Génesis 9:27 - Q'eqchi Bible

²⁷ Li Yos chixnimob'resi taxaq xwankil laj Jafet, chihilanq taxaq sa'eb' li xmuheb'aal laj Sem ut chikanaaq laj Kanahán cho'q aj k'anjel chiru a'an!”.

Li Santil hu

²⁷ Ut quixye ajcuiꞌ: —Li Dios chixnimobresi xcuanquil laj Jafet ut chixqꞌue taxak nabal li ralal xcꞌajol. Ut eb aꞌan cheꞌcua̱nk saꞌ lix muheba̱leb li ralal xcꞌajol laj Sem. Li ralal xcꞌajol laj Canaán cheꞌcana̱k chokꞌ rahobtesinbil mo̱s riqꞌuineb li ralal xcꞌajol laj Sem, chan laj Noé.

Génesis 9:27 ပူးပေါင်းရင်းမြစ်များ

Romanos 15:12

Laj Isaías kixye ajwi': “Taatuxmeq chaq xxe' laj Jesé ut taawakliiq chaq chi awab'ejink sa' xb'eeneb' li tenamit. Rik'in a'an xaqxooq xnimal royb'enihomeb' li poyanam”.

Romanos 11:12

Ut wi li xt'anikeb' laj Judiiy kixb'ihomob'resi li ruuchich'och' ut rik'in naq ke'kub'siik xwankil ke'b'ihomo'k li maawa'eb' aj Judiiy, ma toja' ta chik naq chixjunileb' te'ok chi paab'ank?

Efesios 3:13

Jo'kan utan, nintz'aama cheru naq mich'inank leech'ool xb'aan li raaxiik' yookin chi xk'ulb'al cherix laa'ex, xb'aan naq a'an a'in leeloq'al.

Efesios 3:6

A'an a'in li muqmuukil na'leb': naq chixjunileb' li tenamit te'reechani li rosob'tesihom li Yos, junajeb' aj chik chi tz'ejwalej rik'ineb' laj Israel, wotz te'tz'aqonq sa' li xyeechi'om li Yos, sa' xk'ab'a' li Kristo Jesus.

Efesios 2:19

Jo'kan utan, moko ab'lex ta chik chi moko yal aj numelex ta, laa'ex b'an chik rech tenamitilex eb' laj santil paab'anel, wankex anaqwan sa' rochoch li Yos,

Malaquías 1:11

“Sa' chixjunileb' li tenamit chalen sa' releb'l saq'e toj sa' rokeb'l jwal nim link'ab'a' ut yalaq b'ar nayeechi'imank k'ajpom ut mayej li ink'a' muxb'il ru, sa' ink'ab'a'. Xb'aan naq eb' li jalan tenamit neke'xk'e inloq'al -chan li Nimajwal Yos-.

Oseas 2:14

“Jo'kan naq tinq'unb'esi li xch'ool: tink'am sa' li chaqich'och' ut tinye re naq q'axal ninra.

Isaías 11:10

Sa' li kutan a'an li riyajil laj Jesé taawanq jo' jun eetalil cho'q reheb' li tenamit; chixjunileb' li poyanam te'sik'oq re ut q'axal nimaq xloq'al li na'ajej wanq wi'.

Hechos 17:14

Toja' naq eb' laj paab'anel ke'xtaqla chi junpaat laj Pablo toj chire li palaw; ab'an laj Silas ut laj Timoteo toj ke'kanaak Berea.

Génesis 9:28

Naq ak xnume'k li b'ut'iha', toj lajeeb' xwaqxaqlajuk'aal (350) chihab' chik kiyo'yook laj Noé sa' ruuchich'och'.

Génesis 10:2

Eb' li ralal xk'ajol laj Jafet a'aneb' a'in: laj Gómer, laj Magog, laj Maday, laj Jabán, laj Tubal, laj Mesek ut laj Tirás.

Génesis 27:29

Che'xk'anjela ta aawu eb' li tenamit, chate'roxloq'i taxaq chixjunileb' li xteepal li ruuchich'och'. Laa'ataq aj taqlanel sa' xb'eeneb' laawiitz'in ut chate'roxloq'i taxaq eb' li xyum laana'. Li taatz'eqtaananq aawe, tz'eqtaananb'ilaq ajwi' a'an; ut li taa'osob'tesinq aawe, osob'tesinb'ilaq ajwi' a'an”.

Isaías 66:19

Tinb'aanu jun nimla eetalil sa' xyanqeb', ut wanqeb' li te'kole'q ut tintaqlaheb' sa'atqeb' li najtil tenamit: aran Tarsis, Etiopía, Libia, Mesek, Tubal ut Grecia, jo' ajwi' sa'atqeb' li tenamit wankeb' chaq chire palaw, li toj maji' rab'ihomeb' aatinak chiwix chi moko rilomeb' linloq'al. Eb' a'an te'puktesinq resil linloq'al sa'atqeb' li najtil tenamit.