Génesis 8:12 - Q'eqchi Bible

¹² Toj kiroyb'eni wi' chik wuqub' kutan, toja' naq kirach'ab' li mukuy ut a'an ink'a' chik kisutq'iik chaq rik'in.

Li Santil hu

¹² Quiroybeni cuukub cutan chic ut quirachꞌab cuiꞌchic li paloma. Co̱ li paloma ut incꞌaꞌ chic quisukꞌi chak riqꞌuin laj Noé.

Génesis 8:12 ပူးပေါင်းရင်းမြစ်များ

Isaías 30:18

Ab'an li Qaawa' yo royb'eninkil li honal re rusilankil eeru. Taawakliiq chaq chi xtoq'ob'ankil eeru, xb'aan naq tiik xch'ool li Qaawa'. Us xaq reheb' li k'ojk'o xch'ooleb' rik'in!

Isaías 26:8

Rik'in xpaab'ankil laachaq'rab', at Qaawa', kaw qach'ool chawoyb'eninkil; li k'aru naxrahi li qaanm a'an laaraab'al ut aajultikankil.

Isaías 25:9

Sa' li kutan a'an taayeemanq: “A'an a'in li qaYos li kaw wi' qach'ool re qakolb'al. A'an a'in li Qaawa' li xoo'oyb'enink wi': qanimaaq xloq'al ut chisaho'q li qach'ool xb'aan naq A'an xkolok qe”.

Génesis 8:10

Toj kiroyb'eni wuqub' kutan chik, toja' naq kirach'ab' wi' chik li mukuy chi elk sa' li jukub' kab'l.

Isaías 8:17

Us ta li Qaawa' xmuq rib' chiruheb' li ralal xk'ajol laj Jakob, laa'in k'ojk'o linch'ool chirix A'an, ut xaqxo li woyb'enihom rik'in.

Salmos 27:14

K'ojk'ooq aawaanm rik'in li Qaawa', kawaq aach'ool ut chatkuyuq; k'ojk'ooq aawaanm rik'in li Qaawa' chi junelik!

Habacuc 2:3

Toj maji' nawulak xq'ehil naq li moy u a'in taatz'aqloq ru, ab'an ak xaqxo xkutankil naq taak'ulmanq. Us ta taab'ayq kach'inaq, oyb'eni laa'at xb'aan naq relik chi yaal naq taatz'aqloq ru chixjunil.

Génesis 8:11

Ewu kisutq'iik chaq li mukuy: wan chaq sa' ruuch re jun xxaq li oliiw. Chi jo'kan laj Noé kixnaw naq xsaak chik li ha' sa' xb'een li ruuchich'och'.

Jeremías 48:28

Elenqex sa'eb' leetenamit, ex aj Mohab, ayuqex chi wank sa'eb' li saqoonak jo'eb' li mukuy li neke'sukub'k junqre li uul.