Génesis 7:23 - Q'eqchi Bible

²³ Li Qaawa' kixsach jo'ch'inal jo'nimal wank sa' ruuchich'och'. Ke'sache'k li tenamit jo' ajwi' li ketomq, eb' li xul li neke'xjukuki rib' chiru ch'och' ut eb' li neke'rupupik chiru choxa: chixjunileb' kilaje'sachk sa' ruuchich'och', ka'aj chik laj Noé kikanaak rochb'eeneb' li wankeb' sa' li jukub' kab'l.

Li Santil hu

²³ Joꞌcaꞌin nak li Dios quixsach ruheb chixjunileb li cuanqueb saꞌ ruchichꞌochꞌ. Queꞌosoꞌ li cristian joꞌ ajcuiꞌ chixjunileb li xul li nequeꞌbe̱c. Joꞌ ajcuiꞌ li nequeꞌxjucuqui rib ut li nequeꞌrupupic chiru choxa. Caꞌaj chic laj Noé quicoleꞌ rochbeneb chixjunileb li cuanqueb saꞌ li jucub cab.

Génesis 7:23 ပူးပေါင်းရင်းမြစ်များ

2 Pedro 2:5

Jo'kan ajwi', us ta kixkol laj Noé, laj yehol resil li tiikilal, jo'wi' wuqub' chik rochb'eeneb', ab'an ink'a' kixkuy xmaak li ruuchich'och' kiwank najter; kixtaqla b'an li b'ut'iha' sa' xb'een li ruuchich'och' nujenaqeb' chi aj maak.

1 Pedro 3:20

Eb' a'an najter q'e kutan ink'a' ke'paab'ank naq ke'oyb'eniik xb'aan li xnimal xkuyum li Yos, sa'eb' li kutan naq laj Noé yo chaq chi xyiib'ankil li jukub' kab'l. Chisa' a'an ink'a' k'iheb' li ke'kole'k xb'aan li ha': yal waqxaqib'eb' ajwi'.

Hebreos 11:7

Sa' xk'ab'a' li xpaab'aal laj Noé kirab'i resil li k'aru toj maji' na'ilmank ru; kixxiwa ru li Yos ut kixyiib' li jukub' kab'l re xkolb'al li xjunkab'al. Ut sa' xk'ab'a' li xpaab'aal kixtz'eqtaana li ruuchich'och' ut koxreechani li tiikilal li nachalk xb'aan li paab'aal.

2 Pedro 3:6

Xb'aan a'in kib'ut'in ut ki'oso'k li ruuchich'och' kiwank najter.

San Mateo 25:46

Ut te'xik eb' a'in sa' li tojb'amaak chi junelik, ut eb' li tiikeb' xch'ool te'xik sa' li junelik yu'am”.

2 Pedro 2:9

Jo'kan utan, chixjunil a'in a'an reetalil naq li Yos naxnaw xkolb'aleb' laj paab'anel chiru li aaleek; a'ut eb' li ink'a' neke'paab'ank, naxk'uulaheb' cho'q re xkutankil li raqb'a aatin naq te'rahob'tesiiq:

Proverbios 11:4

Li b'ihomal maak'a' na'ok wi' sa' xkutankil li raqok aatin; ka'ajwi' li tiikilal nakolok chiru li kamk.

Salmos 91:1

Laa'at li nakathilank rub'el xwankil li Qaawa' ut nakatmuhenk rub'el xkupuhom li Nimajwal Yos,

Li xHu LAJ JOB 5:19

Jun sut ka' sut tatxkol chiru li rahilal, ut tixram chawu chixjunil li ch'a'ajkilal.

Salmos 91:7

Us ta te'kamq jun milaq chak'atq malaj lajeeb'aq mil sa' laanim uq', ab'anan laa'at maak'a' taak'ul.

Génesis 6:17

Laa'in tink'e jun nimla b'ut'iha' sa' xb'een li ruuchich'och' re xsachb'aleb' chixjunil li wankeb' xmusiq' junsut junrub'el choxa: chixjunileb' li wankeb' sa' ruuchich'och' te'oso'q.

Génesis 8:18

Laj Noé ki'elk rochb'eeneb' li ralal, li rixaqil jo' ajwi' eb' li ralib'.