Génesis 7:7 - Q'eqchi Bible

⁷ Laj Noé ki'ok sa' li jukub' kab'l rochb'eeneb' li ralal, li rixaqil ut li ralib'eb' re xkolb'aleb' rib' chiru li b'ut'iha'.

Li Santil hu

⁷ Laj Noé qui-oc saꞌ li jucub cab rochbeneb li ralal, li rixakil ut li rixakileb li ralal re xcolbaleb rib chiru li butꞌi haꞌ.

Génesis 7:7 ပူးပေါင်းရင်းမြစ်များ

San Lucas 17:27

Yookeb' chaq chi wa'ak chi uk'ak, yookeb' chi k'amok ut chi k'ame'k toj sa' li kutan ki'ok wi' laj Noé sa' li jukub' kab'l ut kichalk li b'ut'iha', kixsach chixjunileb'.

2 Pedro 2:5

Jo'kan ajwi', us ta kixkol laj Noé, laj yehol resil li tiikilal, jo'wi' wuqub' chik rochb'eeneb', ab'an ink'a' kixkuy xmaak li ruuchich'och' kiwank najter; kixtaqla b'an li b'ut'iha' sa' xb'een li ruuchich'och' nujenaqeb' chi aj maak.

San Mateo 24:38

Jo' rub'elaj chaq li b'ut'iha' yookeb' chaq chi wa'ak chi uk'ak, yookeb' chi k'amok ut chi k'ame'k toj sa' li kutan ki'ok wi' laj Noé sa' li jukub' kab'l,

Génesis 7:1

Chirix chik a'an li Qaawa' kixye re laj Noé: “Okan sa' li jukub' kab'l laa'at ut chixjunileb' li wankeb' sa' laawochoch, xb'aan naq xwil naq ka'jat wi' laa'at tiik aach'ool sa' li tenamit a'in.

Génesis 6:18

Ab'anan aawik'in tink'ojob' jun sumwank: tat-ok laa'at sa' li jukub' kab'l aawochb'eeneb' laawalal, laawixaqil ut eb' laawalib'.

1 Pedro 3:20

Eb' a'an najter q'e kutan ink'a' ke'paab'ank naq ke'oyb'eniik xb'aan li xnimal xkuyum li Yos, sa'eb' li kutan naq laj Noé yo chaq chi xyiib'ankil li jukub' kab'l. Chisa' a'an ink'a' k'iheb' li ke'kole'k xb'aan li ha': yal waqxaqib'eb' ajwi'.

Hebreos 11:7

Sa' xk'ab'a' li xpaab'aal laj Noé kirab'i resil li k'aru toj maji' na'ilmank ru; kixxiwa ru li Yos ut kixyiib' li jukub' kab'l re xkolb'al li xjunkab'al. Ut sa' xk'ab'a' li xpaab'aal kixtz'eqtaana li ruuchich'och' ut koxreechani li tiikilal li nachalk xb'aan li paab'aal.

Hebreos 6:18

re naq, sa' xk'ab'a' li raatin jo'wi' li xjurament li ink'a' naru xjalb'al ru chi moko naru natik'ti'ik wi' li Yos, chiwanq xnimal xkawub' qach'ool chi reechaninkil li qamaatan naqoyb'eni laa'o, a'an li qayo'oon rik'in li Yos.

Proverbios 22:3

Li wank xna'leb' ink'a' naxch'ik rib' sa' li raaxiik' naq naril; ab'an li maak'a' xk'a'uxl tiik naxik ut naxk'ul li rahilal.