tixtzeka xtib'el kamenaq xul malaj ut putz'inb'il xb'aan josq' aj xul, re naq ink'a' tixmux rib' rik'in a'an. Laa'in li Qaawa'.

Romanos 14:20

Maajuk' xb'aanuhom li Yos xb'aan junaq tzekemq. Relik chi yaal naq chixjunil maak'a' xtz'ajnil; ab'anan wi rik'in li k'aru natzekamank nawank luktesink ch'oolej, a'an moko us ta.

Romanos 14:17

Li xnimajwal awab'ejihom li Yos moko wa uk'a' ta, tiikilal b'an, tuqtuukil usilal ut sahil ch'oolej xb'aan li Santil Musiq'ej.

Génesis 9:2

Chiwanq eexiwankil xb'aan chixjunileb' li xul li wankeb' sa' ruuchich'och': eb' li xul li neke'rupupik chiru choxa, eb' li neke'xjukuki rib' chiru ch'och' ut chixjunileb' li kar li wankeb' sa' palaw te'kanaaq sa' eeruq'.